PONGORINAH 8:7 - BOWOT BOHUA

⁷ Molehkat pahtuk mopos sorunaioh, mahka uhjan es tutang baho sampur daha boduruh hawui pahamoh nokuh ngosan tana. Ihco pertolu tana opah bosaha, kolourih ka'a ihco pertolu tahkan pu'un-pu'un kahju, tutang nyinong uru ijo bohijou.

PONGORINAH 8:7 ပူးပေါင်းရင်းမြစ်များ

YAKOBUS 1:11

Aang ohkot mahtanondou lombut honong kopodih ijo monyahap, mahka uru rih ahkan monjadi bolanyu nyiring ngonyahturih dolakoh, tutang nihau hino kobohinoioh. Kolorih ka'a umba ulun ijo tahtou; io ahkan luhtek, ang ohkot io hun nguan karonang gawiuoh.

1 PETRUS 1:24

A'ang Surat Borasih tonyurat koloutuh, ‘‘Paring ukup kolunon, kolou uru, tutang kokaro kohajoioh, kolou dolak uru. Uru molanyu, dolakoh ka boduruh;

PONGORINAH 12:4

Umba ikuhoh io mohaer sepertolu tahkan potion-potion ang langit, tutang nyakahoh nokuh tana. Naga rih tombok hila boun ulunbawi ijo kani nganak rih, honong nohuang nolon anakoh, kolourih io nganak.

PONGORINAH 16:2

Molehkat ijopahtuk tulak tutang nusuh suang kondarahoh nokuh tana. Mahka lombut baha-baha ijo hebat, tutang paham podih aang paring ulun ijo ngina tanda ohcin rih, tutang aang ulun-ulun ijo nyembah pahtungoh.

PONGORINAH 16:21

Uhjan eh hajo ijo nyino-nyinong bahatoh limo pulu kilogram, ngonyahtu tahkan langit nopahas ulun-ulun. Mahka iro nulut Pohotala tului kosusah uhjan eh ijo paham rih.

PONGORINAH 6:8

Ahku nohto turus gihtan ihcokungan kuda ijo puhcat. Ponunggangoh bogare popahtoi. Tahkan lihkutoh, io tonutut doni-doni bain Lowun Popahtoi. Kowasaioh ngosan soporahpat tana tuh tonosorah ahkan iro, mangat iro dahpot munu nguha kolahi, nguha wayah bolo'u, nguha wabah pondamporos, tutang nguha ohcin-ohcin bosiak.

PONGORINAH 7:1

Uliorihrih, ahku nohto ohpat behti molehkat tombok ang koohpat puhting tana. Iro monahan koohpat mahtan bahiu ang tana, mangat ara anai bahiu ijo nahpi ang isun tana, ata'ai ang tasik, ata'ai ang pu'un-pu'un kahju.

PONGORINAH 9:15

Koohpat molehkat rih ka toliwusoh. Iro jari tonyodia khusus, ahkan jam, ondou, bulan, toun rih, tutang ahkan munu sepertolu tahkan paring ukup kolunon.

PONGORINAH 9:18

Sepertolu tahkan ukup kolunon tomunu bain tolu porusak orih; iorih baho, asop tutang sondawa ijo soluka tahkan nyaman kuda-kuda rih.

PONGORINAH 9:4

Iro ngohana morusak uru, ata'ai pu'un-pu'un kahju, ata'ai kombulan-kombulan bohkonoh. Iro tihkas tou nyarang ulun-ulun ijo ang lihkouoh eam anai tanda segel tahkan Pohotala.