PONGORINAH 8:13 - BOWOT BOHUA

¹³ Turus ahku nohto, mahka ahku ngonih ihcokungan bulung rajawali ijo rahat na'ang isung ang bounondou, na'ah, ‘‘Colahka! Colahka! Colahkarih paring ulun ang tana, amatmira ngonih kotolu molehkat bohkonoh mopos sorunaioh noin!’’

PONGORINAH 8:13 ပူးပေါင်းရင်းမြစ်များ

IBRANI 1:14

Amat kolourih molehkat-molehkat rih, inon kotu'uioh? Iro anairih roh-roh ijo mohalu Pohotala, tutang ijo sonuhu Pohotala ahkan dohop ulun-ulun ijo ahkan norima kosolamatan.

PONGORINAH 11:14

Colahka ijo koduooh jari tonguha. Tahpi nohto hino! Colahka ijo kotolu eamtahi hino ahkan ngahasu.

PONGORINAH 12:12

Kotului rih, hondakoh soruga tutang paring ijo mohcon ang luwangoh bojori-jorih! Tahpi colahka tana tutang tasik, kotului Sehtan jari mosuluh ahkan'kam hawui bosingi ijo paham hajo, tului io ta'an ijo ohkotoh mohcon honjiot hino.’’

PONGORINAH 14:3

Ang baun pododusan tutang koohpat angbolum hawui dolang okon, ang kodiling pododusan rih 144.000 behti rih, monyanyi ihco nyanyian ijo bohua. Nyanyi orih eam dahpot tonyokula bain ihcobehti ka, bohkonumba tahkan 144.000 behti rih, ijo jari tomorodehkaoh tahkan tana.

PONGORINAH 14:6

Turus ahku nohto ihcobehti molehkat bohkon, ijo na'ang ang langit. Molehkat rih ngomin borihta, tohau Kabar Hinut ijo abadi ahkan tonosiar, ahkan kolunon ang tana, yorih ahkan paring uhtus, lihting, basa tutang nogara.

PONGORINAH 19:17

Turus ahku nohto ihcobehti molehkat tombok ang ngosan mahtanondou. Umba auh ijo muhing io na'ah, umba paring bulung ijo na'ang ang udara, ‘‘Olai, hopuhpung umba tihpen pesta hajo ijo ain Pohotala!

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.

PONGORINAH 8:2

Turus ahku nohto kopihtu molehkat ijo tombok ang toharep Pohotala, tutang ahkan iro tononga pihtu kobawak sorunai.

PONGORINAH 9:1

Turus molehkat kolimo mopos sorunaioh, tutang ahku nohto ihco potion ngonyahtu tahkan langit kongosan tana. Potion rih tononga kuhci lowun popahtoi.

PONGORINAH 9:12

Colahka ijo pahtuk jari nokalou. Uliorih rih, anai duo colahka hino ijo harus lombut.