PONGORINAH 7:2 - BOWOT BOHUA

² Turus ahku nohto ihcobehti molehkat ihco bohkon, soluka tahkan sila timur, Io ngomin segel tahkan Pohotala ijo bolum. Umba auh ijo muhing molehkat rih na'ah koohpat molehkat ijo jari dahpot kowasa tahkan Pohotala ahkan morusak tana tutang tasik.

PONGORINAH 7:2 ပူးပေါင်းရင်းမြစ်များ

MATEUS 16:16

Simon Petrus mutah, “Amai anai Lahca Ponyolamat, Anak Pohotala Ijo Bolum.”

MATEUS 26:63

Tahpi Yesus tonih ih. Sino hino imam hajo ngisok umba Io, “Honong Pohotala ijo bolum, nuhtuirih ahkan 'kai. Inon Ihko Lahca Ponyolamat Anak Pohotala?”

YOHANES 6:27

Ara bogawi mangat dahpot ukun ijo tou opah tutang maram. Bogawirih mangat ngondahpot ukun ijo eam tou maram tutang ijo nonga pombolum sojahti tutang kototahiu. Ukun rih ahkan tononga bain Anak Ulun ahkan'kam, tului Io jari tonotuot bain Pohotala Amai.’’

2 KORINTUS 1:22

Ahkan orih Pohotala jari monsah ihto monjadi Aiou-Oh, tutang nonga Roh Aiu ang luwang ahtoi ihto kolou jaminan, ijo Io ahkan nonga ahkan ihto paring ijo tonobowot-Oh.

EPESUS 1:13

Ihkam ka ius monjadi ukup Pohotala ang ohkot ihkam ngonih pohtoh Pohotala, iorih Kabar Hinut ijo mononga kosolamatan ahkan'kam. Ihkam porocaya umba Yesus Kristus, kotului orih Pohotala nonga tanda Aiu-Oh ahkan'kam, iorih Roh-Oh ijo tonobowot-Oh.

EPESUS 4:30

A'airih monyedihoh ahtoi Roh Pohotala. Ihkam jari tonyegel umba Roh monjadi ain Pohotala. Roh rih ka'a monjadi jaminan, ijo Ondou Komorodehka ahkan lombut ahkan'kam.

1 TESALONIKA 1:9

Paring ulun rih bopander, tohou koloukuwoh ihkam monorima ihkai, kotihka ihkai lomoi lombut ahkan'kam. Iro mander tohou koloukuwoh ihkam nohtah dewa-dewa, tutang lombut ahkan tihkas-ihcooh Pohotala ijo bolum ahkan tehen umba Io.

2 TIMOTEUS 2:19

Tahpi galang segah ijo tonapa bain Pohotala eam dahpot hungge. Ang ngosanoh tonyurat tuh: ‘‘Tuhan ngosono ulun-ulun ijo aiou-Oh,’’ tutang ‘‘Ulun ijo nuhtui ijo io ain Tuhan, ulun orih harus tondo nguan gawi ijo sala.’’

IBRANI 12:22

Tombalikoh ihkam jari lombut nokuh Puruk Sion tutang Lowun Pohotala ijo bolum, io rih Yerusalem ijo ang soruga umba bokuhjan-kuhjan molehkatoh.

PONGORINAH 1:3

Kosanangrih ahkan ulun ijo mombasaoh, tutang ulun ijo ngonih, borihta tujum surat tuh, hawui te'et umba inon ijo tonyurat ang luwangoh. Tului eam tahi hino paringoh tuh ahkan nyolung.

PONGORINAH 10:1

Turus ahku nohto ihcobehti molehkat mamut ijo bohkon nosuluh tahkan soruga. Io tongolindung bounondou tutang 'cobarih liu ngolikang kuhungoh. Bauioh momancar kolou mahtanondou, tutang pa'ai kolou buhtup baho.

PONGORINAH 10:4

Kolourih kopihtu duhung rih homauh, ahku kani moncatatoh, tahpi ahku ngonih auh tahkan soruga nuhtui, ‘‘Rahasiaohrih inon ijo tonuhtui bain kopihtu duhung rih; ara moncatatoh!’’

PONGORINAH 16:12

Uliorih molehkat koonom nusuh suang kondarahoh nokuh Sungoi Efrat ijo hajo rih. Mahka sungoi rih tohjah nyiring lahca-lahca tahkan hila timur duon nyalan nguhaoh.

PONGORINAH 5:2

Turus ahku nohto ihcobehti molehkat ijo mamut na'ah-na'ah umba auh ijo hajo, ‘‘Iai ijo pahtut musit segel-segel tuh, tutang nguap surat tuh?’’

PONGORINAH 8:3

Ihcobehti molehkat bohkon, ijo ngomin dadupa bulou, lombut tutang tombok ang baun mesbeh. Ahkaioh tononga aro samasino manyan ahkan tomuwur ang do'a-do'a paring ukup Pohotala tutang ahkan tonyorah ang mesbeh bulou ijo anai ang baun pododusan.

PONGORINAH 9:14

Auh rih nuhtui umba molehkat koonom rih, ‘‘Liwusiourih koohpat molehkat ijo ponohtong ang Sungoi Efrat rih!’’

PONGORINAH 9:4

Iro ngohana morusak uru, ata'ai pu'un-pu'un kahju, ata'ai kombulan-kombulan bohkonoh. Iro tihkas tou nyarang ulun-ulun ijo ang lihkouoh eam anai tanda segel tahkan Pohotala.