PONGORINAH 7:15 - BOWOT BOHUA

¹⁵ Orih kotuluioh iro tombok ang toharep pododusan Pohotala, tutang sombayang ahkai-Oh hondou ngolomi ang luwang Lohpou Pohotala. Tutang Io ijo tuot ang ngosan pododusan rih, ahkan lombut umba iro, ahkan ngolindung iro.

PONGORINAH 7:15 ပူးပေါင်းရင်းမြစ်များ

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

1 KORINTUS 3:16

Kota'ankah Konduang, ijo ihkam anai Lohpou Pohotala? Tutang ijo Roh Pohotala mohcon ang luwang ihkam?

2 KORINTUS 6:16

Inon kobohkon holat Lohpou Tuhan umba lohpou dewa? Ihto tuh Lohpou Tuhan, iorih Pohotala ijo bolum. Pohotala bongoi nuhtui, ‘‘Ahku ahkan mohcon ang tohun-tohun iro, tutang kani bolum hihco umba iro. Ahku ahkan monjadi Pohotalan'ndo, tutang iro ahkan monjadi Ukup-Ku.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 8:1

Pu'un tahkan paring pander tuh, iorih: Ihto anai tepun Imam Hajo ijo kolourih, ijo tuot moretah homboh Pohotala Paling Hajo ang soruga.

PONGORINAH 11:19

Mahka tokuaprih Lohpou Pohotala ang soruga, tutang gihtanrih Pohti Bowot ang luwangoh. Turus nyolung kilat tutung-hotutung, tutang auh duhung guhu-guhup tutang ngorutung, hawui tana hogerek tutang uhjan es ihco labat.

PONGORINAH 13:6

Turus io nopara mohina Pohotala, tutang aran Pohotala. Kolourih hino unuk mohcon Pohotala, tutang paring ijo mohcon ang soruga ka tonohinaoh.

PONGORINAH 20:10

Pongohuli Sehtan ijo mobula iro rih, tonyahkah nokuh luwang tasik baho tutang sondawa. Ang anan unukoh ohcin tutang nabi pobula rih tondian labih houn. Iro ahkan tonyiksa hondou ngolomi ahkan turus-jaham.

PONGORINAH 21:22

Ahku eam nohto Lohpou Pohotala anai luwang lowu rih, tului Lohpou Pohotalaioh iorih Tuhan bongoi, Pohotala Ijo Mahakowasa, tutang Anak Tobiri rih.

PONGORINAH 22:3

Ang luwang lowu rih eam todahpot aang'co ka ijo buah tulut Pohotala. Pododusan Pohotala tutang Anak Tobiri rih, ahkan anai ang luwang lowu rih. Jihpoi-jihpoi-Oh ahkan sombayang ahkai-Oh,

PONGORINAH 22:5

Iro eam ahkan porulu sumbu ata'ai koloang mahtanondou, tului ngolomi eam anai hino, tutang Tuhan Pohotala bongoi ahkan ngoroloang iro. Mahka iro ahkan moretah kolou lahca ahkan turus-jahamoh.

PONGORINAH 4:4

A'ang tapai ngolikar mongodiling pododusan rih, anai duo pulu ohpat pododusan ijo bohkon. Anan tuot duo pulu ohpat okon ijo hopokajan puhti, tutang hapa ahkur bulou.

PONGORINAH 4:8

Koohpat angbolum rih, nyinong-nyinong anai onom ilat, tutang hokodilingoh, tutang ang sila luwangoh tuwi umba mahta. Hondou homalom angbolum-angbolum rih, eam tondo-tondooh monyanyi, ‘‘Borasih, borasih, borasih Tuhan, Pohotala Mahakowasa; ijo anai, ijo jari anai, tutang ijo anai toturusoh.’’

PONGORINAH 4:9

Koohpat angbolum rih monyanyi lagu-lagu tara, horomat tutang torimakasih ahkan Io, ijo tuot ang pododusan rih, yorih Io ijo bolum ahkan turus-jahamoh. Tutang ang ohkot angbolum-angbolum rih monyanyi,

PONGORINAH 7:9

Uliorih ahku nohto hino, turus gihtan tuyuk kolunon ijo holuhcak karoioh – eam anai ihcobehti ka ijo dahpot ngise jombalahoh. Iro anairih ulun-ulun tahkan nyinong uhtus, suku, nogara tutang basa. Umba hopokajan jubah ijo puhti-puhti, tutang hawui nambit da'an daun korma ang longoi, noharep pododusan tutang noharep Anak Tobiri rih.