PONGORINAH 7:13 - BOWOT BOHUA

¹³ Anai ihcobehti tahkan okon-okon rih ngisok umba ahku, ‘‘Ulun-ulun ijo hapa jubah puhti tuh, iai iro tutang tahkan umoh iro lombut?’’

PONGORINAH 7:13 ပူးပေါင်းရင်းမြစ်များ

YOHANES 7:28

Pongohuli rahat Yesus majar ang luwang Lohpou Tuhan, Io na'ah umba auh ijo muhing, ‘‘Jadi ihkam ta'an iai Ahku tuh, tutang tahkan umoh asar-Ku? Ahku eam lombut ngosan konohuang-Ku bongok. Ahku tonyuhu bain Io ijo bohak nyuhu Ahku, tutang Io dahpot tomorocaya. Tahpi ihkam eam ngosono Io.

KESAH RASUL-RASUL 3:12

Uhun Petrus nopahjah ulun-ulun rih io nuhtui umba iro, ‘‘O ulun-ulun Israel, ombai Konduang-konduang helan umba hal orih? Ombai ihkam nohto turus aang ihkai? Inon ihkam ngohu ulun tuh duon nyalan tului anai kowasa aang ihkai ata'ai tului ihkai te'et umba Pohotala?

PONGORINAH 3:4

Tahpi ang tohun-tohun ihkam ang Sardis, magun tohko ulun ijo bojaga, mangat kolambiuoh tahtap borasih.

PONGORINAH 4:10

koduo pulu ohpat okon rih, nyuruk-nyundop ang boun ulun ijo tuot ang pododusan rih, turus iro nyembah Io ijo bolum turus-jahamoh. Uliorih iro nyahkah ahkur-ahkur iro, nokuh boun pododusan rih hawui nuhtui,

PONGORINAH 4:4

A'ang tapai ngolikar mongodiling pododusan rih, anai duo pulu ohpat pododusan ijo bohkon. Anan tuot duo pulu ohpat okon ijo hopokajan puhti, tutang hapa ahkur bulou.

PONGORINAH 5:11

Pongohuli ahku nohto hino. Ahku ngonih auh molehkat, ijo bo kuhja-kuhjan tutang bo laksa-laksa karoioh. Iro tombok ngodiling pododusan tutang koohpat angbolum, homboh okon-okon rih.

PONGORINAH 5:5

Turus anai ihcobehti tahkan louk okon-okon rih, nuhtui umba ahku, ‘‘Ara nangih! Nohto! Singa tahkan uhtus Yahuda, lihit Dawid ijo hajo, jari manang. Io sanggup musit pihtu segel tutang nguap surat rih.’’

PONGORINAH 7:9

Uliorih ahku nohto hino, turus gihtan tuyuk kolunon ijo holuhcak karoioh – eam anai ihcobehti ka ijo dahpot ngise jombalahoh. Iro anairih ulun-ulun tahkan nyinong uhtus, suku, nogara tutang basa. Umba hopokajan jubah ijo puhti-puhti, tutang hawui nambit da'an daun korma ang longoi, noharep pododusan tutang noharep Anak Tobiri rih.