PONGORINAH 6:9 - BOWOT BOHUA

⁹ Uliorih rih Anak Tobiri rih musit segel ijo kolimo. Mahka ahku nohto ang pinda mesbeh, anai homboruan-homboruan ulun-ulun ijo mahtoi tomunu, bain iro ngondehen pohtoh tahkan Pohotala, nguha kosaksian iro.

PONGORINAH 6:9 ပူးပေါင်းရင်းမြစ်များ

YOHANES 16:2

Ihkam ahkan tonyoluka tahkan lohpou-lohpou sombayang. Tutang ahkan lombut ohkotoh ijo ulun ijo munu ihkam, ahkan ngohu io mongabdi ahkan Pohotala.

2 KORINTUS 5:8

orih kotuluioh ahtoi ihkai tabah. Ihkai labih jolik bolohkak tahkan behtin ihkai tuh, mangat jeleng mohcon umba Tuhan.

PILIPI 1:23

Ahku tonyomba'an tahkan duo pihak. Ahku jolik sino nohtah kolunon tuh, mangat tulak mohcon umba Kristus, kotului orihrih ijo paling pios.

PILIPI 2:17

Mihkohtou ahku ahkan tomunu, tutang dahak'ku monjadi kolou porahpah tusuh ang ngosan inon ijo ihkam monyorahoh ahkan Pohotala, kolou tanda ijo ihkam porocaya umba Io. Amat puna orih harus kolourih, ahku norimakasih ngosan hal rih tutang umba jorih homboh ihkam.

2 TIMOTEUS 1:8

Kotului orih ara maha'an nonga kosaksian tohou Tuhan ihto, tutang ara ka'a maha'an tohou ahku, ijo tonohukum tului Io. Sobalikoh, hondakrih ihko umba koba'as tahkan Pohotala, umba karot ahkan Kabar Hinut rih.

2 TIMOTEUS 4:6

Tohou arop'ku, jari johcok ohkotoh, ahku ahkan mahtoi kolou porahpah ahkan Pohotala. Honjiot hino ahku ahkan nohtah kolunon tuh.

IBRANI 12:23

Ihkam umba ihco puhpungpulou ijo rami – puhpungpulou rih ain anak-anak pongoko ain Pohotala, ijo arai-araioh tonoliting ang luwang soruga. Ihkam lombut noharep Pohotala. Hakim paring ukup kolunon. Ihkam noharep roh-roh, karo ulun-ulun hinut, ijo jari nyolung soporuna.

PONGORINAH 1:2

Mahka Yohanes ka'a momborihta paring ijo tonohtooh rih, tutang tuhrih ponuhtuioh tohou pohtoh tahkan Pohotala, ijo tonotehen bain Yesus Kristus nguha kosaksian-Oh.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 14:18

Uliorih rih, ihcobehti molehkat bohkon, ijo bokowasa ngosan baho, lombut tahkan mesbeh. Umba auh ijo muhing io na'ah, umba molehkat ijo nambit getu ijo bonyihi rih, ‘‘Ngohetepohrih umba getu'mu rih, tutang ngohetep bua-bua pu'un anggur ang tana, tului bua-buaoh jari masak!’’

PONGORINAH 16:7

Turus ahku ngonih auh tahkan mesbeh, nuhtui, ‘‘Tuhan, Pohotala Mahakowasa, morong tutang adil hukum-hukumanoh ijo Ihko ngonyahtuoh!’’

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 20:4

Turus ahku nohto pododusan-pododusan, tutang ulun-ulun ijo tuot, ang pododusan-pododusan rih tononga kowasa ahkan mutusoh mohukum. Ahku nohto ka'a homboruan-homboruan, ulun-ulun ijo jari tonohtok kuhungoh tului iro nonga kosaksian tohou Yesus, tutang mborihta pohtoh Pohotala. Ulun-ulun rih eam nyembah ohcin, ata'ai ka kopahtungoh. Iroka eam pu'u norima tanda ohcin rih, aang likou ata'ai aang longon iro. Mahka iro bolum hoduli, tutang moretah kolou lahca homboh Kristus kotahin sokujan toun.

PONGORINAH 8:3

Ihcobehti molehkat bohkon, ijo ngomin dadupa bulou, lombut tutang tombok ang baun mesbeh. Ahkaioh tononga aro samasino manyan ahkan tomuwur ang do'a-do'a paring ukup Pohotala tutang ahkan tonyorah ang mesbeh bulou ijo anai ang baun pododusan.

PONGORINAH 9:13

Pongohuli molehkat ijo koonom, mopos sorunaioh. Mahka ahku ngonih auh lombut tahkan koohpat pahting mesbeh bulou ijo anai ang husuk Pohotala.