PONGORINAH 6:2 - BOWOT BOHUA

² Mahka ahku nohto, turus gihtan ihcokungan kuda puhti. Ponunggangoh nambit ihco owuh panah, tutang ahkaioh tononga ihco ahkur. Io maju kolou ihcobehti ijo manang, ijo tulak nyomba'an komanang.

PONGORINAH 6:2 ပူးပေါင်းရင်းမြစ်များ

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

1 KORINTUS 15:25

Kristus harus turus momoretah, nyiring Pohotala nguan paring musuh Kristus, ngominda umba Kristus.

PONGORINAH 11:15

Turus molehkat ijo kopihtu mohpos sorunaioh, mahka ang soruga konahan auh-auh muhing samasino ijo nuhtui, ‘‘Kokuwasa'an ahkan moretah kolunon, anai huntuh a'ang longon Tuhan ihto, tutang Lahca Ponyolamat, ijo tonobowot-Oh. Io ahkan moretah ahkan turus-jahamoh!’’

PONGORINAH 11:18

Ulun-ulun ijo eam kosono Tuhan, ngamuk kotului jari ohkotoh Ihko nusuh kosangit-Mu, tutang jari hino ohkotoh Ihko mosara ulun-ulun mahtoi. Tuh rih wayahoh ahkan nonga upah ahkan jihpon-jihpon-Mu nabi-nabi, tutang ahkan paring ukup-Mu, yorih paring ulun ijo sombayang ahkan-Mu hajo oluka koik. Tuh rih ohkotoh ahkan molonyuh ulun-ulun ijo molonyuh tana!’’

PONGORINAH 14:14

Pongohuli ahku nohto, mahka gihtan ihco bounondou ijo puhti. Ang ngosan bounondou rih, tuot ihcobehti, ijo topahjahoh kolou kolunon. Ang kuhung-Oh 'jokobawak ahkur bulou, tutang ang longoi-Oh anai ihcokobilap getukohtom ijo bonyihi.

PONGORINAH 15:2

Uliorih ahku nohto ang'co, ijo topahjahoh kolou tasik soramin sampur baho. Ahku nohto ka'a ulun-ulun ijo jari manang ngosan ohcin tutang kopahtungoh, tutang manang ngosan-ulun ijo araioh tononanda honong angka. Ulun-ulun ijo manang rih, tombok ang saran tasik soramin honong nambit kocahpi ijo tononga bain Pohotala ahkan iro.

PONGORINAH 17:14

Iro ahkan hokolahi molawan Anak Tobiri rih. Tahpi, Anak Tobiri rih umba murid-murid-Oh ijo bokehtep, ijo jari tona'ah-Oh tutang jari tonopili-Oh rih ahkan mongalah lahca-lahca rih, kotului Io Tuhan kokaro Tuan, tutang Lahca kokaro lahca.’’

PONGORINAH 19:14

Kawan kolahi soruga, ngahasu Io honong nunggang kuda-kuda puhti, tutang hopokajan lena ijo puhti borasih.

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.

PONGORINAH 9:7

Tapan mokalap rih sama kolou kuda ijo tahtap ahkan parang. Ang kuhung iro anai ang'co, ijo topahjah kolou ahkur bulou. Mahka iro kolou boun kolunon.