PONGORINAH 6:12 - BOWOT BOHUA

¹² Turus ahku nohto Anak Tobiri rih musit segel ijo koonom. Nyolung tana moruguh ijo karas. Mahtan ondou monjadi mitom, kolou benang mitom ijo kasar, tutang bulan bohandang kolou daha.

PONGORINAH 6:12 ပူးပေါင်းရင်းမြစ်များ

MATEUS 11:21

“Colahka ihko Korazim! Tutang colahka ka'a ihko Betsaida! Jahkaoh karon-tandahelan ijo konuan aang tohun'kam, tonguan ka'a ang Tirus tutang Sidon, musti ulun-ulun ang anan jadi tahi hubah tahkan dusa-dusan'ndo, tutang hapan pokahjan koporosahtoi hawui ngina korawu ang ngosan kuhung'ndo.

MATEUS 24:29

“Eam tahi ulimba kosusahan-kosusahan wayah orih, mahtan ondou ahkan nyolung pindong, tutang bulan eam hino boloang. Potion-potion ahkan botahak tahkan langit, tutang pongowasa-pongowasa alamraya ahkan nyolung howui-hobureh.

MATEUS 24:7

Uhtus ijo ihco ahkan parang ngolawan uhtus ijo bohkon, tutang nogara ijo ihco ahkan nyarang nogara ijo bohkon. Ang umo-umoh ahkan monjadi kosusah bolo'u tutang tana moroguh.

MATEUS 27:45

Ang tohun ondou, kotahin tolu jam sohopus tana rih monjadi pindong.

MATEUS 27:54

Kopala pasukan hombo-homboh umba karon-sorodadu ijo rahat monjaga Yesus uras mihkoh samasino ohkot nohto tana moruguh tutang paring ang nyolung rih. Iro nuhtui, “Tu'u-tu'u Io tuh Anak Pohotala!”

MATEUS 28:2

Songela nyolung tana moruguh ijo monyangit. Ihcobehti molehkat Tuhan nosuluh tahkan soruga turus molinang bahtu atop lowong tanom orih hawoi tuot ang ngosanoh.

MARKUS 15:33

Aang tohun ondou, kotahin tolu jam sohopus lowu rih monjadi pindong.

PONGORINAH 11:13

Mahka ang ohkot rih nyolung tana moruguh ijo paham. Sepersopulu kobagi tahkan lowu rih luhtek, tutang pihtu kuhjan behti palus, bain tului tana moruguh rih. Ulun-ulun bohkonoh nyolung mihkoh samasino, turus iro monara kohajon Pohotala ang soruga.

PONGORINAH 16:18

Turus nyolung kilat tutung-hotutung tutang auh duhung mongguruh tutang ngorutung, hawui kogerek tana ijo paham. Eam pu'u monjadi kogerek tana kolourih tahkan ulun tona'oi. Tuhrih kogerek tana ijo paling paham!

PONGORINAH 16:8

Uliorih molehkat koohpat nusuh suang kondarahoh nokuh mahtanondou, mahka mahtanondou ka ngonduon nyaha kolunon umba kolasutoh ijo hebat rih.

PONGORINAH 8:12

Turus molehkat koohpat mopos sorunaioh. Mahka bokiwak sepertolu tahkan mahtanondou, sepertolu tahkan potion-potion, nyiring dilap sepertolu tahkan koba'as koloang iro. Ka'a sepertolu tahkan hondou eam boloang tutang kolourih ka'a sepertolu tahkan ngolumi.

PONGORINAH 8:5

Pongohuli molehkat rih ngomin dadupa orih, tutang nyuangoh umba baho tahkan mesbeh turus nyahkahoh nokuh ngosan tana. Mahka duhung ka'a ngorutung tutang kilat tutung-hotutung, tutang nyolung tana horuguh.