PONGORINAH 6:1 - BOWOT BOHUA

¹ Uliorih rih ahku nohto Anak Tobiri rih musit segel, ijo pahtukoh ang louk kopihtu segel rih. Turus ahku ngonih ihco ang louk koohpat angbolum rih nuhtui, ‘‘'Kan otoi!’’ Auh tuhtuioh rih kolou auh duhung.

PONGORINAH 6:1 ပူးပေါင်းရင်းမြစ်များ

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

KESAH RASUL-RASUL 4:20

Tului ihkai eam tou tondo mborihta tohou inon ijo jari ihkai nohto tutang konahan 'kai.’’

PONGORINAH 11:19

Mahka tokuaprih Lohpou Pohotala ang soruga, tutang gihtanrih Pohti Bowot ang luwangoh. Turus nyolung kilat tutung-hotutung, tutang auh duhung guhu-guhup tutang ngorutung, hawui tana hogerek tutang uhjan es ihco labat.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 14:2

Turus ahku ngonih auh tahkan langit, mongguruh kolou danum sahainyalut ijo hajo, tutang kolou korutung duhung ijo hebat. Auh rih konahan, kolou auh musik, tahkan pomain-pomain kocahpi ijo rahat nowah kocahpioh.

PONGORINAH 19:6

Uliorih ahku ngonih angihco kolou auh ihco ko pulou ulun ijo aro samasino; naingoh kolou golombang ijo holuhcak, tutang kolou auh duhung mongorutung. Ahku ngonih iro nuhtui, ‘‘Tara Pohotala! Tului Tuhan, Pohotalan ihto Ijo Mahakowasa rih huntuh moretah!

PONGORINAH 4:8

Koohpat angbolum rih, nyinong-nyinong anai onom ilat, tutang hokodilingoh, tutang ang sila luwangoh tuwi umba mahta. Hondou homalom angbolum-angbolum rih, eam tondo-tondooh monyanyi, ‘‘Borasih, borasih, borasih Tuhan, Pohotala Mahakowasa; ijo anai, ijo jari anai, tutang ijo anai toturusoh.’’

PONGORINAH 5:1

Pongohuli, ahku nohto ijo balun surat, ang longon Io ijo tuot ang pododusan rih. Surat rih tuwi umba surat ang sila-ngosilaoh, tutang tonyegeloh umba pihtu segel.

PONGORINAH 5:12

Tutang iro monyanyi umba auh ijo muhing, ‘‘Anak Tobiri ijo jari tonyombolih rih, pahtut ahkan norima kowasa, ponahtou, kopihtaran tutang koba'as; Io pahtut tonohoromat iou, tonohajo, tutang tonara-nara!’’

PONGORINAH 5:8

Pondehan Anak Tobiri rih nguan kolourih, sembah-sukuh koohpat angbolum tutang koduo pulu ohpat ohkon rih ang husukoh. Iro nyino-nyinong nambit kocahpi tutang pihkan bulou ijo bosuang manyan, yorih do'a-do'a ukup Pohotala.

PONGORINAH 6:3

Pongohuli Anak Tobiri rih musit segel ijo koduo, tutang ahku ngonih angbolum ijo koduo rih nuhtui, ‘‘'Kan otoi!’’

PONGORINAH 6:5

Turus Anak Tobiri rih musit segel ijo kotolu. Tutang ahku ngonih angbolum ijo kotolu nuhtui hioi, ‘‘'Kan otoi!’’ Ahku nohto, mahka gihtan ihcokungan kuda mitom. Ponunggangoh nambit ihco kopasang timbang ang longoioh.

PONGORINAH 6:7

Pongohuli Anak Tobiri rih musit segel ijo koohpat. Tutang ahku ngonih angbolum ijo koohpat nuhtui, ‘‘'Kan otoi!’’

PONGORINAH 8:1

Ohkot Anak Tobiri rih musit segel ijo kopitu, soruga monjadi tonih tutang kotahin kurang-labih sotongah jam.