PONGORINAH 5:6 - BOWOT BOHUA

⁶ Pongohino ahku nohto ihcokungan Anak Tobiri, tombok ang tohun pododusan-pododusan rih, tokodiling bain koohpat angbolum tutang paring okon rih. Anak Tobiri rih gihtanoh kolou jari tonyombolih. Io tepun pihtu tanduk tutang pihtu mahta; yorih pihtu roh tahkan Pohotala, ijo jari tonyuhu nokuh hopus kolunon.

PONGORINAH 5:6 ပူးပေါင်းရင်းမြစ်များ

LUKAS 1:69

Io nonga ihto ponyolamat, ijo meteng-mamut lihit Dawid, jihpoi-Oh.

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

YOHANES 1:36

Kotihka io nohto Yesus nguha, io nuhtui, ‘‘Topahjah! Orihrih Anak Tobirin Pohotala.’’

KESAH RASUL-RASUL 8:32

Tuh io ayat ijo konomasaoh rih, ‘‘Io kolou tobiri ijo onin ahkan tonyombalih, kolou anak tobiri ijo eam ngoriak amat buluioh tonguting, kodorih ka'a io eam nuhtui ihco kotihkap auh ka.

PONGORINAH 1:4

Konduang-konduang, ijo anai ang kopihtu ukup ang daerah Asia! Ahku, Yohanes, bokoharap ihkam tonongaoh borehkat tutang kosanang tahkan Pohotala – yorih, Io ijo anai, tutang jari anai, tutang ijo anai toturusoh – tutang ka'a tahkan kopihtu roh ijo anai ang boun pododusan Pohotala,

PONGORINAH 12:11

Konduang-konduang, ihto jari mongalah io umba dahan Anak Tobiri rih, tutang honong borihta morong tahkan Pohotala ijo iro mborihtaoh. Iro rela monyorah hasongoh nyiring mahtoi.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 14:1

Pongohino ahku nohto, turus gihtan Anak Tobiri rih tombok ang isun Puruk Sion. Homboh Io anai solahtus ohpat pulu ohpat kuhjan behti, ijo aang likou nyino-nyinong tonyurat arai-Oh tutang aran Amai-Oh.

PONGORINAH 17:14

Iro ahkan hokolahi molawan Anak Tobiri rih. Tahpi, Anak Tobiri rih umba murid-murid-Oh ijo bokehtep, ijo jari tona'ah-Oh tutang jari tonopili-Oh rih ahkan mongalah lahca-lahca rih, kotului Io Tuhan kokaro Tuan, tutang Lahca kokaro lahca.’’

PONGORINAH 21:22

Ahku eam nohto Lohpou Pohotala anai luwang lowu rih, tului Lohpou Pohotalaioh iorih Tuhan bongoi, Pohotala Ijo Mahakowasa, tutang Anak Tobiri rih.

PONGORINAH 21:23

Lowu rih eam usah ngorolondang mahtanondou ata'ai bulan, bain kohajon Pohotala ijo ngoloangoh, tutang Anak Tobiri rih anairih ahkan sumbuoh.

PONGORINAH 22:1

Molehkat rih ka'a ngorinah ahkak'ku, sungoi ijo danumoh nonga pombolum. Sungoi rih mongorinjap kolou kristal, tutang nohasak tahkan pododusan Pohotala, tutang Anak Tobiri rih.

PONGORINAH 22:3

Ang luwang lowu rih eam todahpot aang'co ka ijo buah tulut Pohotala. Pododusan Pohotala tutang Anak Tobiri rih, ahkan anai ang luwang lowu rih. Jihpoi-jihpoi-Oh ahkan sombayang ahkai-Oh,

PONGORINAH 4:8

Koohpat angbolum rih, nyinong-nyinong anai onom ilat, tutang hokodilingoh, tutang ang sila luwangoh tuwi umba mahta. Hondou homalom angbolum-angbolum rih, eam tondo-tondooh monyanyi, ‘‘Borasih, borasih, borasih Tuhan, Pohotala Mahakowasa; ijo anai, ijo jari anai, tutang ijo anai toturusoh.’’

PONGORINAH 5:11

Pongohuli ahku nohto hino. Ahku ngonih auh molehkat, ijo bo kuhja-kuhjan tutang bo laksa-laksa karoioh. Iro tombok ngodiling pododusan tutang koohpat angbolum, homboh okon-okon rih.

PONGORINAH 5:12

Tutang iro monyanyi umba auh ijo muhing, ‘‘Anak Tobiri ijo jari tonyombolih rih, pahtut ahkan norima kowasa, ponahtou, kopihtaran tutang koba'as; Io pahtut tonohoromat iou, tonohajo, tutang tonara-nara!’’

PONGORINAH 5:13

Turus ahku ngonih angbolum-angbolum ang langit, ang tana, ang pinda tana, tutang ang luwang tasik – kourusoh angbolum-angbolum rih ang hopus-pinda-langit tuh – monyanyi, ‘‘Io ijo tuot ang ngosan pododusan, tutang Io Anak Tobiri rih, anairih tonara tutang tonohoromat, hawui ponohajo tutang bokowasa ahkan turus-jahamoh!’’

PONGORINAH 5:14

Mahka koohpat angbolum rih numbah, ‘‘Amen!’’ Tutang okon-okon rih ka'a suhkuntu'ut tutang nyembah.

PONGORINAH 6:16

Ahkan puruk-puruk tutang bahtu-bahtu rih iro bokohciak, ‘‘Nopahas ihkai! Posuhuk ihkai tahkan topahjah Tuhan ijo tuot ang ngosan pododusan tutang tahkan kosingi Anak Tobiri rih!