PONGORINAH 5:5 - BOWOT BOHUA

⁵ Turus anai ihcobehti tahkan louk okon-okon rih, nuhtui umba ahku, ‘‘Ara nangih! Nohto! Singa tahkan uhtus Yahuda, lihit Dawid ijo hajo, jari manang. Io sanggup musit pihtu segel tutang nguap surat rih.’’

PONGORINAH 5:5 ပူးပေါင်းရင်းမြစ်များ

LUKAS 23:28

Tahpi Yesus ngulos nitu iro tutang nuhtui, ‘‘Dolang bawin Yerusalem! Ara nangih Ahku. Tangihrih arop'mu bongom tutang anak-anak'mu.

LUKAS 7:13

Kotihka Tuhan Yesus nohto ulunbawi rih, Io ngasianyam umba io turus nuhtui, ‘‘Ara nangih, inai!’’

LUKAS 8:52

Paring ulun uhun nangih tutang nahtum tului kopahtoi 'nakinyam orih. Tahpi Yesus nuhtui, ‘‘Ara nangih, 'nakinyam tuh eam mahtoi, io baya tiruh!’’

YOHANES 20:13

Molehkat-molehkat rih ngisok, ‘‘Ine, ombai ihko nangih?’’ Maria mutah, ‘‘Tuhan'ku jari tonomin tutang ahku eam ta'an Io koniwa ang umoh.’’

RUMA 1:3

Kabar Hinut rih tohou Anak Pohotala, Tuhan ihto Yesus Kristus. Socara kolunon Io anairih lihit Dawid,

RUMA 15:12

Tutang tuh hino ijo tonuhtui bain Yesaya, ‘‘Tahkan lihit Isai ahkan lombut ihcobehti ijo ahkan moretah karon uhtus; umba Io karon uhtus rih ahkan porocaya.’’

IBRANI 7:14

Paring ulun ta'an ijo Tuhan ihto ijo asar tahkan lihit Yahuda, tutang Museh eam pu'u ngohawot suhku rih, ang ohkot io nuhtui tohou imam-imam.

PONGORINAH 1:1

Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.

PONGORINAH 22:16

‘‘Ahku, Yesus jari mongirim molehkat-Ku ahkan ihkam, mangat io momborihta hal-hal tuh ahkan kogunan ukup-ukup. Ahku tuh lihit Dawid; Ahku tuh potion tahkan timur ijo boloang rih.’’

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.

PONGORINAH 4:10

koduo pulu ohpat okon rih, nyuruk-nyundop ang boun ulun ijo tuot ang pododusan rih, turus iro nyembah Io ijo bolum turus-jahamoh. Uliorih iro nyahkah ahkur-ahkur iro, nokuh boun pododusan rih hawui nuhtui,

PONGORINAH 4:4

A'ang tapai ngolikar mongodiling pododusan rih, anai duo pulu ohpat pododusan ijo bohkon. Anan tuot duo pulu ohpat okon ijo hopokajan puhti, tutang hapa ahkur bulou.

PONGORINAH 5:4

Mahka ahku nangih sosoguk tului eam anai ihcobehti ka ijo pahtut nguap surat rih, tutang nopahjah ko luwangoh.

PONGORINAH 6:1

Uliorih rih ahku nohto Anak Tobiri rih musit segel, ijo pahtukoh ang louk kopihtu segel rih. Turus ahku ngonih ihco ang louk koohpat angbolum rih nuhtui, ‘‘'Kan otoi!’’ Auh tuhtuioh rih kolou auh duhung.

PONGORINAH 7:13

Anai ihcobehti tahkan okon-okon rih ngisok umba ahku, ‘‘Ulun-ulun ijo hapa jubah puhti tuh, iai iro tutang tahkan umoh iro lombut?’’