PONGORINAH 5:13 - BOWOT BOHUA

¹³ Turus ahku ngonih angbolum-angbolum ang langit, ang tana, ang pinda tana, tutang ang luwang tasik – kourusoh angbolum-angbolum rih ang hopus-pinda-langit tuh – monyanyi, ‘‘Io ijo tuot ang ngosan pododusan, tutang Io Anak Tobiri rih, anairih tonara tutang tonohoromat, hawui ponohajo tutang bokowasa ahkan turus-jahamoh!’’

PONGORINAH 5:13 ပူးပေါင်းရင်းမြစ်များ

MATEUS 6:13

Ararih mohonou ihkai nihou porocaya aang ohkot ihkai tonihkos tahpi nguwat ihkai tahkan kowasa ang ja'at. [Ihkorih Lahca ijo bokowasa tutang tonohoromat nyiring turus-jahamoh. Amen.]’

LUKAS 2:14

‘‘Tara ahkan Pohotala ang langit ijo palingdiang! Tutang ang isung tana kosanangsolamat rih ahkan ulun ijo ngojorih ahtoi Tuhan!’’

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

RUMA 11:36

Pohotala ijo naoi kokaron aangihco. Paringoh uras asar tahkan Pohotala tutang anairih bagi Pohotala. Ahkaioh horomat nyiring turus-jaham! Amen.

RUMA 16:27

Io ihco-ihcooh Pohotala. Io Mahahorahti. Keleh Io konahtang isung turus-jaham nguha Yesus Kristus. Amen. Horomat ihkai, Paulus, jihpon Kristus Yesus

RUMA 9:5

Iro anairih lihit tahkan tahtu ajuh ihto. Kristus socara kolunon asaroh tahkan uhtus iro rih. Io labih isun tahkan paringoh. Tonotararih ahkan Pohotala nyiring turus-jahamoh. Amen.

EPESUS 3:21

Hondakoh Pohotala tonohoromat turun tomurun ang luwang ukup, nguha Kristus Yesus. Tararih ahkan Pohotala turus-jahamoh. Amen.

PILIPI 2:10

Mahka bagi mohoromat Yesus, paring angbolum ijo ang soruga, tutang ijo ang tana, hawui ijo pinda tana, ahkan nyembah Io.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

1 TIMOTEUS 4:16

Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.

1 PETRUS 5:11

Iorih ijo bokowasa nyiring turus-jahamoh! Amen.

YUDAS 1:25

Iorih ihco-ihcooh Pohotala, Ponyolamat ihto nguha Yesus Kristus Tuhan ihto. Iorih Pohotala ijo tonohoromat Hajo, Bokowasa tutang Bopongaroh tahkan jaman houn lomoi nyiring huntuh tutang ahkan turus-jahamoh! Amen.

PONGORINAH 1:6

tutang ngonjorian ihto ihco uhtus khusus, imam-imam ijo mohalu Pohotala, Amai-Oh. Yesus Kristus orihrih, ijo hajo tutang bokowasa ahkan turus-jahamoh. Amen.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 5:1

Pongohuli, ahku nohto ijo balun surat, ang longon Io ijo tuot ang pododusan rih. Surat rih tuwi umba surat ang sila-ngosilaoh, tutang tonyegeloh umba pihtu segel.

PONGORINAH 5:12

Tutang iro monyanyi umba auh ijo muhing, ‘‘Anak Tobiri ijo jari tonyombolih rih, pahtut ahkan norima kowasa, ponahtou, kopihtaran tutang koba'as; Io pahtut tonohoromat iou, tonohajo, tutang tonara-nara!’’

PONGORINAH 5:3

Tahpi pios ang soruga kanika ang tana, ata'ai ang pinda tana sinoka eam anai sombang ihcobehti ka'a ijo sanggup nguap surat tuh, tutang nohto koluwangoh.

PONGORINAH 5:6

Pongohino ahku nohto ihcokungan Anak Tobiri, tombok ang tohun pododusan-pododusan rih, tokodiling bain koohpat angbolum tutang paring okon rih. Anak Tobiri rih gihtanoh kolou jari tonyombolih. Io tepun pihtu tanduk tutang pihtu mahta; yorih pihtu roh tahkan Pohotala, ijo jari tonyuhu nokuh hopus kolunon.

PONGORINAH 5:9

Iro monyanyi ihco lagu ijo bohua: ‘‘Ihko pahtut ngomin surat rih tutang musit segel-segeloh. Tului Ihko jari tomunu, tutang honong popahtoi-Mu, ulun tahkan kokaro lihting, bohasa, nogara tutang uhtus jari tonomoli bain'mu ahkan Pohotala.

PONGORINAH 6:16

Ahkan puruk-puruk tutang bahtu-bahtu rih iro bokohciak, ‘‘Nopahas ihkai! Posuhuk ihkai tahkan topahjah Tuhan ijo tuot ang ngosan pododusan tutang tahkan kosingi Anak Tobiri rih!