PONGORINAH 4:8 - BOWOT BOHUA

⁸ Koohpat angbolum rih, nyinong-nyinong anai onom ilat, tutang hokodilingoh, tutang ang sila luwangoh tuwi umba mahta. Hondou homalom angbolum-angbolum rih, eam tondo-tondooh monyanyi, ‘‘Borasih, borasih, borasih Tuhan, Pohotala Mahakowasa; ijo anai, ijo jari anai, tutang ijo anai toturusoh.’’

PONGORINAH 4:8 ပူးပေါင်းရင်းမြစ်များ

KESAH RASUL-RASUL 20:31

Tului orih bojaga-jaga! Ingat ijo tolu toun kotahiu hawui aro danum mahtotumbak, hondou homalom ahku eam pu'u tondo majar nyinong ulun tahkan ihkam.

2 KORINTUS 6:18

Ahku ahkan monjadi Amai'mu, tutang ihkam ahkan monjadi anak-anak-Ku, kolouorih hion Tuhan Ijo Mahakowasa.’’

1 TESALONIKA 2:9

Tontu ihkam magun ingat, koloukuwoh kokarasoh ihkai bousaha tutang hokolawan. Hondou ngolomi ihkai bogawi, mangat ihkai eam nyusah ihcobehti ka tahkan ihkam, 'co-ohkot ihkai mborihta Kabar Hinut ijo tahkan Pohotala rih ahkan'kam.

1 TIMOTEUS 4:16

Poriksa arop'mu tutang poriksa ka'a ajaran'mu. Hondakrih ihko te'et nguan paringoh rih, kotului umba kodorih ihko ahkan tonyolamat; pios arop'mu bongom, oluka ulun-ulun ijo ngonih'mu.

2 TIMOTEUS 4:2

Hondakrih ihko monyiaroh, borihta tahkan Pohotala rih, tutang turus hojojuan, mangat ulun ngonihoh, inonrih iro kani ata'ai eam. Hondakrih ihko moyakinoh ulun, nunjuk kosalai, tutang nonga juhung ahkan iro. Ngajarohrih ulun honong kosabar sodahpottou.

IBRANI 13:8

Yesus Kristus tohtap sama, pios lomoi, uhuntuh, tutang nyiring turus-jahamoh.

PONGORINAH 1:4

Konduang-konduang, ijo anai ang kopihtu ukup ang daerah Asia! Ahku, Yohanes, bokoharap ihkam tonongaoh borehkat tutang kosanang tahkan Pohotala – yorih, Io ijo anai, tutang jari anai, tutang ijo anai toturusoh – tutang ka'a tahkan kopihtu roh ijo anai ang boun pododusan Pohotala,

PONGORINAH 1:8

‘‘Ahku rih ijo pahtuk tutang ijo kolaiu,’’ hion Tuhan Pohotala, ijo anai, ijo jari anai, tutang ijo anai toturusoh, Ijo Mahakowasa.

PONGORINAH 11:17

Iro nuhtui, ‘‘Tuhan, Pohotala Mahakowasa, ijo anai, tutang ijo jari anai! Ihkai botorimakasih ahkan-Mu kotului Ihko jari hapa kowasan-Mu ijo hajo, tutang jari nopara moretah!

PONGORINAH 14:11

Asop tahkan baho ijo monyiksa ulun-ulun rih, ahkan nyolobuwuk hototurus ahkan turus-jahamoh. Hondou, ngolomi, eam anai tondo-tondooh, iro tonosiksa yorih, iro ijo nyembah ohcin rih tutang pahtungoh, paring ulun ijo anaingina tanda aran ohcin rih.’’

PONGORINAH 14:3

Ang baun pododusan tutang koohpat angbolum hawui dolang okon, ang kodiling pododusan rih 144.000 behti rih, monyanyi ihco nyanyian ijo bohua. Nyanyi orih eam dahpot tonyokula bain ihcobehti ka, bohkonumba tahkan 144.000 behti rih, ijo jari tomorodehkaoh tahkan tana.

PONGORINAH 15:3

Tutang iro monyanyi, nyanyian Museh, jihpon Pohotala, tutang nyanyin Anak Tobiri. Koloutuh auhoh, ‘‘Tuhan, Pohotala Mahakowasa, eaminon kohajoi tutang kohelanoh gawin-gawin-Mu! Lahca kokaron uhtus, eaminonrih adil tutang morong tindakan-tindakan-Mu!

PONGORINAH 15:7

Pongohuli anai ihco tahkan ohpat angbolum rih, nonga ahkan kopihtu molehkat rih, pihtu bawak kondarah bulou, ijo tuwi umba kosangit Pohotala – Pohotala ijo bolum turus-jahamoh.

PONGORINAH 16:14

Iro anairih roh-roh ja'at, ijo napa tandahelan-tandahelan. Kototolu roh rih tulak nokuh paring lahca ang sohopus kolunon tutang mupung iro ahkan hokolahi ang Ondou Ijo Hajo, yorih, Ondou tahkan Pohotala Mahakowasa.

PONGORINAH 16:7

Turus ahku ngonih auh tahkan mesbeh, nuhtui, ‘‘Tuhan, Pohotala Mahakowasa, morong tutang adil hukum-hukumanoh ijo Ihko ngonyahtuoh!’’

PONGORINAH 19:15

Tahkan nyamai-Oh soluka 'cokobilap padang ijo bonyihi, tutang umba padang orih, Io ahkan pokalahoh uhtus-uhtus, tutang Io ahkan moretah iro, umba sukah bosi. Io ahkan mohapit anggur, ang luwang pokahkas pohapit anggur kosangit Pohotala Ijo Mahakowasa.

PONGORINAH 19:4

Mahka koduo pulu ohpat okon, tutang koohpat angbolum ijo kodiling pododusan rih suhkuntu'ut tutang nyembah Pohotala ijo tuot ang ngosan pododusan. Iro nuhtui, ‘‘Amen! Tara Pohotala!’’

PONGORINAH 21:22

Ahku eam nohto Lohpou Pohotala anai luwang lowu rih, tului Lohpou Pohotalaioh iorih Tuhan bongoi, Pohotala Ijo Mahakowasa, tutang Anak Tobiri rih.

PONGORINAH 3:7

‘‘Ahkan molehkat ukup ang Piladelpia, nyurat koloutuh: Tuhrih tahkan Io ijo borasih tutang sojahti. Iorih ponambit kuhci ijo tongina Dawid; amat Io nguap, eam aro ihcobehti ka dahpot ngahtopoh, tutang amat Io ngahtopoh, eam ihcobehti ka dahpot nguapoh.

PONGORINAH 4:4

A'ang tapai ngolikar mongodiling pododusan rih, anai duo pulu ohpat pododusan ijo bohkon. Anan tuot duo pulu ohpat okon ijo hopokajan puhti, tutang hapa ahkur bulou.

PONGORINAH 4:6

Todahpot ka'a ang boun pododusan rih ang'co, kolou tasik soramin kotining kolou kristal. Ang kodiling pododusan, ang nyinong saraioh, anai ohpat angbolum, ijo hila ang baun tutang hila lihkutoh tuwi umba mahta.

PONGORINAH 4:9

Koohpat angbolum rih monyanyi lagu-lagu tara, horomat tutang torimakasih ahkan Io, ijo tuot ang pododusan rih, yorih Io ijo bolum ahkan turus-jahamoh. Tutang ang ohkot angbolum-angbolum rih monyanyi,

PONGORINAH 5:6

Pongohino ahku nohto ihcokungan Anak Tobiri, tombok ang tohun pododusan-pododusan rih, tokodiling bain koohpat angbolum tutang paring okon rih. Anak Tobiri rih gihtanoh kolou jari tonyombolih. Io tepun pihtu tanduk tutang pihtu mahta; yorih pihtu roh tahkan Pohotala, ijo jari tonyuhu nokuh hopus kolunon.

PONGORINAH 6:1

Uliorih rih ahku nohto Anak Tobiri rih musit segel, ijo pahtukoh ang louk kopihtu segel rih. Turus ahku ngonih ihco ang louk koohpat angbolum rih nuhtui, ‘‘'Kan otoi!’’ Auh tuhtuioh rih kolou auh duhung.

PONGORINAH 6:6

Tutang ahku ngonih angihco ijo konahan kolou auh ijo na'ah, tahkan tohun-tohun koohpat angbolum rih. Auh rih nuhtui, ‘‘Ihco liter gandum, ijo pios boregai ahkan upah ihcoondou, tutang tolu liter gandum mahcam bohkon ijo borega upah ihcoondou ka'a. Tahpi ara morusakoh pu'un-pu'un zaitun tutang pombulan anggur!’’

PONGORINAH 7:11

Paring molehkat tombok ngodiling pododusan, tutang okon-okon hawui koohpat angbolum rih. Molehkat-molehkat rih sohumbok ang baun pododusan turus nyembah Pohotala.

PONGORINAH 7:15

Orih kotuluioh iro tombok ang toharep pododusan Pohotala, tutang sombayang ahkai-Oh hondou ngolomi ang luwang Lohpou Pohotala. Tutang Io ijo tuot ang ngosan pododusan rih, ahkan lombut umba iro, ahkan ngolindung iro.