PONGORINAH 3:17 - BOWOT BOHUA

¹⁷ Ihkam nuhtui, ‘Ihkai tahtou tutang uras sukup; ihkai eam tahpas ino-inon.’ Tahpi ihkam eam kota'an eaminon komolarat tutang eaminon kosedihoh koada'an'kam! Ihkam porosbolum, hoburang, tutang bobulen.

PONGORINAH 3:17 ပူးပေါင်းရင်းမြစ်များ

MATEUS 5:3

“Kosanangsolamat ahkan ulun, ijo mokomo eam badaya tutang tihkas bohapang ang Tuhan ih; iro rih anai anak-ukup ain Pohotala!

MATEUS 9:12

Yesus ngonih kisok'ndo turus mutah, “Ulun ijo borigas eam perulu dokter, tihkas ulun ijo ngarot iou.

LUKAS 1:53

Ulun bolo'u konombosuh-Oh umba kokaron kopios, ijo tohtou tomuko honong mapih.

LUKAS 6:24

Tahpi colahkarih ihkam ijo tahtou uhuntuh; tului ihkam jari nginyam komomih-kopioioh!

RUMA 11:20

Orih puna morong. Tahpi iro todian tului iro eam porocaya, rahatoh Konduang tonorima tului Konduang porocaya. Jadi ara Konduang monjadi bojuhu kotuluioh, sopunaoh Konduang pahtut komo kihkoh.

RUMA 11:25

Konduang-konduang! Ahku harap ihkam, ara komo jari kosono kokaro-karoioh. Tului anai ihco hal ijo konohuang bain Pohotala, tahpi ijo jaha ngota'an ulun. Tutang ahku kani ihkam ngota'an yorih tuh: Ihco kobagi tahkan ulun Yahudi mahang ahtoioh, tahpi sikap iro rih, ahkan toturus tihkas johcok jombalah ulun-ulun bohkon Yahudi ijo lombut ahkan Pohotala jari sukup.

RUMA 12:3

Pohotala jari nonga pononganasi ahkak'ku. Orih kotuluioh ahku moningakoh Konduang-konduang paringoh: Ara komo arop labih isun tahkan ijo kotu'uioh. Hondakoh Konduang-konduang monilai koada'an arop'kam honong randah ahtoi; nyino-nyinong behti monilai aropoh numbun koduon ijo tonongaoh Pohotala ahkaioh bain kotului io porocaya ahkan Yesus.

RUMA 7:24

Nah, koloutuhrih koada'ak'ku; ahku moneet hukum Pohotala umba akal dasar'ku, tahpi honong tobiat kolunok'ku, ahku kalah aang dusa. Pahamrih kocolahkaioh ahku tuh! Iai ijo kani monyolamat ahku tahkan behtik'ku tuh, ijo ngomin ahku nokuh popahtoi? Botorimakasih ahku ahkan Pohotala! Io kani monyolamat ahku nguha Tuhan Yesus Kristus.

2 PETRUS 1:9

Tahpi ulun ijo eam anaingina sipat-sipat rih, topahjahoh pihcik; io eam tou nohto, tutang io nolingou ijo dusa-dusaoh ijo tokalou jari tonomuhi-Oh.

PONGORINAH 16:15

‘‘Ngonihrih! Ahku lombut kolou ponahkou! Kosanangrih ulun ijo tahtap bojaga tutang mohaga hahtiuoh, nyiring io eam nyalan, hawui hoburang tutang monjadi mia, ang boun ulunaro!’’

PONGORINAH 2:9

Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.

PONGORINAH 3:16

Tahpi ihkam podi-podih kuhku; podih eam, sorongin ka eam. Orih tuluioh ihkam, ahkan Ahku nokahakoh soluka, tahkan luwang nyamak-Ku.