PONGORINAH 3:10 - BOWOT BOHUA

¹⁰ Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.

PONGORINAH 3:10 ပူးပေါင်းရင်းမြစ်များ

MATEUS 24:14

Tutang Kabar Hinut, tohou koloukuwoh Pohotala moretah ahkan tonyiar nokuh hopus kolunon, mangat paring ulun ngonihoh. Uliorih rih ndai punai rih lombut ondoukiamat.”

MATEUS 26:41

Bojaga-jagarih, tutang bodo'a mangat ihkam ara buah tihkos. Puna Roh'kam kani nguan ijo morong, tahpi ihkam eam sanggup, tului dasar ulun tuh bolomu.”

MATEUS 6:13

Ararih mohonou ihkai nihou porocaya aang ohkot ihkai tonihkos tahpi nguwat ihkai tahkan kowasa ang ja'at. [Ihkorih Lahca ijo bokowasa tutang tonohoromat nyiring turus-jahamoh. Amen.]’

MARKUS 14:9

Porocayarih! Ang sohopus kolunon, ang umoh iou Kabar Hinut tahkan Pohotala tonokabarih, angkonuan ulunbawi tuh ahkan tonyorihta ka'a kolou pongingat ahkaioh.’’

LUKAS 2:1

Ang ohkot rih Kaisar Agustus momoretahoh, mangat paring warga nogara Kolahca'an Ruma molihting aropoh ahkan tongiso.

YOHANES 17:6

Ahku jari pokosonorih Amai ahkan ulun-ulun tahkan kolunon tuh, ijo jari Amai nongaoh ahkak-Ku. Iro anairih ain Amai, tutang Amai jari nongaoh iro ahkak-Ku. Iro jari numbunoh auh Amai.

RUMA 1:8

Pahtuk-pahtuk nguha Yesus Kristus, ahku monorimakasih ahkan Pohotala tului Konduang-konduang paringoh; tului sohopus kolunon jari ngonih ijo ihkam porocaya samasino umba Kristus.

1 KORINTUS 10:13

Nyinong tihkos ijo Konduang nyuruoh, jorih tihkos ijo kobahutoh tonyuru ulun. Tahpi Pohotala bokehtep aang bowot-Oh. Io eam ahkan mohonou Konduang tonihkos molowi tahkan kosanggup ihkam. Aang ohkot Konduang nopahas bain tihkos, Io ahkan nonga jalan ahkan'kam, ahkan nyolung ba'as mangat Konduang dahpot botahan.

EPESUS 6:13

Tului orih, huntuh, hapanih koparing pokahkas ain Pohotala, mangat aang ondou ijo ja'at, ihkam sanggup molawan sorangan-sorangan musuh. Tutang mangat uli ihkam hokolahi johcok laiuoh, ihkam magun ba'as meteng.

2 TIMOTEUS 2:12

Amat ihto tohtap tabah, ihto ahkan moretah ka'a homboh Io. Amat ihto ngulim Io, Io ka ahkan ngulim ihto.

YAKOBUS 3:12

Pu'un sikun, Konduang-konduang'ku, eam tou mohasil bua Zaitun, tutang pu'un anggur, eam dahpot mohasil bua sikun. Luwang danum ijo mohit eam tou ka'a polua danum tawah.

1 PETRUS 4:12

Konduang-konduang ijo ponokasih! Ihkam uhuntuh paham ngarot kotului rahat tonguji. Tahpi ararih komo helan, koloujahka anai aangihco ijo luar biasa nyolung ahkan'mu.

2 PETRUS 2:9

Jadi, Tuhan ta'an, koloukuwoh nyolamat'kan ulun-ulun ijo numbun konohuang-Oh, amat iro noharep tihkos-tihkos. Tutang Tuhan ngota'an, koloukuwoh ngina ulun-ulun ijo ja'at ahkan tonosiksa ang Ondou Ponosara,

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 11:10

Ponduduk tana ahkan hokojorih ngosan popahtoi koduo saksi rih. Iro ahkan mestaoh tutang saling mongirim hadiah, tului koduo behti nabi rih, mopolombut aro siksa ahkan paring ulun ang tana.

PONGORINAH 13:10

‘‘Ulun ijo harus tonawan, musti ahkan tonawan. Tutang ulun ijo harus tomunu umba padang, musti ahkan tomunu umba padang. Orih rih kotuluioh ukup Pohotala pahtut tabah tutang bokehtep.’’

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 14:12

A'ang hal tuh ukup Pohotala, ijo bokehtep umba poretah-poretah Pohotala, tutang tehen umba Yesus, porulu monjadi tabah.

PONGORINAH 14:6

Turus ahku nohto ihcobehti molehkat bohkon, ijo na'ang ang langit. Molehkat rih ngomin borihta, tohau Kabar Hinut ijo abadi ahkan tonosiar, ahkan kolunon ang tana, yorih ahkan paring uhtus, lihting, basa tutang nogara.

PONGORINAH 16:14

Iro anairih roh-roh ja'at, ijo napa tandahelan-tandahelan. Kototolu roh rih tulak nokuh paring lahca ang sohopus kolunon tutang mupung iro ahkan hokolahi ang Ondou Ijo Hajo, yorih, Ondou tahkan Pohotala Mahakowasa.

PONGORINAH 17:2

Lahca-lahcan kolunon nguan nyundal umba io, tutang ijo mohcon ang tana monjadi bobusou, kotului ngorih anggur kosundaloh.’’

PONGORINAH 17:8

Ohcin rih lomoi pu'u bolum, tahpi huntuh eam bolum hino. Io honjulu hino ahkan soluka tahkan lowang popahtoi tutang ahkan tulak nitu korusak. Ulun-ulun ijo bolum ang tana ijo araioh eam tonolihting luwang Surat Ulun Bolum hountahkan kolunon tona'oi ahkan helan amat nohto ohcin rih. Tului ohcin rih, lomoi pu'u bolum. Huntuh io eam bolum hino, tahpi io ahkan lombut hoduli.

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 3:8

Ahku kota'an inon ijo ihkam nguai. Ahku kota'an ijo ihkam eam popira koba'as; ihkam, jari numbun ajar-Ku, tutang tehen umba Ahku. Bagin ihkam jari Ahku nguap ihco bauntukang, ijo eam dahpot tongahtop bain iai ka ka'a.

PONGORINAH 6:10

Iro ngombak hawui auh ijo muhing, ‘‘Yo Tuhan Ijo Mahakowasa, ijo borasih tutang morong! Pira kotahiu hino punan Ihko mosara ulun kolunon, tutang mohukum iro, tului iro jari munu ihkai?’’

PONGORINAH 8:13

Turus ahku nohto, mahka ahku ngonih ihcokungan bulung rajawali ijo rahat na'ang isung ang bounondou, na'ah, ‘‘Colahka! Colahka! Colahkarih paring ulun ang tana, amatmira ngonih kotolu molehkat bohkonoh mopos sorunaioh noin!’’