PONGORINAH 22:6 - BOWOT BOHUA

⁶ Turus molehkat rih nuhtui umba ahkak'ku, ‘‘Tuhtui-tuhtui tuh tu'u tutang dahpot tomorocaya. Tuhan Pohotala ijo nonga Roh-Oh ahkan nabi-nabi, jari nyuhu molehkat-Oh mangat ngorinah ahkan jihpoi-jihpoi-Oh inon ijo bojoin harus nyolung.’’

PONGORINAH 22:6 ပူးပေါင်းရင်းမြစ်များ

MATEUS 13:41

Anak Ulun ahkan nyuhu molehkat-molehkat-Oh nipun tahkan louk ukup aiuoh paring ijo kotuluioh ulun nguan dusa, tutang paring ulun bohkonoh ijo nguan koja'at.

LUKAS 1:70

Jaman lomoi nguha nabi-nabi ijo konopili-Oh, Tuhan jari nonga bowot-Oh

LUKAS 16:16

Hukum ijo tononga bain Museh tutang ajaran nabi-nabi tahtap nyolung johcok aang uhun Yohanes Popondus. Tahkan ohkot orih Kabar Hinut tohou koloukuwoh Pohotala moretah kolou Lahca borihtaoh toturusoh. Tutang ulun maksa aropoh ahkan monjadi anak ukup ain Pohotala.

KESAH RASUL-RASUL 12:11

Uliorih punan Petrus borondong, ahkan inon ijo jari nyolung aang io; turus io nuhtui, ‘‘Huntuh ahku kota'an ijo Tuhan tu'u-tu'u jari ngirim molehkatoh ahkan moliwus ahku tahkan kowasa Horodes tutang tahkan dolang aangihco ijo ahkan konuan bain uhtus Yahudi umba ahku.’’

KESAH RASUL-RASUL 3:18

Tutang tului orihrih nyolung ka'a inon ijo jari nuhtui bain Pohotala soun lomoi hopatau nabi-nabi-Oh ijo Lahca Ponyolamat ijo tonobowot rih harus ngarot.

RUMA 1:2

Kabar Hinut rih jari tonobowot bain Pohotala ang ohkot lomoi nguha nabi-nabi Aiu, tutang jari tonyurat luwang Surat Borasih.

1 KORINTUS 14:32

Pononganasi tahkan Roh ahkan nyapai borihta tahkan Pohotala, dahpot tonomorong bain ulun ijo nyapai borihta rih.

1 KORINTUS 7:29

Titunhuang'ku koloutuh, Konduang-konduang: Ihto eam anai aro ohkot hino. Nopara tahkan huntuh, nyinong ulun ijo jari ngoruh, hondakoh bolum koloujahka io eam ngoruh;

2 TESALONIKA 1:7

Tutang ahkan'kam ijo uhuntuh ngarot – kodorih ka'a umba ihkai – Pohotala ahkan nonga kosoroah aang ondou Tuhan Yesus nosuluh tahkan soruga, tutang ngorinah arop-Oh hawui molehkat-molehkat Aiu ijo motong,

IBRANI 12:9

Ihto anaitepun amai ang kolunon. Io majar ihto, tutang ihto mohoromatoh. Nah, inonhino toharep Amai homboruan ihto ijo ang soruga, puna ihto pahtut labih nyembah umba Io mangat ihto bolum.

2 PETRUS 1:21

Tului eam pu'u, pohtoh tahkan Pohotala tomborihta tihkas numbun konohuang ulun. Tahpi Roh Pohotala mongowasa ulun rih, ahkan monyiar pohtoh tahkan Pohotala bongoi.

2 PETRUS 3:2

Ahku nyuhumopingat mangat ihkam bingat, ahkan auh-auh ijo lomoi tonohawot bain nabi-nabi Pohotala, tutang poretah-poretah tahkan Tuhan, Lahca Ponyolamat, ijo tonyorihtaoh ahkan'kam nguha rasul-rasul.

PONGORINAH 1:1

Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.

PONGORINAH 18:20

Oh soruga, jori-jorih iou ihko ngosan kolonyuh lowu hajo rih! Oh ukup Pohotala, rasul-rasul tutang nabi-nabi jori-jorih iou! Kotului Pohotala jari mohukum io, kolou pombalos ngosan inon ijo tononguaioh toharep ihkam!

PONGORINAH 19:9

Turus molehkat rih nuhtui ahkak'ku, ‘‘Nyurat tuh: ‘Kosanang rih ulun ijo tonorawe nokuh pesta pongawin Anak Tobiri rih.’ ’’ Pongohuli molehkat rih monambah hino, ‘‘Tuhrih kabar hinut tahkan Pohotala.’’

PONGORINAH 21:5

Turus Io ijo tuot ang ngosan pododusan rih nuhtui, ‘‘Uhuntuh Ahku nguan paringoh bohua!’’ Io nuhtui ka'a umba ahku, ‘‘Nyuratrih tuh, tului auh-auh tuh tu'u tutang dahpot tomorocaya.’’

PONGORINAH 21:9

Ihco tahkan louk kopihtu molehkat, ijo jari nambit kondarah-kondarah ijo tuwi, umba kopihtu kosusah ijo laiu rih, lombut ahkak'ku tutang nuhtui, ‘‘Olai! Ahku ahkan ngorinah ahkan'mu Pongahten, yorih oruh Anak Tobiri.’’

PONGORINAH 22:1

Molehkat rih ka'a ngorinah ahkak'ku, sungoi ijo danumoh nonga pombolum. Sungoi rih mongorinjap kolou kristal, tutang nohasak tahkan pododusan Pohotala, tutang Anak Tobiri rih.

PONGORINAH 22:16

‘‘Ahku, Yesus jari mongirim molehkat-Ku ahkan ihkam, mangat io momborihta hal-hal tuh ahkan kogunan ukup-ukup. Ahku tuh lihit Dawid; Ahku tuh potion tahkan timur ijo boloang rih.’’

PONGORINAH 22:7

‘‘Nohtoani tuh!’’ hion Yesus, ‘‘Ahku ahkan bojoin lombut. Sanangmangat ulun ijo mote'etoh auh-auh tujum luwang surat tuh!’’

PONGORINAH 4:1

Uliorih rih ahku dahpot pongorinah hino. Ahku nohto ihco bauntukang bokuap ang soruga. Pongohino konahan huli auh, ijo aang pahtukoh ius bopander, umba ahku kolou auh sorunai. Auh rih nuhtui, ‘‘Has nuhkat ahkan ohtoi. Ahku ahkan ngorinah ahkan'kam inon ijo ahkan nyolung noin.’’