PONGORINAH 22:20 - BOWOT BOHUA

²⁰ Io ijo mborihtaoh paring borihta tuh homouh, ‘‘Morong, Ahku ahkan bojoin lombut!’’ Amen! Lombut iou o Tuhan Yesus!

PONGORINAH 22:20 ပူးပေါင်းရင်းမြစ်များ

YOHANES 21:25

Magun aro hal bohkon ijo konuan bain Yesus. Jahkaanai paringoh rih tonyurat mihco-mihco, ahku nginyam eam aro sukup unukoh ang hapus tana unuk muat paring buhku ijo ahkan tonyurat orih.

1 KORINTUS 16:22

Ulun ijo eam sita Tuhan, nauhoh io buah tulut! MARANAHTA – Tuhan ihkai, lombut iou!

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

IBRANI 10:37

Kotului luwang Surat Borasih tonyurat, ‘‘Tihkas honjulu iou hino mahka Io ijo ahkan lombut rih, ahkan bojoin lombut; Io eam ahkan nguhu-nguhut polombut-Oh.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.

PONGORINAH 1:2

Mahka Yohanes ka'a momborihta paring ijo tonohtooh rih, tutang tuhrih ponuhtuioh tohou pohtoh tahkan Pohotala, ijo tonotehen bain Yesus Kristus nguha kosaksian-Oh.

PONGORINAH 2:16

Tului orih hubah tahkan dusa-dusan'mu! Amat eam, honjulu hino Ahku ahkan lombut nokuh ihkam tutang ngolahi ulun-ulun rih umba padang ijo anai ang nyamak-Ku.

PONGORINAH 22:10

Turus io nuhtui hino, ‘‘Ara ngulim auh tujum luwang surat tuh, kotului jari doni ohkotoh, paringoh tuh ahkan nyolung.

PONGORINAH 22:12

‘‘Nohtoaniohrih tuh!’’ hion Yesus, ‘‘Eam tahi hino Ahku ahkan lombut, ahkan ngomin upah, ahkan malos nyinong ulun numbun inon ijo jari io nguaioh.

PONGORINAH 22:18

Ahkan nyinong ulun ijo ngonih tuhtui-tuhtui tujum ang surat tuh, ahku, Yohanes, nonga pongingat tuh; amat ulun ndahang ang'co aang tuhtui-tuhtui tujum tuh, mahka Pohotala ahkan ndahang hukum ulun rih umba kosusah-kosusah ijo tomihtik luwang surat tuh.

PONGORINAH 22:7

‘‘Nohtoani tuh!’’ hion Yesus, ‘‘Ahku ahkan bojoin lombut. Sanangmangat ulun ijo mote'etoh auh-auh tujum luwang surat tuh!’’