PONGORINAH 22:17 - BOWOT BOHUA

¹⁷ Roh Pohotala tutang Pongahten Bawi homouh, ‘‘Kanohtoi!’’ Nyinong ulun ijo ngonih tuh harus ka'a homouh, ‘‘Kanohtoi!’’ Iai ijo tohjahbolai pios io lombut! Tutang iai ijo ngojolikoh, pios io ngomin danum, ijo nonga pombolum rih, honong cuma-cuma.

PONGORINAH 22:17 ပူးပေါင်းရင်းမြစ်များ

YOHANES 1:37

Koduo behti murid Yohanes rih ngonih karon-auh orih, turus hihkas ngohasu Yesus.

YOHANES 4:10

Yesus mutah, ‘‘Jahkaioh ihko kota'an ponongan Pohotala tutang iai ijo nyawot korih umba ihko, musti ihko bongom ijo nyawot danum umba-Oh, tutang Io ahkan nonga ahkan'kam danum bolum.’’

YOHANES 4:11

Hion ulunbawi rih, ‘‘Tuan eam anai hapangalap, tutang sumur tuh timbon tu'u. Tahkan umoh Tuan duon danum bolum?

YOHANES 4:14

‘‘tahpi ulun ijo ngorih danum ijo ahkan Ahku nongaoh, io eam ahkan tojahbolai hino nyiring kototahiu. Tului danum ijo ahkan Ahku nongaoh rih ahkan monjadi lowong danum ang luwang aropoh ijo ngombuhak soluka tutang nongarih ahkaioh pombolum ijo sojahti tutang kototahiu.’’

YOHANES 4:29

‘‘Olai nohto ulun ijo monyorihta ahkak'ku kokaron aang'co ijo pu'u ahku nguai. Toumorongrih Io rih Lahca Ponyolamat?’’

YOHANES 7:37

Aang ondou lain tahkan pesta rih, iorih ondou ijo paling mbahtang, Yesus tombok ang luwang Lohpou Tuhan turus na'ah, ‘‘Ulun ijo tojahbolai pios io nokuh Ahku mangat ngorih.

RUMA 3:24

Tihkas tului pononganasi Pohotala ijo tonongaoh honong cuma-cuma, hokohihco ulun umba Pohotala monjadi pios hoduli, caraoh iorih; ulun tonoliwusoh bain Kristus Yesus.

1 KORINTUS 2:12

Tutang ihto eam tononga roh kolunon tuh, molekan Roh ijo tahkan Pohotala, mangat ihto ngota'an, paringoh pononganasi Pohotala ahkan ihto.

PONGORINAH 14:13

Turus ahku ngonih auh tahkan soruga nuhtui, ‘‘Nyuratrih tuh: Nopara huntuh, kosanangrih ulun-ulun ijo mahtoi rahat hino mohalu Tuhan!’’ ‘‘Morong!’’ putah Roh Pohotala. ‘‘Iro ahkan tondo bogawi paham, tului bua pohalu iro, toturus ahkan homboh iro.’’

PONGORINAH 2:7

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman bua tahkan bahtang pombolum ijo tumbu ang Pombulan Pohotala.’’

PONGORINAH 21:2

Mahka ahku nohto lowu borasih rih, yorih Yerusalem ijo bohua, nosuluh tahkan soruga tahkan Pohotala. Lowu rih jari tonyodia kolou ihcobehti pongahten bawi ijo tomokahjan ahkan nyombang pongahten ijo bahkas.

PONGORINAH 21:6

Turus Io nuhtui, ‘‘Jari genep! Ahku rih ijo pahtukoh, tutang ijo laiu; Ahkurih Tuhan tahkan Kopahtuk nyiring Pongolaiu. Nyinong ulun ijo tohjahbolai, ahkan Ahku nonga korih honong cuma-cuma tahkan tohasak danum, ijo nonga pombolum.

PONGORINAH 21:9

Ihco tahkan louk kopihtu molehkat, ijo jari nambit kondarah-kondarah ijo tuwi, umba kopihtu kosusah ijo laiu rih, lombut ahkak'ku tutang nuhtui, ‘‘Olai! Ahku ahkan ngorinah ahkan'mu Pongahten, yorih oruh Anak Tobiri.’’

PONGORINAH 22:1

Molehkat rih ka'a ngorinah ahkak'ku, sungoi ijo danumoh nonga pombolum. Sungoi rih mongorinjap kolou kristal, tutang nohasak tahkan pododusan Pohotala, tutang Anak Tobiri rih.

PONGORINAH 22:16

‘‘Ahku, Yesus jari mongirim molehkat-Ku ahkan ihkam, mangat io momborihta hal-hal tuh ahkan kogunan ukup-ukup. Ahku tuh lihit Dawid; Ahku tuh potion tahkan timur ijo boloang rih.’’

PONGORINAH 7:17

kotului Anak Tobiri ijo tuot ang tohun-tohun pododusan rih nyolung sokahtik iro. Io ahkan ngitut iro nokuh tohasak danum ijo nonga pombolum. Tutang Pohotala ahkan ngapit karo danum mahto tahkan mahton iro.’’