PONGORINAH 20:9 - BOWOT BOHUA

⁹ Mahka iro ka'a kosoburan nokuh sohopus kolunon, turus ngahpung kemah ukup Pohotala, tutang lowu ijo tonokasih Pohotala. Tahpi baho mosuluh tahkan langit tutang polumat iro.

PONGORINAH 20:9 ပူးပေါင်းရင်းမြစ်များ

LUKAS 17:29

Tahpi kotihka Lot soluka tahkan Sodom, ang ondou orih, baho tutang sondawa mosuluh tahkan langit tutang morusak iro paring.

LUKAS 19:43

Ihko ahkan nginyam ihco wayah, ang amoh musuh'mu nguan pohalang-pohalang ang kodiling'kam; iro ahkan ngahpung ihko, tutang ngohapit'kam tahkan kokaro puting.

LUKAS 21:20

‘‘Amatmira ihkam nohto Yerusalem tongodiling sorodadu, ihkam ahkan kota'an lowu orih, eam ahkan tahi hino ahkan tonolingis.

LUKAS 9:54

Mahka ang ohkot murid-murid Yesus, iorih Yakobus tutang Yohanes ta'an tohou hal rih, iro nuhtui, ‘‘Tuhan, inonkah Tuhan kani, ihkai nyawot baho tahkan langit, unuk polumus ulun-ulun tuh?’’

2 TESALONIKA 1:8

tutang honong baho ijo ngonjelak-jelak. Io mosuluh ahkan mohukum ulun-ulun ijo eam poduli Pohotala, tutang ijo eam kani bolum sorurui umba Kabar Hinut tohou Yesus Tuhan ihto.

IBRANI 13:13

Tului rih, olai ihto tulak nokuh Io ijo ang luar puloukemah tutang umba tonohina homboh Io.

PONGORINAH 11:5

Amat ulun mocoba nguan ang'co ijo eam pios, toharep iro, mahka tahkan nyaman iro bolua baho, ijo morusak musuh-musuhoh. Umba cara kolourih, paring ulun ijo kani ngoporos iro ahkan tomunu.

PONGORINAH 13:13

Ohcin ijo koduo rih, nguan tandahelan-tandahelan ijo hajo. Ang husuk paring ulun, io napa baho mosuluh tahkan langit nokuh tana.