PONGORINAH 20:5 - BOWOT BOHUA

⁵ Tuhrih tahap pahtukoh ulun-ulun mahtoi konombolum huli. (Tahpi ulun-ulun mahtoi bohkonoh eam konombolum kotahin sokujan toun rih.)

PONGORINAH 20:5 ပူးပေါင်းရင်းမြစ်များ

LUKAS 14:14

Ihko ahkan tomorehkat, tului ulun-ulun rih tutang eam ahkan duon mbalasoh kopios'kam rih. Kopios'kam orih ahkan tomalos bain Pohotala aang ohkot ulun-ulun ijo morong monyun huli tahkan popahtoi.’’

RUMA 11:15

Tului iro tonulak bain Pohotala mahka kohihcon kolunon umba Pohotala monjadi pios hoduli; inon hino amat iro tonorima bain Pohotala! Puna rih sama iou kolou ulun mahtoi bolum hoduli!

PILIPI 3:11

Tutang ahku boharap ijo ahku bongok, ahkan tonombolum hoduli tahkan popahtoi.

1 TESALONIKA 4:16

Noin molehkat hajo ahkan na'ah umba auh ijo muhing, tutang sorunai Pohotala tomohpos kolou tanda aba-aba. Turus Tuhan Yesus bongoi ahkan nosuluh tahkan soruga, tutang ulun-ulun Kristen ijo jari mahtoi ahkan tongomonyun labih soun.

PONGORINAH 11:11

Uli tolu sotongah ondou, lombut hasong bolum tahkan Pohotala, tutang nyolong hino koluwang koduo behti nabi rih. Iro ka hikat tombok, nyiring paring ulun ijo nohto iro, nyolung mihkoh samasino.

PONGORINAH 11:15

Turus molehkat ijo kopihtu mohpos sorunaioh, mahka ang soruga konahan auh-auh muhing samasino ijo nuhtui, ‘‘Kokuwasa'an ahkan moretah kolunon, anai huntuh a'ang longon Tuhan ihto, tutang Lahca Ponyolamat, ijo tonobowot-Oh. Io ahkan moretah ahkan turus-jahamoh!’’