PONGORINAH 2:9 - BOWOT BOHUA

⁹ Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.

PONGORINAH 2:9 ပူးပေါင်းရင်းမြစ်များ

MATEUS 4:10

Yesus mutah, “Hahtun ihko, o ponihkos! Ang luwang Surat Borasih tonyurat: Nyembah Tuhan Pohotalan'kam, tutang nonga horomat ahkai-Oh ih!”

LUKAS 12:21

Kolourih kojoriai umba nyinong ulun ijo bousaha monjadi tahtou ahkan arop, tahpi eam bousaha monjadi tahtou ang mahtan Pohotala.’’

LUKAS 22:65

Aro hino auh-auh mohina ijo iro muatoh ahkai-Oh.

LUKAS 4:18

‘‘Roh Tuhan anai aang Ahku, tului Io jari ngahtang Ahku ahkan mborihtaoh Kabar Hinut ahkan ulun porosbolum. Io nguhtus Ahku ahkan monyiar koliwus bagi ulun tonotawan tutang kopios ahkan ulun ijo bobulen; ahkan momorodehkaoh ulun tohenyek

LUKAS 6:20

Yesus nopahjah murid-murid-Oh, turus nuhtui, ‘‘Kosanangrih ihkam ulun-ulun porosbolum, tului ihkam anairih anak ukup ain Pohotala!

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

KESAH RASUL-RASUL 26:11

Bojoin tu'u ahku nyiksa iro ang lohpou-lohpou sombayang, mangat momaksa iro ngulim koporocaya ijo inon iro jari porocayaoh. Kodorih kolasut ahtoi'ku toharep iro, nyiring nokuh lowu-lowu bohkon ka ahku tulak ahkan hodulu iro ang anan.’’

RUMA 12:12

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

RUMA 2:17

Tahpi huntuh koloukuwoh umba Konduang-konduang bongon? Konduang ngahku arop ulun Yahudi. Konduang ngahtung arop umba hukum agama Yahudi tutang Konduang tamam tului kohihco Konduang umba Pohotala.

RUMA 5:3

Tutang molowi tahkan orih, ihto ka jorih ang luwang kokarot, tului ihto kota'an ijo kokarot rih napa ulun monjadi bokehtep,

RUMA 8:35

Inonrih anai ijo duon mohalang Kristus ngasi ihto? Duonleh kosusah ngohanaoh rih, ata'ai kohali, ata'ai koporos, ata'ai bolo'u, ata'ai koporosbolum, ata'ai bohaya, ata'ai ka popahtoi?

RUMA 9:6

Ahku eam nohuang nuhtui, ijo bowot Pohotala jari eam hapan hino; tahpi, eam paring ulun Israel anairih ukup ijo konopili bain Pohotala.

2 KORINTUS 6:10

Oluka ahtoi ihkai tongoporos ahtoi, tahpi ihkai hototurus jorih ka'a. Ihkai topahjahoh porosbolum, tahpi ihkai jari nguan aro ulun monjadi tahtou. Topahjahoh ihkai eam anai ngina ino-inon tahpi kotu'ui ihkai jari ngina paring-aangoh.

2 KORINTUS 8:2

Iro ius touji umba kosusahan-kosusahan ijo bahat. Tahpi ang tohun-tohun kosusahan-kosusahan rih, iro jorih tutang paham sanang ahtoi a'ang mononga sumbangan ahkan dohop ulun bohkon, oluka iro bongoi porosbolum samasino.

2 KORINTUS 8:9

Tului ihkam ngota'an tu'u, ijo ihto karas tonokasih kobain Yesus Kristus Tuhan ihto. Io tahtou, tahpi Io nguan arop-Oh monjadi porosbolum ahkan kogunan ihkam, mangat umba koporosbolum-Oh rih ihkam monjadi tahtou.

1 TESALONIKA 3:4

Ang ohkot ihkai magun hihco ihkam, ihkai jari mborihta ahkan'kam labih houn, ijo ihto ahkan ngarot. Tutang kopuna rih moro-morong ius nyolung, ihkam bongon kota'anoh.

1 TIMOTEUS 1:13

oluka soun ahku mopitnah tutang ngoporos hawui mohina Io. Tapi Pohotala mongasih ahku, kotului ang ohkot orih ahku jaha porocaya, jadi ahku eam kota'an inon ijo ahku nguai.

1 TIMOTEUS 6:18

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 2:2

Ahku ta'an inon ijo ihkam nguai: Ihkam bogawi paham tutang ihkam tabah samasino. Ahku ta'an ijo ihkam eam nonga ahtoi ahkan ulun ja'at. Tutang ulun-ulun ijo ngahku aropoh rasul, padahal eam, jari ihkam nguji, tutang ihkam nyombang ijo iro bobalik.

PONGORINAH 2:24

Tahpi ihkam ijo bohkon-bohkonoh ang Tiatira eam umba ajar ijo ja'at rih, tutang eam balajar ilmu-ilmu Sehtan. Ahku nuhtui, ijo Ahku eam ahkan nambah ahkan'kam puat ijo ngombahat.

PONGORINAH 3:9

Ingatrih tuh: Ulun-ulun ijo monjadi ukup Sehtan rih, pobalik-pobalik ijo ngohawot aropoh Yahudi podahal bohkon, ahkan Ahkunguan, nyiring iro lombut suhkuntu'ut ang toharep'mu. Tutang iro ahkan kota'an ijo Ahku ngasi ihkam.

PONGORINAH 7:14

‘‘Ahku eam kota'an, Tuan, Tuan bongon ijo ta'an,’’ mutah'ku. Mahka io nuhtui umba ahku, ‘‘Tuhrih ulun-ulun ijo jari hawui solamat nguha wayah konoporos ijo hebat. Iro jari muhi jubah iro tutang napaoh monjadi puhti umba dahan Anak Tobiri rih.