PONGORINAH 2:5 - BOWOT BOHUA

⁵ Tului rih, ingatrih, eam-inon komahcu ihkam jari ngonyahtu! Hubah iou tahkan dusa-dusan'kam rih tutang nguanohrih iou inon ijo ihkam nguaioh pahtuk. Amat eam mahka Ahku ahkan lombut nokuh'kam tutang nyohpit pa'an sumbun'kam rih tahkan unukoh.

PONGORINAH 2:5 ပူးပေါင်းရင်းမြစ်များ

MATEUS 5:14

Ihkam anairih koloang kolunon. Lowu ijo tomangun ang pupung puruk eam dapot tonyuhuk.

MATEUS 5:15

Eam aro ulun ijo molihkit sumbu turus nuhtup sumbu rih umba potoran. Io malah ahkan ngina sumbu rih, ang unuk sumbu, mangat nonga koloang ahkan nyinong ulun ang luwang lahpou.

MARKUS 12:9

Turus Yesus ngisok, ‘‘Inon ijo ahkan konuan bain tepun pomulan rih? Musti io ahkan lombut tutang munu ponggawi-ponggawi rih turus monyarahoh kombulan orih ahkan ponggawi-ponggawi ijo bohkon.

LUKAS 1:17

Io ahkan monjadi soruhan Tuhan ijo ba'as tutang bokowasa kolou Elia. Io ahkan ngobuah amai umba anak, tutang ulun eam te'et tonitingoh buli aang jalan tiruk ijo morong. Honong kolourih io nahtap ihco ukup ijo jari tahtap ahkan Tuhan.’’

LUKAS 20:16

Musti io ahkan lombut tutang munu ponggawi-ponggawi pomulan rih, turus nyarah pomulan rih ahkan ponyewa-ponyewa pumbulan ijo bohkon.’’ Ngonih orih, nuhtuirih ulun-ulun ahkan Yesus, ‘‘Samasino eam!’’

GALATIA 5:4

Amat ihkam ngurahjalan hokopios umba Pohotala, nguha hukum agama orih rimai kohihco'kam umba Kristus jari pahtot. Honong kodorih ihkam bolum ang ruar barih tonganasin Pohotala.

PILIPI 2:15

Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.

IBRANI 10:32

Ingat rih koloukuwoh koada'an Konduang-konduang ang ohkot ijo nokalou. Ang ohkot rih, ulijari koloang Pohotala nyingah'kam, ihkam aro mongarot; tahpi ihkam tohtap molawan umba kogigih.

2 PETRUS 3:17

Tahpi ihkam, Konduang-konduang ijo tononyita, ius ngota'an tohou hal rih. Kotului rih, bojaga-jaga iou, ara nyiring ihkam toomin-omin nokuh luwang kolahcat, ulun-ulun bejad nyiring ihkam ngonyahtu tahkan unuk'mu botihcak ijo segah.

YUDAS 1:24

Pohotala ijo sanggup mojaga, mangat ihkam ara ngonyahtu, tutang ijo sanggup ngomin ihkam nokuh toharep-Oh ijo tohoromat honong kojorih tutang earo kosalai.

PONGORINAH 1:20

Tuhrih rahasia tahkan pihtu potion ijo ihko nohto ang longon kotouk-Ku, tutang tahkan pihtu owuh sumbu bulou, orih: Pihtu potion rih iorih molehkat-molehkat kopihtu ukup, tutang pihtu pa'an sumbu rih anairih kapihtu ukup rih.’’

PONGORINAH 16:9

Kolunon tosaha bain lasut podioh, tutang iro nulut aran Pohotala, ijo bokowasa ngosan kosusah-kosusah rih. Oluka kolourih, iro eam kani hubah tahkan dusa-dusan iro, tutang eam kani momuji kohajon Pohotala.

PONGORINAH 2:16

Tului orih hubah tahkan dusa-dusan'mu! Amat eam, honjulu hino Ahku ahkan lombut nokuh ihkam tutang ngolahi ulun-ulun rih umba padang ijo anai ang nyamak-Ku.

PONGORINAH 2:19

Ahku ta'an paring ijo ihkam nguaioh – Ahku ta'an ihkam ngasi sosama'mu, ihkam dehen, ihkam bogawi, tutang ihkam tahan ngarot. Ahku ta'an ihkam huntuh bogawi labih aro tahkan houn.

PONGORINAH 2:2

Ahku ta'an inon ijo ihkam nguai: Ihkam bogawi paham tutang ihkam tabah samasino. Ahku ta'an ijo ihkam eam nonga ahtoi ahkan ulun ja'at. Tutang ulun-ulun ijo ngahku aropoh rasul, padahal eam, jari ihkam nguji, tutang ihkam nyombang ijo iro bobalik.

PONGORINAH 3:19

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.