PONGORINAH 2:3 - BOWOT BOHUA

³ Ihkam sabar, tutang ihkam ngarot tului Ahku, tutang ihkam eam puhtus asa.

PONGORINAH 2:3 ပူးပေါင်းရင်းမြစ်များ

MARKUS 15:21

Ang beteng jalan iro hojojuan ihcobehti ngohtun sopolahkin Yesus. Ulun orih toborung punai tahkan dukuh kani nyolong nokuh lowu. (Araioh Simon, – asar tahkan Kirene – amai ain Aleksander tutang Rufus.)

LUKAS 14:27

Ulun ijo eam kani ngohtun sopolahkioh tutang ngohasurih Ahku, eam tou monjadi murid-Ku.

LUKAS 18:1

Uliorih Yesus monyorihta ihco porobasa ahkan majar murid-murid-Oh mangat'ndo hototurus bodo'a tutang a'ai putus asa.

LUKAS 21:19

Amat ihkam tahan tutang sabar, ihkam ahkan solamat.’’

LUKAS 5:5

‘‘Amai Guru,’’ hion Simon, ‘‘'Cokombun ngolomi ihkai bogawi paham, tahpi eam duon ino-inon! Tahpi tului Amai nyuhu, olai, ahku ahkan nimbai jala hino.’’

LUKAS 8:15

Bonyi ijo tonuhkan ang tana ijo subur nindung ulun ijo ngonih Kabar Hinut rih, turus nginaoh luwang ahtoi ijo hinut tutang morong. Iro tahanngarot nyiring nihpun buaoh.’’

YOHANES 15:21

Paringoh rih ahkan iro nguaioh toharep ihkam, tului ihkam murid-Ku, bain iro eam ngosono Io ijo nyuhu Ahku.

RUMA 12:12

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

RUMA 16:12

Tabe ahkan Tripena tutang Tripesa, ijo bogawi paham mohalu Tuhan, tutang ahkan Persis ijo ahku ngasioh. Io ka'a ius bogawi ahkan Tuhan.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

RUMA 8:25

Tahpi amat ihto morocaya aang-'co, ijo jaha ihto nohtooh, mahka ihto ngindoi hawui sabar.

1 KORINTUS 13:7

Io tahan noharep paring ang'co, tutang kani porocaya umba ijo hinut ang nyinong ulun; aang koada'an ijo koloukuwoh ka ka'a ulun ijo mongasih rih, eam pu'u nihou koharapoh, tutang sabar ngindoi kokaron ang'co.

1 KORINTUS 16:16

Ahku nongatiruk honong tu'u-tu'u, mangat ihkam nutut okon ulun-ulun ijo kolourih, hawui ulun-ulun bohkon ijo bogawi sama tutang mohalu homboh iro.

2 KORINTUS 10:15

Ihkai eam ka'a monara arop, ngosan gawin ulun bohkon, ijo anai ang ruar tihkas ijo tonuhkas Pohotala ahkan ihkai. Sobalikoh ihkai tohtap ang luwang tihkas-tihkas, ijo tonuhkas Pohotala ahkan ihkai, tutang boharap ijo ihkam mahi-mahi porocaya umba Kristus, mangat ihkai dahpot nguan gawi ijo labih hajo ang louk ihkam.

2 KORINTUS 11:23

Pohalu-pohalu Kristuskah iro? Naingoh kolou ahku ius nihou ahkal, tahpi ahku puna pohalu ijo puna labih morong tahkan iro paringoh! Ahku bogawi labih karas, ahku labih bojoin ponosolong ang luwang sipir, ahku labih aro tonyiksa tutang bojoin nyiring mahtoi.

2 KORINTUS 4:1

Ihkai nguan gawi tuh, tului kosayang ahtoi Pohotala. Orih kotuluioh ihkai eam puhtus asa.

2 KORINTUS 4:16

Orihrih kotuluioh, ihkai eam puhtus asa. Sinoka ihkai socara kolunon tuh mahi-mahi ndahang korusakoh, tahpi cara homboruan, ihkai tonapa bohua nyinong ondou.

2 KORINTUS 5:9

Kotului orih ihkai bousaha tu'u-tu'u ahkan nyanang ahtoi-Oh, pios ohkot ihkai magun anai ang luwang lohpou ihkai ang ohtoi, ata'ai ka ang anan.

2 KORINTUS 6:5

ihkai tonyiksa, tonyihpir, tutang tongorubut; ihkai bogawi paham, bojoin eam tiruh, tutang bojoin hino eam anai ukun.

GALATIA 6:2

Hondakoh ihkam saling hokodohop ngohtun puat ulun bohkon ka'a mangat umba kolourih ihkam moneet poretah Kristus.

GALATIA 6:9

Kotului rih, ara ihto monjadi peda nguan hal-hal ijo pios; bain amat ihto eam tondo nguan hal-hal rih, sino jaha ihto ahkan ngohtom buaoh.

PILIPI 4:3

Ahkan jolahak'ku ijo tehen, ahku nyawot ka'a mangat Konduang dohop koduo ulunbawi rih. Iro jari nguan gawiu paham umba ahku ahkan mborihta Kabar Hinut tahkan Pohotala, sama kolou Klemen tutang paring iro bohkon ijo bogawi hombo-homboh ahku. Aran-aran iro anai tonyurat luwang Buhku Ulun Bolum.

KOLOSE 1:11

Keleh umba kowasa tahkan Pohotala ijo pokohajoi, ihkam tonomba'as, nyiring ihkam duon tahan ngarot kokaro ang'co honong sabar tutang sanang ahtoi,

1 TESALONIKA 2:9

Tontu ihkam magun ingat, koloukuwoh kokarasoh ihkai bousaha tutang hokolawan. Hondou ngolomi ihkai bogawi, mangat ihkai eam nyusah ihcobehti ka tahkan ihkam, 'co-ohkot ihkai mborihta Kabar Hinut ijo tahkan Pohotala rih ahkan'kam.

1 TESALONIKA 5:12

Konduang-konduang, ihkai nyawot hawui paham, mangat ihkam morega ulun-ulun ijo bogawi ang tohun-tohun ihkam, iorih iro ijo jari tomitih bain Tuhan ahkan niting tutang ningak ihkam.

2 TESALONIKA 3:13

Tahpi ihkam ara peda nguan kopios.

2 TESALONIKA 3:5

Keleh Tuhan niting ihkam ahkan labih horahti ijo Pohotala ngasi ihkam tutang ijo Kristus nonga kotabah ahkan'kam.

2 TESALONIKA 3:8

Ihkai eam kuman ukun ulun tutang honong eam molioh. Sobalikoh, hondou ngolomi ihkai bogawi hapa longon 'kai, mangat ihkai eam nyusah iai ka ka'a tahkan louk ihkam.

1 TIMOTEUS 4:10

Orihrih kotuluioh, ihto kolahi tutang bogawi paham, kotului ihto moharap sotuwioh umba Pohotala ijo bolum; Iorih Ponyolamat paring ulun, kopahtukoh sosino ulun-ulun ijo porocaya.

1 TIMOTEUS 5:17

Okon ukup ijo molalus gawiuoh honong pios, pahtut nonga porega duo kalilipet; pahtuk sasino, iro ijo rajin kotbah tutang majar.

IBRANI 10:36

Ihkam harus sabar, mangat ihkam duon nguan kohondak Pohotala, tutang honong kolourih norima inon jo tonobowot-Oh.

IBRANI 12:1

Nah, tohou ihto bongon, ang kodiling ihto anai aro sino saksi! Tului orih, olai ihto dian paring ijo ngombahat ihto, tutang dusa ijo turus lehket aang ihto. Tutang olai ihto honong bokehtep nyuru kosolanja ijo anai ang toharep ihto.

IBRANI 13:13

Tului rih, olai ihto tulak nokuh Io ijo ang luar puloukemah tutang umba tonohina homboh Io.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

IBRANI 6:12

Ihkai eam kani, ihkam monjadi nohkas. Tahpi ihkai jolik, mangat ihkam bolum kolou ulun-ulun, ijo norima inon ijo nobowot Pohotala, tului porocaya umba Io, tutang tului ngindoi honong kosabar.

IBRANI 6:15

Abraham ngindoi honong sabar, mahka io norima inon ijo jari tonobowot ahkaioh.

2 PETRUS 1:6

tutang ang bambai pongotaan, ihkam harus ka'a dahpot mongowasa arop. Tutang bohkonumba dahpot mongowasa arop, hondakrih ihkam ka'a momupuk arop, ahkan tabah noharep kokaron aang'co. Ang bambai tabah noharep kokaron aang'co, ihkam harus ka'a bolum numbun konohuang Pohotala.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.