PONGORINAH 2:13 - BOWOT BOHUA

¹³ Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 2:13 ပူးပေါင်းရင်းမြစ်များ

MATEUS 10:23

Amat ihkam tonoporos ang ihco lowu, tulak nokuh lowu ijo pongo. Ahku mborihta ahkan'kam: Sounumba ihkam ngopah masap paring lowu-lowu Israel, Anak Ulun jari lombut.

MATEUS 24:9

Pongohuli ihkam ahkan tonawan, tutang tonyarah ahkan tonyiksa, tutang tomunu. Hopus kolunon ahkan bosingi ihkam, tului ihkam murid-Ku.

MATEUS 4:10

Yesus mutah, “Hahtun ihko, o ponihkos! Ang luwang Surat Borasih tonyurat: Nyembah Tuhan Pohotalan'kam, tutang nonga horomat ahkai-Oh ih!”

LUKAS 21:17

Ihkam ahkan tonyingi bain paring ulun, tului ihkam konohawot murid-Ku.

KESAH RASUL-RASUL 22:20

Kodorih ka'a kotihka saksi Tuhan, Stepanus rih iro mopahtoi, ahku bongok anai ang anan tutang jorih gawi munu rih. Malah ahku ijo ngindoi hahtin ulun-ulun ijo munu Stepanus.’

KESAH RASUL-RASUL 9:14

Tutang huntuh io jari lombut 'kan ohtoi, duon ijin tahkan imam-imam kopala, ahkan nawan paring ulun ijo porocaya umba Tuhan.’’

1 TESALONIKA 5:21

Kokaro ang'co harus tonguji, tutang ijo pios harus tonumbun.

1 TIMOTEUS 5:8

Tahpi amat anai ulun ijo eam mohaga aring-konduangoh, labi-labih jolahaioh bongoi, ulun rih ngulim koporocayaoh; io labih ja'at tahkan ulun ijo eam porocaya.

2 TIMOTEUS 1:13

Nutut iou umba tu'u-tu'u ajaran morong ijo jari ahku nonga ahkan'mu. Tutang pios ihko tahtap nambit koporocaya tutang kasih ijo monjadi ain ihto tului hihco umba Kristus Yesus.

2 TIMOTEUS 2:12

Amat ihto tohtap tabah, ihto ahkan moretah ka'a homboh Io. Amat ihto ngulim Io, Io ka ahkan ngulim ihto.

IBRANI 10:23

Kohondakrih ihto nambit segah aang koharap ijo ihto ngahkuoh, kobain Pohotala dahpot tomorocaya tutang Io ahkan ngonyolung bowot-Oh.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

YAKOBUS 2:7

Iro rih, ijo mohina aran ijo tonohoromat, ijo ihkam torima tahkan Pohotala!

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 11:3

Ahku ahkan nyuhu duo behti saksiaik-Ku ijo hapa pokahjan bidak, tutang iro ahkan mborihta Kabar Hinut tahkan Pohotala, kotahin, sokuhjan duo rahtus onom pulu ondou.’’

PONGORINAH 12:11

Konduang-konduang, ihto jari mongalah io umba dahan Anak Tobiri rih, tutang honong borihta morong tahkan Pohotala ijo iro mborihtaoh. Iro rela monyorah hasongoh nyiring mahtoi.

PONGORINAH 13:2

Ohcin ijo ahku nohto rih tapaioh kolou mahcan tutul tutang pa'ai kolou pa'an bohuang tutang somoyongoh kolou somoyong singa. Turus ohcin rih nonga bain naga rih koba'asoh bongoi, tutang pododusaioh tutang karokowasa-Oh ijo hajo.

PONGORINAH 14:12

A'ang hal tuh ukup Pohotala, ijo bokehtep umba poretah-poretah Pohotala, tutang tehen umba Yesus, porulu monjadi tabah.

PONGORINAH 17:14

Iro ahkan hokolahi molawan Anak Tobiri rih. Tahpi, Anak Tobiri rih umba murid-murid-Oh ijo bokehtep, ijo jari tona'ah-Oh tutang jari tonopili-Oh rih ahkan mongalah lahca-lahca rih, kotului Io Tuhan kokaro Tuan, tutang Lahca kokaro lahca.’’

PONGORINAH 17:6

Turus ahku nohto, ijo ulunbawi rih busou umba daha ukup ain Pohotala, tutang dahan ulun-ulun ijo tomunu tului bokehtep umba Yesus. Kotihka ahku nohto ulunbawi rih, ahku monjadi tohelan-helan.

PONGORINAH 2:2

Ahku ta'an inon ijo ihkam nguai: Ihkam bogawi paham tutang ihkam tabah samasino. Ahku ta'an ijo ihkam eam nonga ahtoi ahkan ulun ja'at. Tutang ulun-ulun ijo ngahku aropoh rasul, padahal eam, jari ihkam nguji, tutang ihkam nyombang ijo iro bobalik.

PONGORINAH 3:11

Ahku bojoin lombut! Jagarih pio-pios inon ijo ihkam anaitepuioh, mangat eam ihcobehti ka mosopit hadiah komanang'kam.

PONGORINAH 3:3

Jadi, ingat rih hoduli ahkan inon ijo jari tongajar ahkan'kam lomoi, tutang inon ijo jari ihkam ngonih. Molalusohrih rih, tutang hubah iou tahkan dusa-dusan'kam. Amat ihkam eam kuat, Ahku ahkan lombut nokuh'kam kolou ponahkou; tutang ihkam eam ahkan kota'an, mira ohkotoh Ahku lombut.