PONGORINAH 2:10 - BOWOT BOHUA

¹⁰ Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 2:10 ပူးပေါင်းရင်းမြစ်များ

MATEUS 10:22

Ihkam ahkan tongohiri bain paring ulun, tului ihkam murid-Ku. Tahpi ulun ijo tehen nyiring laiuoh ahkan tonyolamat.

MATEUS 10:28

Ara mihkoh umba iro ijo duon munu behti, tahpi eam kowasa munu mboruan. Tahpi mihkoh umba Pohotala ijo kowasa morusak, pios behti kanika mboruan ang luwang norahka.

MATEUS 24:13

Tahpi ulun ijo tehen johcok laiuoh, ahkan tonyolamat.

MARKUS 13:13

Ihkam ahkan ngohiri bain paring ulun, tului ihkam murid-Ku. Tahpi ulun ijo botahan nyiring ko-opah ahkan tonyolamat.’’

MARKUS 8:35

Tului ulun ijo kani ngondehen pombolumoh, ahkan nihou pombolumoh. Tahpi ulun ijo nyarah pombolumoh ahkak-Ku tutang ahkan Kabar Hinut tahkan Pohotala, ahkan monyolamat pombolumoh.

LUKAS 21:12

Tahpi soun paringoh orih nyolung, ihkam ahkan tonawan tutang tonoporos. Ihkam ahkan ponosara ang lohpou-lohpou sombayang tutang ponosolong nokuh luwang sipir. Tutang ihkam ahkan tonyeret nokuh toharep lahca-lahca, tutang pongowasa-pongowasa, kotului ihkam rih murid-Ku.

YOHANES 12:25

Ulun ijo mongasih pombolumoh ahkan nihou pombolumoh. Tahpi ulun ijo mohonouoh pombolumoh luwang kolunon tuh, ahkan mohagaoh bagi pombolum sojahti tutang kototahiu.

YOHANES 13:2

Yesus tutang murid-muridoh rahat kuman ngolomi. Sehtan jari nyolong nonga tiruk ang luwang ahtoi Yudas anak Simon Iskariot ahkan ngarana Yesus.

YOHANES 13:27

Tona'a uliumba Yudas norima luhte rih, sehtan nyolong nokuh luwang ahtoioh. Turus Yesus nuhtui umba io, ‘‘Nguaiohrih jeleng iou inon ijo kani ihko nguaioh.’’

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

1 KORINTUS 9:25

Nyinong ulun ijo rahat a'ang bolatih, nahan arop a'ang kokaron hal-hal. Io nguan hal orih tului io jolik tonyaling umba modali hadiah rih, iorih modali ijo bojoin rusaknihou. Tahpi ihto tuh nahan arop aang kokaron hal, kotului ihto jorik tonyaling umba modali ijo eam duon rusaknihou.

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

EPESUS 6:12

Tului ihto hokolahi eamoh molawan kolunon, molekan molawan koba'as kokaro sehtan-sehtan ijo ngowasa jaman ijo ja'at tuh. Ihto molawan koba'as roh-roh ja'at ijo bokowasa ang pinda langit.

YAKOBUS 1:12

Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

1 PETRUS 5:4

Tutang ang ohkot Sokahtik Hajo rih lombut noin, ihkam ahkan norima mahkota ijo gomilang, ijo eam ahkan kawus kogomilangoh.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 13:2

Ohcin ijo ahku nohto rih tapaioh kolou mahcan tutul tutang pa'ai kolou pa'an bohuang tutang somoyongoh kolou somoyong singa. Turus ohcin rih nonga bain naga rih koba'asoh bongoi, tutang pododusaioh tutang karokowasa-Oh ijo hajo.

PONGORINAH 13:7

Io tihkastou ka'a molawan ukup Pohotala hawui ngalah iro. Tutang kokowasa ngosan paring lihting nogara, basa, tutang uhtus tononga ahkaioh.

PONGORINAH 17:14

Iro ahkan hokolahi molawan Anak Tobiri rih. Tahpi, Anak Tobiri rih umba murid-murid-Oh ijo bokehtep, ijo jari tona'ah-Oh tutang jari tonopili-Oh rih ahkan mongalah lahca-lahca rih, kotului Io Tuhan kokaro Tuan, tutang Lahca kokaro lahca.’’

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 2:9

Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.