PONGORINAH 19:5 - BOWOT BOHUA

⁵ Turus konahan, tahkan pododusan rih naing auh ijo nuhtui, ‘‘Tara Pohotala, o paring jihpon Pohotala, tutang paring ulun – hajo, koik – ijo nyembah Pohotala!’’

PONGORINAH 19:5 ပူးပေါင်းရင်းမြစ်များ

PONGORINAH 13:16

Paring ulun hajo, tutang koik, tahtou tutang porosbolum, jihpon tutang ulunmorodehka, hojojuan nyembah kopahtung bain ohcin rih, ahkan norima tanda aang longon kotaun iro ata'ai ang likou iro.

PONGORINAH 16:17

Opahrih molehkat ijo kopihtu monusuh suang kondarahoh nokuh udara. Mahka konahan auh ijo muhing tahkan pododusan ang Lohpou Pohotala, ijo nuhtui, ‘‘Jari genep!’’

PONGORINAH 19:18

Olai kuman usin lahca-lahca, usin pokolima-pokolima, tutang usin pohlawan-pohlawan; olai kuman usin-usin dolang ponunggang kudaoh, hawui usin karon-kudaoh, tutang usin ukup-ukup kolunon, hajo tutang koik, jihpon tutang morodehka!’’

PONGORINAH 20:12

Tutang ahku nohto ulun-ulun mahtoi, hajo, koik, tombok toharep pododusan rih. Mahka surat-surat ka tonomirang. Turus ihco kobalun surat ijo bohkon tonomirang, yorih Surat Ulun Bolum. Pongohuli hukum tongonyahtu nokuh ngosan ulun-ulun mahtoi, hotohorong umba dolang gawin iro, numbun ijo tosurat luwang surat-surat rih.

PONGORINAH 7:15

Orih kotuluioh iro tombok ang toharep pododusan Pohotala, tutang sombayang ahkai-Oh hondou ngolomi ang luwang Lohpou Pohotala. Tutang Io ijo tuot ang ngosan pododusan rih, ahkan lombut umba iro, ahkan ngolindung iro.