PONGORINAH 18:10 - BOWOT BOHUA

¹⁰ Iro ahkan tombok tahkan mahcu, tului iro mihkoh tokona karotporosoh. Iro nuhtui, ‘‘Akai, eam inon colahkaoh lowu ijo bosewut rih – lowu Babel ijo ba'as! A'ang ihco jam iou hukum'mu jari nyolung!’’

PONGORINAH 18:10 ပူးပေါင်းရင်းမြစ်များ

PONGORINAH 11:8

Tutang otun iro, ahkan borolatung ang jalan rami lowu hajo, ang amoh Tuhan iro tomahpak. Aran tindung lowu rih Sodom ata'ai Misir.

PONGORINAH 14:8

Molehkat koduo ngohasu molehkat ijo pahtuk sambil na'ah, ‘‘Jari ngonyahtu! Lowu Babel ijo hajo jari ngonyahtu! Io jari nguan karo uhtus monjadi busou umba danum anggur – yorih tahkan bolai kihaloh!’’

PONGORINAH 16:19

Lowu ijo hajo rih pusit monjadi tolu kobagi, tutang lonyuh rih ka'a lowu-lowu paring nogara ang kolunon. Turus Pohotala mingat ahkan Babel ijo hajo rih. Mahka Pohotala nguan io ngorih anggur tahkan kondarah anggur Pohotala – iorih anggur kosangit-Oh ijo nyambun-nyambun.

PONGORINAH 17:12

Sopulu tanduk ijo ihko nohtooh rih, iorih sopulu lahca ijo jaha nopara moretah. Tahpi iro ahkan tononga kowasa ahkan moretah kolou lahca hombo-homboh umba ohcin rih kotahin ihco jam.

PONGORINAH 18:18

Tutang bokociak, ang ohkot iro nohto asep nyolobuwuk, tahkan baho ijo mahpong lowu rih. Iro na'ah, ‘‘Eam pu'u anai lowu bohkon kolou lowu ijo hajo tuh!’’

PONGORINAH 18:19

Mahka iro noburan awu ang kuhung iro, kolou tanda iro porosahtoi, turus nangih tutang bokocia-ciak, ‘‘Akai, eam inon colahkaoh lowu ijo hajo rih! Ponahtouoh jari napa paring ulun ijo anaingina kapal-kapal ang tasik monjadi tahtou! Tahpi a'ang ihco jam iou io jari dilap paringoh!’’

PONGORINAH 18:21

Uliorih rih, ihcobehti molehkat ijo mamut ngahtang ihcokobuhtup bahtu – kohajon bahtu gilingan ijo hajo – turus nyakahoh nokuh luwang tasik hawui hioioh, ‘‘Koloutuh caraoh lowu Babel ijo bosewut rih ahkan tonyahkah hawui paham nyiring ahkan eam duon tonyombang hino.

PONGORINAH 18:8

Kotului hal orihrih, mahka aang ihco ondou iou io ahkan tonopahas kosusah, – ponyahkit, kosedihan, tutang bolo'u. Tutang io ahkan tomahpong umba baho, kotului bokowasarih Tuhan Pohotala ijo mosaraoh rih.’’