PONGORINAH 16:6 - BOWOT BOHUA

⁶ Iro jari nusuh dahan ukup Pohotala, tutang dahan nabi-nabi, huntuh Ihko nguan iro ngorih daha. Puna kopahtutrih rih ahkan iro!’’

PONGORINAH 16:6 ပူးပေါင်းရင်းမြစ်များ

MATEUS 7:2

Kotului koloukuwoh ihkam mosara ulun bohkon, kodorih ka'a Pohotala ahkan mosara ihkam. Tutang tihpong ijo ihkam hapa bagi ulun bohkon, ahkan tonohapan ka'a bain Pohotala bagi ihkam.

LUKAS 12:48

Tahpi pohalu ijo eam ngota'an konohuang tuanoh, pongohino nguan angihco ijo sala nyiring harus tonopahcat, honong mohian ih. Tului ulun ijo tononga aro ahkan tonyawot aro ka'a. Tutang ulun ijo jari morocaya aro, tahkan io tonyawot aro hino.’’

IBRANI 10:29

Eaminon labih bahat hukuman ijo harus tongonyahtu ngosan ulun ijo nihcak-ngihik Anak Pohotala. Ulun rih ngohu hina daha bowot Pohotala, jorih popahtoi Kristus ijo ngomuhi-Oh tahkan dusa. Io mohina Roh nonga pononganasi.

PONGORINAH 11:18

Ulun-ulun ijo eam kosono Tuhan, ngamuk kotului jari ohkotoh Ihko nusuh kosangit-Mu, tutang jari hino ohkotoh Ihko mosara ulun-ulun mahtoi. Tuh rih wayahoh ahkan nonga upah ahkan jihpon-jihpon-Mu nabi-nabi, tutang ahkan paring ukup-Mu, yorih paring ulun ijo sombayang ahkan-Mu hajo oluka koik. Tuh rih ohkotoh ahkan molonyuh ulun-ulun ijo molonyuh tana!’’

PONGORINAH 13:10

‘‘Ulun ijo harus tonawan, musti ahkan tonawan. Tutang ulun ijo harus tomunu umba padang, musti ahkan tomunu umba padang. Orih rih kotuluioh ukup Pohotala pahtut tabah tutang bokehtep.’’

PONGORINAH 13:15

Ohcin ijo koduo rih, tongoduonoh nonga hasong ahkan kopahtung rih, nyiring kopahtung rih dahpot bopander, tutang munu paring ulun ijo eam kani nyembahoh.

PONGORINAH 18:20

Oh soruga, jori-jorih iou ihko ngosan kolonyuh lowu hajo rih! Oh ukup Pohotala, rasul-rasul tutang nabi-nabi jori-jorih iou! Kotului Pohotala jari mohukum io, kolou pombalos ngosan inon ijo tononguaioh toharep ihkam!

PONGORINAH 18:24

Babel tonohukum, bain ang luwang lowu rih jari tosombang daha nabi-nabi, dahan ukup ain Pohotala – pandakoh dahan paring ulun ijo jari tomunu ang ngosan tana.

PONGORINAH 19:2

Pomosara-Oh adil tutang bijaksana! Io jari ngonyahtu hukum-Oh ngosan sundal ijo hajo ijo morusak kolunon umba kosundaloh. Pohotala jari mohukum sundal rih, tului io munu jihpon-jihpon Pohotala.’’