PONGORINAH 16:1 - BOWOT BOHUA

¹ Turus ahku ngonih auh hajo tahkan luwang Lohpou Pohotala, nuhtui umba kopihtu molehkat rih. ‘‘Tulak tutang nusuh usin kopihtu kondarah kosangit Pohotala rih nokuh ngosan tana!’’

PONGORINAH 16:1 ပူးပေါင်းရင်းမြစ်များ

PONGORINAH 11:19

Mahka tokuaprih Lohpou Pohotala ang soruga, tutang gihtanrih Pohti Bowot ang luwangoh. Turus nyolung kilat tutung-hotutung, tutang auh duhung guhu-guhup tutang ngorutung, hawui tana hogerek tutang uhjan es ihco labat.

PONGORINAH 14:15

Pongohuli ihcobehti molehkat bohkon soluka tahkan Lohpou Tuhan. Umba auh ijo muhing, io na'ah umba Io ijo tuot ang ngosan bounondou rih, ‘‘Ngohtomohrih umba getu-Mu rih, tutang ngohtomrih huntuh, tului jari ohkotoh ahkan panen: Kolunon jari masak ahkan tongohtom!’’

PONGORINAH 14:18

Uliorih rih, ihcobehti molehkat bohkon, ijo bokowasa ngosan baho, lombut tahkan mesbeh. Umba auh ijo muhing io na'ah, umba molehkat ijo nambit getu ijo bonyihi rih, ‘‘Ngohetepohrih umba getu'mu rih, tutang ngohetep bua-bua pu'un anggur ang tana, tului bua-buaoh jari masak!’’

PONGORINAH 15:1

Pongohuli ahku nohto ang langit aang'co ijo helan, tutang luar biasa hebatoh. Anai pihtu molehkat hawui pihtu kosusah ijo laiuoh. Tuhrih koapah tikatoh Pohotala nusuh kosangit-Oh.

PONGORINAH 16:17

Opahrih molehkat ijo kopihtu monusuh suang kondarahoh nokuh udara. Mahka konahan auh ijo muhing tahkan pododusan ang Lohpou Pohotala, ijo nuhtui, ‘‘Jari genep!’’