PONGORINAH 15:2 - BOWOT BOHUA

² Uliorih ahku nohto ang'co, ijo topahjahoh kolou tasik soramin sampur baho. Ahku nohto ka'a ulun-ulun ijo jari manang ngosan ohcin tutang kopahtungoh, tutang manang ngosan-ulun ijo araioh tononanda honong angka. Ulun-ulun ijo manang rih, tombok ang saran tasik soramin honong nambit kocahpi ijo tononga bain Pohotala ahkan iro.

PONGORINAH 15:2 ပူးပေါင်းရင်းမြစ်များ

MATEUS 3:11

Ahku mopondus ihkam umba danum, ahkan ngorinah ijo ihkam jari hubah, tahkan dusa-dusan'kam; tahpi ijo ahkan lombut uli ahku, ahkan mopondus ihkam umba Roh Pohotala, tutang baho. Io ijo hajo umba ahku. Ahkan nguwat talin sopahtu-Oh ka ahku eam gunai.

1 PETRUS 1:7

Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

1 PETRUS 4:12

Konduang-konduang ijo ponokasih! Ihkam uhuntuh paham ngarot kotului rahat tonguji. Tahpi ararih komo helan, koloujahka anai aangihco ijo luar biasa nyolung ahkan'mu.

PONGORINAH 12:11

Konduang-konduang, ihto jari mongalah io umba dahan Anak Tobiri rih, tutang honong borihta morong tahkan Pohotala ijo iro mborihtaoh. Iro rela monyorah hasongoh nyiring mahtoi.

PONGORINAH 13:1

Pongohuli ahku nohto ihcokungan ohcin lombut tahkan luwang tasik. Io anaingina sopulu tanduk tutang pihtu kuhung. Aang nyinong tandukoh anai ihcokobawak ahkur, tutang ang nyinong kuhungoh tonyurat aran mopohina toharep Pohotala.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 13:17

Eam ihcobehti ka dahpot moli ata'ai borahkang angihco, amat io eam anaingina tanda rih, iorih aran ohcin rih bongoi, ata'ai angka ijo pokarah aran rih.

PONGORINAH 21:18

Dinding lowu rih, tonapa tahkan bahtu baiduri pandan, rahatbahtang lowuoh bongoi tahkan bulou borasih, kotining kolou soramin.

PONGORINAH 4:6

Todahpot ka'a ang boun pododusan rih ang'co, kolou tasik soramin kotining kolou kristal. Ang kodiling pododusan, ang nyinong saraioh, anai ohpat angbolum, ijo hila ang baun tutang hila lihkutoh tuwi umba mahta.

PONGORINAH 5:8

Pondehan Anak Tobiri rih nguan kolourih, sembah-sukuh koohpat angbolum tutang koduo pulu ohpat ohkon rih ang husukoh. Iro nyino-nyinong nambit kocahpi tutang pihkan bulou ijo bosuang manyan, yorih do'a-do'a ukup Pohotala.