PONGORINAH 13:10 - BOWOT BOHUA

¹⁰ ‘‘Ulun ijo harus tonawan, musti ahkan tonawan. Tutang ulun ijo harus tomunu umba padang, musti ahkan tomunu umba padang. Orih rih kotuluioh ukup Pohotala pahtut tabah tutang bokehtep.’’

PONGORINAH 13:10 ပူးပေါင်းရင်းမြစ်များ

MATEUS 26:52

Yesus nuhtui umba murid-Oh orih, “Ngupang huli podang'mu nokuh luwang salungoh, tului paring ulun ijo mongguna podangoh ahkan mahtoi bain podang ka'a.

MATEUS 7:2

Kotului koloukuwoh ihkam mosara ulun bohkon, kodorih ka'a Pohotala ahkan mosara ihkam. Tutang tihpong ijo ihkam hapa bagi ulun bohkon, ahkan tonohapan ka'a bain Pohotala bagi ihkam.

LUKAS 21:19

Amat ihkam tahan tutang sabar, ihkam ahkan solamat.’’

KOLOSE 1:11

Keleh umba kowasa tahkan Pohotala ijo pokohajoi, ihkam tonomba'as, nyiring ihkam duon tahan ngarot kokaro ang'co honong sabar tutang sanang ahtoi,

IBRANI 6:12

Ihkai eam kani, ihkam monjadi nohkas. Tahpi ihkai jolik, mangat ihkam bolum kolou ulun-ulun, ijo norima inon ijo nobowot Pohotala, tului porocaya umba Io, tutang tului ngindoi honong kosabar.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 11:18

Ulun-ulun ijo eam kosono Tuhan, ngamuk kotului jari ohkotoh Ihko nusuh kosangit-Mu, tutang jari hino ohkotoh Ihko mosara ulun-ulun mahtoi. Tuh rih wayahoh ahkan nonga upah ahkan jihpon-jihpon-Mu nabi-nabi, tutang ahkan paring ukup-Mu, yorih paring ulun ijo sombayang ahkan-Mu hajo oluka koik. Tuh rih ohkotoh ahkan molonyuh ulun-ulun ijo molonyuh tana!’’

PONGORINAH 14:12

A'ang hal tuh ukup Pohotala, ijo bokehtep umba poretah-poretah Pohotala, tutang tehen umba Yesus, porulu monjadi tabah.

PONGORINAH 16:6

Iro jari nusuh dahan ukup Pohotala, tutang dahan nabi-nabi, huntuh Ihko nguan iro ngorih daha. Puna kopahtutrih rih ahkan iro!’’

PONGORINAH 17:11

Tutang ohcin ijo lomoi pu'u bolum, tahpi huntuh eam bolum hino, anairih lahca ijo kojalu. Io anairih tahkan ihco kopihtu lahca rih ka'a, ijo huntuh rahat tulak nitu korusak.

PONGORINAH 17:8

Ohcin rih lomoi pu'u bolum, tahpi huntuh eam bolum hino. Io honjulu hino ahkan soluka tahkan lowang popahtoi tutang ahkan tulak nitu korusak. Ulun-ulun ijo bolum ang tana ijo araioh eam tonolihting luwang Surat Ulun Bolum hountahkan kolunon tona'oi ahkan helan amat nohto ohcin rih. Tului ohcin rih, lomoi pu'u bolum. Huntuh io eam bolum hino, tahpi io ahkan lombut hoduli.

PONGORINAH 2:19

Ahku ta'an paring ijo ihkam nguaioh – Ahku ta'an ihkam ngasi sosama'mu, ihkam dehen, ihkam bogawi, tutang ihkam tahan ngarot. Ahku ta'an ihkam huntuh bogawi labih aro tahkan houn.

PONGORINAH 2:2

Ahku ta'an inon ijo ihkam nguai: Ihkam bogawi paham tutang ihkam tabah samasino. Ahku ta'an ijo ihkam eam nonga ahtoi ahkan ulun ja'at. Tutang ulun-ulun ijo ngahku aropoh rasul, padahal eam, jari ihkam nguji, tutang ihkam nyombang ijo iro bobalik.

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.

PONGORINAH 3:3

Jadi, ingat rih hoduli ahkan inon ijo jari tongajar ahkan'kam lomoi, tutang inon ijo jari ihkam ngonih. Molalusohrih rih, tutang hubah iou tahkan dusa-dusan'kam. Amat ihkam eam kuat, Ahku ahkan lombut nokuh'kam kolou ponahkou; tutang ihkam eam ahkan kota'an, mira ohkotoh Ahku lombut.