PONGORINAH 12:9 - BOWOT BOHUA

⁹ Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 12:9 ပူးပေါင်းရင်းမြစ်များ

MATEUS 13:39

Musuh ijo morawuh luang tingon, orih rih Sehtan. Ohkot kohtom io rih Ondou Kiamat, tutang ulun-ulun ijo ngohtom orihrih molehkat-molehkat.

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

MATEUS 25:41

Turus Lahca rih ahkan nuhtui umba ulun-ulun ang hila komuloi-Oh, ‘Hahtun tahkan ohtoi, jahanam! Nyolong nokuh luwang baho ijo eam tou bolop, ijo jari nyodia ahkan sehtan tutang molehkat-molehkatoh!

MATEUS 4:1

Uliorih Yesus konitot bain Roh Pohotala nokuh padang balambah ahkan tonihkos bain sehtan.

MATEUS 4:10

Yesus mutah, “Hahtun ihko, o ponihkos! Ang luwang Surat Borasih tonyurat: Nyembah Tuhan Pohotalan'kam, tutang nonga horomat ahkai-Oh ih!”

MATEUS 4:5

Uliorih sehtan ngomin Yesus nokuh Yerusalem lowu brasih, tutang ngina Io, ang ngosan bohuwung Lohpou Tuhan.

MATEUS 4:8

Pongohuli sehtan ngomin Yesus hino nokuh puruk ijo isung tu'u tutang nunjuk ahkan-Oh paring kolahca'an ang kolunon tutang paring kotahtouoh.

LUKAS 10:18

Yesus mutah, ‘‘Ahku nohto sehtan nosuluh tahkan langit kolou kilap.

LUKAS 13:16

Nah, ang ohtoi uhuntuh anai ihcobehti bawi lihit Abraham ijo jari jalu balas toun kotohiuoh konongarut bain Sehtan. Inon io eam tou tonguwat tahkan karutoh rih ang ondou Sabat?’’

LUKAS 22:3

Pongohino sehtan nyolong Yudas ijo konohawot Iskariot, iorih 'cobehti tahkan koduo balas murid Yesus.

LUKAS 22:31

‘‘Simon, Simon, ngonih! Sehtan duon ijin ahkan nikos ihko; kolou gandum ngobohkon umba apihoh, nyiring ijo pios ngobohkon umba ijo ja'at.

LUKAS 8:12

Bonyi ijo nuhkan aang jalan nindung ulun-ulun ijo ngonih auh orih. Tahpi Sehtan lombut tutang nahkou auh orih tahkan ahtoi iro, ahkan iro ara porocaya tutang tonyolamat.

YOHANES 12:31

Uhuntuh jari ohkotoh kolunon tomosara; uhuntuh pongowasa kolunon tuh tomolinangoh.

YOHANES 14:30

Ahku eam ahkan bopander labih aro hino umba ihkam, tului jari ohkotoh okon kolunon tuh lombut. Tahpi io eam bokowasa ngosan arop-Ku.

YOHANES 16:11

tutang ijo Pohotala jari nopara mohukum, kotului okon kolunon tuh jari tonohukum.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

KESAH RASUL-RASUL 5:3

Mahka Petrus nuhtui umba io, ‘‘Ananias, ombai ihko mohanouoh sehtan ngowasaoh ahtoi'mu nyiring ihko ngobalik ahkan Roh Pohotala, honong tonih-tonih monahan ahkan arop'mu bongom ihcokobagi tahkan duit ponjualan tana rih?

RUMA 16:18

Tului ulun-ulun ijo nguan kodorih bohkonoh bogawi ahkan Kristus Tuhan ihto, molekan ahkan momeda kojolikahtoi'ndo bongoi. Honong bujukan tutang tuhtui ijo manih-monyak iro nihpu ulun-ulun ijo eam ngota'an ino-inon.

RUMA 16:20

Pohotala ijo nonga kosanangkomangat ahkan ulun, ahkan jeleng ngina Sehtan pinda kowasai'mu tutang moluhtekoh. Keleh Konduang-konduang toturus tomorehkat bain Yesus Kristus Tuhan ihto!

2 KORINTUS 11:14

Eam helan iro nguan kodorih, tului Sehtan bongoi ka nyoruwa kolou molehkat koloang!

2 KORINTUS 11:3

Tahpi ahku mihkoh tiruk'kam ahkan togoda, mangat eam tehen hino umba Kristus, sama kolou Hawa lomoi ka'a tonihkos bain alik lohi.

2 KORINTUS 12:7

Tahpi mangat ahku a'ai dalou bojuhu, tului topahjah-topahjah ijo luar biasa rih, ahku tononga kolou ihco ponyahkit aang behtik'ku ijo kolou pokahkas Sehtan. Ponyahkit rih tononga ahkan mahcat ahku mangat ahku eam monjadi bojuhu.

2 KORINTUS 2:11

Ahku nguan orih mangat Sehtan ara ngomin kosapetoh ahkan ngowasa ihto; tului ihto kota'an, rancana-rancanaoh.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

EPESUS 4:14

Mahka ihto eam monjadi anak-inyam hino ijo kuhtang-kitui tutang hanyu-hanyut konomin ko-anan-ko-ohtoi bain rohusan mahca-mahcam ajar tahkan ulun-ulun ijo lihcik. Iro nyosat ulun umba tihpu muslihat iro.

2 TESALONIKA 2:3

Koloukuwoh ka ka'a, ara mohonou ulun monihpu ihkam. Kotului sounumba palombut Ondou Tuhan rih, harusrih nyolung hal tuh labih houn: Aro ulun ahkan murtad, ngobele Kristus, tutang kolunon Ja'at ijo tonakdir ahkan nyolong nokuh norahka, ahkan mopokarah aropoh.

1 TIMOTEUS 2:14

Tutang eamoh Adam, molekan ulunbawi ijo totihpu, nyiring molanggar poretah Pohotala.

2 TIMOTEUS 3:13

rahatoh ulun-ulun ijo ja'at tutang ulun-ulun ponihpu ahkan mahi-mahi ja'at. Iro nihpu ulun bohkon, padahar iro bongoi ka totihpu ka'a.

IBRANI 2:14

Bain kotului ulun-ulun ijo Io ngohawot, anak, rih, anairih mahluk kolunon ijo dahpot mahtoi, mahka Yesus bongoi monjadi sama, umba iro, tutang bolum a'ang koada'an ulun. Io nguan kolorih, mangat umba popahtoi-Oh, Io dahpot moluhtek Sehtan ijo mongowasa popahtoi.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.

YUDAS 1:9

Mikhael bongoi, ijo mongopala dolang molehkat, eam pu'u nguan kolourih. Ang ohkot io hokolawan umba Sehtan a'ang hotokian tohou iai ijo ahkan ngondahpot otun Museh, Mikhael eam bohanyi mosara Sehtan umba auh-auh mohina. Mikhael tihkas nuhtui, ‘‘Tuhan ahkan ngorahang ihko!’’

PONGORINAH 12:12

Kotului rih, hondakoh soruga tutang paring ijo mohcon ang luwangoh bojori-jorih! Tahpi colahka tana tutang tasik, kotului Sehtan jari mosuluh ahkan'kam hawui bosingi ijo paham hajo, tului io ta'an ijo ohkotoh mohcon honjiot hino.’’

PONGORINAH 12:3

Turus gihtan hino ang langit ang'co ijo helan. Anai ihcokungan naga bohandang ijo hajo samasino, ijo anaingina pihtu kuhung, tutang sopulu tanduk. Nyinong kuhungoh hapa ihco ahkur.

PONGORINAH 12:7

Turus ang soruga nyolung kolahi, Mikhael umba molehkat-molehkatoh kolahi molawan naga rih. Tutang naga rih ka'a ijo dohop bain molehkat-molehkatoh, molawan Mikhael.

PONGORINAH 12:8

Tahpi naga rih tonokalahoh. Io tutang molehkat-molehkatoh eam tononga ijin hino mohcon ang soruga.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 16:14

Iro anairih roh-roh ja'at, ijo napa tandahelan-tandahelan. Kototolu roh rih tulak nokuh paring lahca ang sohopus kolunon tutang mupung iro ahkan hokolahi ang Ondou Ijo Hajo, yorih, Ondou tahkan Pohotala Mahakowasa.

PONGORINAH 18:2

Umba auh ijo hajo, io na'ah, ‘‘Jari bolinangoh! Babel hajo jari bolinang! Huntuh io monjadi unuk sehtan-sehtan tutang roh-roh ja'at. Ang luwangoh bolum mahca-mahcam bulung ijo pali tutang ijo kobele ulun.

PONGORINAH 18:23

Ulun eam ahkan nohto hino koloang sumbu ang luwangoh; tutang eam ahkan hino konahan korami pesta pongawin ang anan. Podagang-podagang'mu anairih ulun-ulun ijo paham bosewut ang tana, tutang honong ilmu-ilmu gaib'mu, ihko mobalik kokaro uhtus ang kolunon!’’

PONGORINAH 19:20

Mahka ohcin rih, totawan homboh umba nabi alik ijo jari nguan tandahelan-tandahelan ang toharep ohcin rih. (Umba tandahelan-tandahelan orihrih ohcin rih, mobalik ulun-ulun ijo anai tanda ohcin rih, tutang ulun-ulun ijo nyembah kopahtung ohcin rih.) Turus ohcin rih tutang nabi alik rih ndian bolu-bolum nokuh tohun tasik baho ijo ngonjelak umba sondawa.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 2:24

Tahpi ihkam ijo bohkon-bohkonoh ang Tiatira eam umba ajar ijo ja'at rih, tutang eam balajar ilmu-ilmu Sehtan. Ahku nuhtui, ijo Ahku eam ahkan nambah ahkan'kam puat ijo ngombahat.

PONGORINAH 2:9

Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.

PONGORINAH 20:10

Pongohuli Sehtan ijo mobula iro rih, tonyahkah nokuh luwang tasik baho tutang sondawa. Ang anan unukoh ohcin tutang nabi pobula rih tondian labih houn. Iro ahkan tonyiksa hondou ngolomi ahkan turus-jaham.

PONGORINAH 20:8

tutang io ahkan tulak ngobalik uhtus-uhtus ijo bororawuh ang sohopus kolunon, yorih Gog tutang Magog. Sehtan muhpung iro ahkan kolahi, angihco jumbalah ijo hajo samasino, sokaro baras angsaran tasik.

PONGORINAH 3:9

Ingatrih tuh: Ulun-ulun ijo monjadi ukup Sehtan rih, pobalik-pobalik ijo ngohawot aropoh Yahudi podahal bohkon, ahkan Ahkunguan, nyiring iro lombut suhkuntu'ut ang toharep'mu. Tutang iro ahkan kota'an ijo Ahku ngasi ihkam.

PONGORINAH 9:1

Turus molehkat kolimo mopos sorunaioh, tutang ahku nohto ihco potion ngonyahtu tahkan langit kongosan tana. Potion rih tononga kuhci lowun popahtoi.

PONGORINAH 9:20

Tahpi putan ukup kolunon ijo eam tomunu bain porusak-porusak rih ka, eam hino nohtah gawin longon iro bongoi. Iro eam tondo nyembah roh-roh ja'at tutang dewa-dewa bulou, perak, tombaga, bahtu tutang kahju ijo eam dahpot nohto ata'ai ngonih, ata'ai ka nyalan.