4 Umba ikuhoh io mohaer sepertolu tahkan potion-potion ang langit, tutang nyakahoh nokuh tana. Naga rih tombok hila boun ulunbawi ijo kani nganak rih, honong nohuang nolon anakoh, kolourih io nganak.
Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.
Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.
Turus ang soruga nyolung kolahi, Mikhael umba molehkat-molehkatoh kolahi molawan naga rih. Tutang naga rih ka'a ijo dohop bain molehkat-molehkatoh, molawan Mikhael.
Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.
Ohcin ijo ahku nohto rih tapaioh kolou mahcan tutul tutang pa'ai kolou pa'an bohuang tutang somoyongoh kolou somoyong singa. Turus ohcin rih nonga bain naga rih koba'asoh bongoi, tutang pododusaioh tutang karokowasa-Oh ijo hajo.
Tutang iro momuji naga rih, tului io jari nonga kuwasaioh ahkan ohcin rih. Tutang iro momuji ohcin rih ka'a. Iro nuhtui, ‘‘Eam aro ijo sama umba ohcin tuh! Eam aro ijo dahpot hokolahi molawan io!’’
Turus ahku nohto tolu roh ja'at, ijo tahpaioh kolou bokatak. Nyino-nyinong bokatak rih soluka tahkan nyaman naga, tahkan nyaman ohcin tutang tahkan nyaman nabi polasu.
Ulunbawi ijo ihko nohto orih, iorih lowu hajo, ijo moretah lahca-lahca ang tana.’’
Turus io monawan naga rih, lohi oko – yorih Sehtan ata'ai Roh Ja'at rih – tutang momasungoh ahkan sokujan toun kotahiuoh.
Uliorih molehkat kotolu mopos sorunaioh, mahka ihco kobawak potion ijo hajo, ijo honyala kolou sohowan, nyahtu tahkan langit, turus nopahas sepertolu tahkan sungoi-sungoi tutang kombuhak-kombuhak danum.
(Aran potion rih ‘‘Poit’’.) Mahka sepertolu tahkan danum monjadi poit, tutang mahtoi aro ulun kotului ngorih danum ijo jari monjadi poit rih.
Turus molehkat koohpat mopos sorunaioh. Mahka bokiwak sepertolu tahkan mahtanondou, sepertolu tahkan potion-potion, nyiring dilap sepertolu tahkan koba'as koloang iro. Ka'a sepertolu tahkan hondou eam boloang tutang kolourih ka'a sepertolu tahkan ngolumi.
Molehkat pahtuk mopos sorunaioh, mahka uhjan es tutang baho sampur daha boduruh hawui pahamoh nokuh ngosan tana. Ihco pertolu tana opah bosaha, kolourih ka'a ihco pertolu tahkan pu'un-pu'un kahju, tutang nyinong uru ijo bohijou.
Turus molehkat koduo mopos sorunaioh, mahka angihco ijo paham hajo ijo gihtan kolou puruk ijo honjelak-honjelau tonyahkah koluwang tasik. Sepertolu tasik boubah monjadi daha,
tutang mahtoirih sepertolu karo angbolum ang tasik; kolou rih hino dilap ka'a sepertolu tahkan karon-kapal.
Iro anaingina ikuh, tutang ngina butut kolou kala. Tutang ang luwang ikuh iro orihrih anai koba'as, ahkan nyiksa kolunon kotahin limo bulan.
Koba'as kuda-kuda rih anai ang nyamaioh tutang ka'a ang ikuhoh. Ikuh-ikuhoh, kolou lohi hokuhung. Umba ikuhoh rih, kuda-kuda rih monyiksa kolunon.