PONGORINAH 12:11 - BOWOT BOHUA

¹¹ Konduang-konduang, ihto jari mongalah io umba dahan Anak Tobiri rih, tutang honong borihta morong tahkan Pohotala ijo iro mborihtaoh. Iro rela monyorah hasongoh nyiring mahtoi.

PONGORINAH 12:11 ပူးပေါင်းရင်းမြစ်များ

LUKAS 14:26

‘‘Amat ulun lombut nokuh Ahku, tahpi io labih masi inaioh ata'ai amaioh, oruhoh, anakoh, konduang-konduangoh, malah aropoh bongoi, io eam dahpot monjadi murid-Ku.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

RUMA 16:20

Pohotala ijo nonga kosanangkomangat ahkan ulun, ahkan jeleng ngina Sehtan pinda kowasai'mu tutang moluhtekoh. Keleh Konduang-konduang toturus tomorehkat bain Yesus Kristus Tuhan ihto!

1 KORINTUS 15:57

Tahpi torimakasih ahkan Pohotala: Io nonga ahkan ihto komanang nguha Yesus Kristus Tuhan ihto!

1 YOHANES 4:4

Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.

1 YOHANES 5:5

Iaikah duon ngalahoh kolunon? Tihkas ulun ijo porocaya, ijo Yesus anairih Anak Pohotala.

PONGORINAH 1:2

Mahka Yohanes ka'a momborihta paring ijo tonohtooh rih, tutang tuhrih ponuhtuioh tohou pohtoh tahkan Pohotala, ijo tonotehen bain Yesus Kristus nguha kosaksian-Oh.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 11:7

Uli iro ohpah mborihta borihtan iro, ohcin ijo bolua tahkan lowun popahtoi ahkan molawan iro.

PONGORINAH 12:17

Naga rih monjadi bosingi samasino umba ulunbawi rih, nyiring io tulak nyarang lihit ijo bohkon tahkan ulunbawi rih, yorih paring ulun ijo mone'et poretah-poretah Pohotala, tutang ijo nonga kosaksian tohou Yesus tutang Kowasa-Oh.

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 2:17

Ia-iai dahpot ngonih, hondakrih nohtoanioh inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman manna ijo bosuhuk, tutang nyino-nyinong ahkan norima tahkan Ahku ihco koluang bahtu puhti. Aang bahtu rih tonyurat ihco aran ijo bohua, ijo eam tongota'an bain iai ka'a, bohkonumba bain ulun ijo norimaoh.’’

PONGORINAH 2:26

Iro ijo manang, tutang ijo johcok laiu, turus nguan inon ijo Ahku ngohondakrih, ahkan Ahku nonga kowasa ijo sama kolou Ahku norima tahkan Amai-Ku. Iro akhan norima kowasa tahkanumba Ahku, ahkan moretah uhtus-uhtus umba suhkah bosi, tutang ahkan molonyuh uhtus-uhtus rih kolou kobali tana.

PONGORINAH 2:7

Ia-iai dahpot ngonih, hondakrih nohtoani inon ijo tonuhtui bain Roh Pohotala ahkan ukup-ukup! Iro ijo manang, ahkan Ahku ngijin kuman bua tahkan bahtang pombolum ijo tumbu ang Pombulan Pohotala.’’

PONGORINAH 20:4

Turus ahku nohto pododusan-pododusan, tutang ulun-ulun ijo tuot, ang pododusan-pododusan rih tononga kowasa ahkan mutusoh mohukum. Ahku nohto ka'a homboruan-homboruan, ulun-ulun ijo jari tonohtok kuhungoh tului iro nonga kosaksian tohou Yesus, tutang mborihta pohtoh Pohotala. Ulun-ulun rih eam nyembah ohcin, ata'ai ka kopahtungoh. Iroka eam pu'u norima tanda ohcin rih, aang likou ata'ai aang longon iro. Mahka iro bolum hoduli, tutang moretah kolou lahca homboh Kristus kotahin sokujan toun.

PONGORINAH 3:12

Ulun ijo manang ahkan Ahku ngonjorian kolou johi a'ang Lohpou Borasih Ain Pohotala-Ku, tutang io ahkan mohcon ang unuk rih turus-jahamoh. Aran Pohotalak-Ku, tutang aran lowun Pohotalak-Ku – yorih Yerusalem bohua ijo ahkan nosuluh tahkan soruga, tahkan Pohotalak-Ku – ahkan Ahku nyurat aang behtin ulun rih. Ka'a arak-Ku ijo bohua ahkan Ahku nyuratoh aang aropoh.

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.

PONGORINAH 3:5

Iro rih ahkan nyalan hombo-homboh Ahku hawui hopokajan puhti tului iro layak ahkan rih. Ahkan iro ijo manang, ahkan tomokahjan jubah puhti. Aran iro eam ahkan Ahku ngudapoh, tahkan Surat Ulun Bolum. Tutang ang toharep Amai-Ku, tutang molehkat-molehkat-Oh, Ahku ahkan ngahku ijo iro anairih aik-Ku.

PONGORINAH 6:9

Uliorih rih Anak Tobiri rih musit segel ijo kolimo. Mahka ahku nohto ang pinda mesbeh, anai homboruan-homboruan ulun-ulun ijo mahtoi tomunu, bain iro ngondehen pohtoh tahkan Pohotala, nguha kosaksian iro.