PONGORINAH 12:1 - BOWOT BOHUA

¹ Turus gihtan ang langit ang'co ijo helan, tutang luar biasa. Ihcobehti bawi ijo hapa mahtanondou kolou hahtiuoh, rahat tombok ang ngosan bulan. Ang kuhungoh dahpot ihco ahkur ijo tonawas tahkan duo balas potion.

PONGORINAH 12:1 ပူးပေါင်းရင်းမြစ်များ

MATEUS 12:38

Uliorih pira-pira guru agama tutang ulun-ulun Parisi nuhtui, “Amai Guru, ihkai jorik nohto Amai nguan tandahelan.”

MATEUS 24:30

Ulimba rih tanda Anak Ulun ahkan gihtan ang langit. Aang ohkot rih paring uhtus ang tana ahkan nangih. Iro ahkan nohto Anak Ulun lombut ang ngosan baunondou hapan kowasa tutang kohajoi ijo hajo.

MARKUS 13:25

Potion-potion ahkan botahak tahkan langit tutang pongowasa-pongowasa pinda langit ahkan nyolung sampur-baur.

LUKAS 21:11

Ang umo-umoh ahkan nyolung moruguh tana ijo hebat, bahaya bolo'u, tutang wabah ponyahkit. Ahkan nyolung hal-hal ijo kongori-ngori tutang mopihkoh ang langit.

LUKAS 21:25

‘‘Noin aang mahtanondou, bulan, tutang potion-potion ahkan gihtan tanda-tanda. Ang tana, uhtus-uhtus ahkan mihkoh tutang bingung noharep guruh tutang riak tasik.

YOHANES 3:29

Pongahten bawi rih anairih ain pongahten ijo bahkas. Sahabat pongahten bahkas rih tihkas tombok mambai tutang ngonih, tutang io sonang amat ngonih auh pongahten bahkas. Kodorih ka'a umba ahku. Uhuntuh ahku sonang samasino.

KESAH RASUL-RASUL 2:19

Ahku ahkan nguanoh kahtahelan-kahtahelan ang diang ahi aang langit, tutang hal-hal ijo luar biasa ang pinda ohtoi ang tana; ahkan anai daha tutang ahpui, sopuluk tutang asep.

RUMA 13:14

Nauhoh Tuhan Yesus Kristus iou ijo nahtap inon ijo ihkam pahtut nguaioh. Tutang ara numbun tobiat ulun ijo bodusa ahkan momeda kojolikbolai.

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

2 KORINTUS 11:2

Ahku rindu umba'kam, kolou Pohotala bongoi ka rindu umba'kam. Ihkam anai kolou ihcobehti anakdara bujang tindih, ihco magun borasih, ijo jari ahku mbowotoh, ahkan tonongawinoh umba ihcobehti bosai, iorih Kristus.

GALATIA 3:27

Ihkam paringoh jari tonopondus ngosan aran Kristus, jadi ihkam jari norima aang arop'kam sipat-sipat Kristus bongoi.

GALATIA 4:26

Tahpi Yerusalem ijo ang soruga rih, anairih Yerusalem ijo morodehka, tutang, iorih inai ihto.

GALATIA 6:14

Tahpi ahku samasino eam kani monamam inon ka, bohkonumba Tuhan ihto Yesus Kristus ijo jari mahtoi tomahpak. Kobain orihrih, kotului Io jari mahtoi tomahpak mahka kolunon eam hino bororima ino-inon bagi'ku. Tutang toharep kolunon tuh, ahku ka'a kolo-kolou ius mahtoi.

EPESUS 5:32

Ayat jorih bosuang rimai ijo timbon. Tutang ahku ngaitoh rih umba tutungoh, holat Kristus tutang ukup.

PONGORINAH 1:20

Tuhrih rahasia tahkan pihtu potion ijo ihko nohto ang longon kotouk-Ku, tutang tahkan pihtu owuh sumbu bulou, orih: Pihtu potion rih iorih molehkat-molehkat kopihtu ukup, tutang pihtu pa'an sumbu rih anairih kapihtu ukup rih.’’

PONGORINAH 11:19

Mahka tokuaprih Lohpou Pohotala ang soruga, tutang gihtanrih Pohti Bowot ang luwangoh. Turus nyolung kilat tutung-hotutung, tutang auh duhung guhu-guhup tutang ngorutung, hawui tana hogerek tutang uhjan es ihco labat.

PONGORINAH 12:3

Turus gihtan hino ang langit ang'co ijo helan. Anai ihcokungan naga bohandang ijo hajo samasino, ijo anaingina pihtu kuhung, tutang sopulu tanduk. Nyinong kuhungoh hapa ihco ahkur.

PONGORINAH 15:1

Pongohuli ahku nohto ang langit aang'co ijo helan, tutang luar biasa hebatoh. Anai pihtu molehkat hawui pihtu kosusah ijo laiuoh. Tuhrih koapah tikatoh Pohotala nusuh kosangit-Oh.

PONGORINAH 21:14

Dinding kotalowu rih tonombok ang ngosan duo balas bahtu galang. Aang bahtu-bahtu galang rih tonyurat aran-aran koduo balas rasul Anak Tobiri rih.

PONGORINAH 21:23

Lowu rih eam usah ngorolondang mahtanondou ata'ai bulan, bain kohajon Pohotala ijo ngoloangoh, tutang Anak Tobiri rih anairih ahkan sumbuoh.