PONGORINAH 11:8 - BOWOT BOHUA

⁸ Tutang otun iro, ahkan borolatung ang jalan rami lowu hajo, ang amoh Tuhan iro tomahpak. Aran tindung lowu rih Sodom ata'ai Misir.

PONGORINAH 11:8 ပူးပေါင်းရင်းမြစ်များ

MATEUS 10:15

Ingatrih! Ang Ondou Kiamat, ulun-ulun ang lowu Sodom tutang Gomora ahkan labih jeleng tongahpun bain Pohotala tahkan ulun-ulun ang lowu orih!”

KESAH RASUL-RASUL 9:4

Io ngonyahtu kotana turus ngonih auh nuhtui umba io, ‘‘Saulus! Saulus! Inon kotuluioh ihko ngoporos Ahku?’’

IBRANI 13:12

Orihrih kotuluioh Yesus ka'a mahtoi ang luar bauntukang lowu ahkan muhi ukup-Oh tahkan dusa umba daha-Oh bongoi.

IBRANI 6:6

Tahpi uliorihrih iro murtad! Umah harapan niting iro buli ahkan hubah hino, tahkan dusa-dusan iro. Kotului iro rahat nyopolahki hino Anak Pohotala tutang nguan Io tonohina ang toharep ulunaro.

2 PETRUS 2:6

Sama ka'a haloh umba lowu Sodom tutang Gomora; Pohotala polumusoh lowu-lowu rih umba baho, mangat monjadi sutu, tohou inon ijo ahkan nyolung, ahkan ulun-ulun ijo ja'at.

YUDAS 1:7

Ingatrih ka'a, lowu Sodom tutang Gomora, hawui lowu-lowu ang hokodiling, ijo rayatoh nguan hal-hal kolou ijo tonguan bain molehkat-molehkat orih. Iro nguan hal-hal ijo kihal tutang bejad, nyiring iro tonosiksa umba hukuman baho ijo kototahiu, ahkan monjadi pongingat bagi paring ulun.

PONGORINAH 11:13

Mahka ang ohkot rih nyolung tana moruguh ijo paham. Sepersopulu kobagi tahkan lowu rih luhtek, tutang pihtu kuhjan behti palus, bain tului tana moruguh rih. Ulun-ulun bohkonoh nyolung mihkoh samasino, turus iro monara kohajon Pohotala ang soruga.

PONGORINAH 11:9

Ulun-ulun tahkan paring nogara, suku, basa, tutang uhtus, ahkan nohto otun iro kotahin tolu sotongah ondou, tutang eam mongijin otu-otu rih tonanom.

PONGORINAH 14:20

Bua-bua anggur orih tonohamih ang luar lowu, tutang tahkan pokahkas pohamih anggur rih, nyalut daha kolou sungoi, komahcu tolu rahtus kilomehter, tutang kotimbonoh korenga duo mehter.

PONGORINAH 14:8

Molehkat koduo ngohasu molehkat ijo pahtuk sambil na'ah, ‘‘Jari ngonyahtu! Lowu Babel ijo hajo jari ngonyahtu! Io jari nguan karo uhtus monjadi busou umba danum anggur – yorih tahkan bolai kihaloh!’’

PONGORINAH 16:19

Lowu ijo hajo rih pusit monjadi tolu kobagi, tutang lonyuh rih ka'a lowu-lowu paring nogara ang kolunon. Turus Pohotala mingat ahkan Babel ijo hajo rih. Mahka Pohotala nguan io ngorih anggur tahkan kondarah anggur Pohotala – iorih anggur kosangit-Oh ijo nyambun-nyambun.

PONGORINAH 17:1

Uliorih rih anai ihcobehti, tahkan kopihtu molehkat ijo nambit pihtu kondarah rih, lombut nokuh ahku tutang nuhtui, ‘‘Olai, ahku ahkan ngorinah bagi'mu, koloukuwoh sundal ijo hajo rih ahkan tonohukum, iorih lowu hajo rih, ijo tonombok ang doni sungoi-sungoi.

PONGORINAH 17:18

Ulunbawi ijo ihko nohto orih, iorih lowu hajo, ijo moretah lahca-lahca ang tana.’’

PONGORINAH 17:5

Aang likouoh tonyurat ihco aran, ijo anai rimai ijo bosuhuk. Aran rih iorih, ‘‘Babel Ijo hajo, inai paring sundal tutang ulun bijat ang kolunon.’’

PONGORINAH 18:10

Iro ahkan tombok tahkan mahcu, tului iro mihkoh tokona karotporosoh. Iro nuhtui, ‘‘Akai, eam inon colahkaoh lowu ijo bosewut rih – lowu Babel ijo ba'as! A'ang ihco jam iou hukum'mu jari nyolung!’’

PONGORINAH 18:18

Tutang bokociak, ang ohkot iro nohto asep nyolobuwuk, tahkan baho ijo mahpong lowu rih. Iro na'ah, ‘‘Eam pu'u anai lowu bohkon kolou lowu ijo hajo tuh!’’

PONGORINAH 18:2

Umba auh ijo hajo, io na'ah, ‘‘Jari bolinangoh! Babel hajo jari bolinang! Huntuh io monjadi unuk sehtan-sehtan tutang roh-roh ja'at. Ang luwangoh bolum mahca-mahcam bulung ijo pali tutang ijo kobele ulun.

PONGORINAH 18:21

Uliorih rih, ihcobehti molehkat ijo mamut ngahtang ihcokobuhtup bahtu – kohajon bahtu gilingan ijo hajo – turus nyakahoh nokuh luwang tasik hawui hioioh, ‘‘Koloutuh caraoh lowu Babel ijo bosewut rih ahkan tonyahkah hawui paham nyiring ahkan eam duon tonyombang hino.

PONGORINAH 18:24

Babel tonohukum, bain ang luwang lowu rih jari tosombang daha nabi-nabi, dahan ukup ain Pohotala – pandakoh dahan paring ulun ijo jari tomunu ang ngosan tana.