PONGORINAH 11:3 - BOWOT BOHUA

³ Ahku ahkan nyuhu duo behti saksiaik-Ku ijo hapa pokahjan bidak, tutang iro ahkan mborihta Kabar Hinut tahkan Pohotala, kotahin, sokuhjan duo rahtus onom pulu ondou.’’

PONGORINAH 11:3 ပူးပေါင်းရင်းမြစ်များ

MATEUS 11:21

“Colahka ihko Korazim! Tutang colahka ka'a ihko Betsaida! Jahkaoh karon-tandahelan ijo konuan aang tohun'kam, tonguan ka'a ang Tirus tutang Sidon, musti ulun-ulun ang anan jadi tahi hubah tahkan dusa-dusan'ndo, tutang hapan pokahjan koporosahtoi hawui ngina korawu ang ngosan kuhung'ndo.

MATEUS 18:16

Tahpi amat eam, ngomin ihco ata'ai duo behti hino. Bain luwang Surat Borasih tonyurat, ‘Sokurang-kurangoh duo ata'ai tolu saksi ahkan duon ngotaan ihcobehti ulun 'jo bosala.’

LUKAS 10:13

‘‘Colahkarih ihko, Korazim! Tutang colahkarih ihko, Betsaida! Jahkaoh kahtahelan-kahtahelan ijo tonapa ang tohun-louk'kam rih jari tonapa ang lowu Tirus tutang Sidon, musti ulun-ulun ang anan jari tahi hubah tahkan dusa-dusan iro, tutang hapa pokahjan tandaporosahtoi hawui ngina awu ang ngosan kuhung'ndo.

LUKAS 24:48

Ihkamrih saksi-saksi tahkan paringoh rih.

YOHANES 15:27

Tutang ihkam ka'a harus nonga kosaksian tohou Ahku, tului ihkam jari hihco Ahku tahkan pahtukoh.

YOHANES 3:27

Yohanes mutah, ‘‘Kolunon eam duon anaingina ino-inon amat eam tononga Pohotala ahkaioh.

KESAH RASUL-RASUL 1:8

Tahpi ihkam ahkan duon kowasa, amat Roh Pohotala jari lombut ahkan'kam. Tutang ihkam ahkan monjadi saksi-saksi ahkak-Ku ang Yerusalem ang hapus Yudea, ang Samaria tutang nyiring topahkan tana.’’

KESAH RASUL-RASUL 13:31

Pongohino nyinong-ondou kotahiuoh Io lombut tutang ngorinah arop-Oh ahkan ulun-ulun ijo jari lombut umba Io tahkan Galilea nokuh Yerusalem. Iro orihrih ijo huntuh monjadi saksi-saksi bagi Io ahkan uhtus Israel.

KESAH RASUL-RASUL 2:32

Yesus tuhrih ijo tonombolumoh hoduli tahkan louk ulun mahtoi bain Pohotala. Ihkai paring jari monyaksioh bangon 'kai hal orih.

KESAH RASUL-RASUL 3:15

Konduang-konduang munu Io, padahar kopunaoh Io rih luwang tohasak pombolum ahkan paring ulun. Tutang Pohotala jari ngombolum Io huli tahkan popahtoi. Ihkai jari monyaksi bongon 'kai hal rih.

1 KORINTUS 12:28

Kodorih ka'a ang luwang ukup, Pohotala jari nahtap unuk ahkan mahca-mahcam ulun; Ijo pahtuk rasul-rasul, koduo nabi-nabi kotolu guru-guru, turus iro ijo nguan kahtahelan-kahtahelan, pongohuli iro ijo tononga pononga ahkan ngopios ulun, ata'ai ahkan ndohop ulun bohkon, ata'ai monjadi okonulun, ata'ai ka ahkan bopander umba mahca-mahcam basa ijo helan.

2 KORINTUS 13:1

Tuh anairih ahkan kotolu tikatoh ahku lombut masap ihkam. A'ang Surat Borasih tonyurat, ‘‘Nyinong porokara harus konombahat bain kosaksian duo ata'ai tolu behti saksi, punan porokara orih sah.’’

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 11:2

Tahpi ara nihpong konaha ang sila luar Lohpou Pohotala rih, tului bagian orih jari tonosorah ahkan ulun-ulun ijo eam kosono Tuhan. Iro ahkan nihcak-ngihik lowu ijo borasih rih, kotahin ohpat pulu duo bulan.

PONGORINAH 11:6

Iro anaingina kowasa ahkan ngahtop langit, mangat ara uhjan kotahin iro mborihta, borihta tahkan Pohotala. Iro anaingina ka'a kowasa ngosan paring sahai danum, tutang ngubah danum monjadi daha. Tutang iro anaingina hino kowasa ahkan nahup tana umba mahca-mahcam porusak, mira iou iro tou nguaioh.

PONGORINAH 12:6

Mahka ulunbawi rih nokoru, ahkan padang balambah, nokuh unuk ijo jari tonahtap bain Pohotala bagioh. Ang unuk rih io ahkan tonojaga sokuhjan duo rahtus onom pulu ondou kotahiuoh.

PONGORINAH 13:5

Ohcin rih tongohonou ngohawot hal-hal ijo paham angkuh tutang mohina Pohotala. Io tihkastou moretah ohpat pulu duo bulan kotahiuoh.

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.

PONGORINAH 20:4

Turus ahku nohto pododusan-pododusan, tutang ulun-ulun ijo tuot, ang pododusan-pododusan rih tononga kowasa ahkan mutusoh mohukum. Ahku nohto ka'a homboruan-homboruan, ulun-ulun ijo jari tonohtok kuhungoh tului iro nonga kosaksian tohou Yesus, tutang mborihta pohtoh Pohotala. Ulun-ulun rih eam nyembah ohcin, ata'ai ka kopahtungoh. Iroka eam pu'u norima tanda ohcin rih, aang likou ata'ai aang longon iro. Mahka iro bolum hoduli, tutang moretah kolou lahca homboh Kristus kotahin sokujan toun.