PONGORINAH 11:10 - BOWOT BOHUA

¹⁰ Ponduduk tana ahkan hokojorih ngosan popahtoi koduo saksi rih. Iro ahkan mestaoh tutang saling mongirim hadiah, tului koduo behti nabi rih, mopolombut aro siksa ahkan paring ulun ang tana.

PONGORINAH 11:10 ပူးပေါင်းရင်းမြစ်များ

MATEUS 10:22

Ihkam ahkan tongohiri bain paring ulun, tului ihkam murid-Ku. Tahpi ulun ijo tehen nyiring laiuoh ahkan tonyolamat.

YOHANES 16:20

Porocayalah, ihkam ahkan nangih tutang nahtum, tahpi kolunon ahkan jorih. Ihkam ahkan susah ahtoi, tahpi kosusahan ahtoi'kam rih ahkan hubah monjadi kojorih.

YOHANES 7:7

Kolunon tuh eam harapan nyingi ihkam. Tahpi Ahku puna tonyingi bain kolunon, kotului Ahku toturus ngorinah ahkan kolunon ijo konuaioh ja'at.

KESAH RASUL-RASUL 5:33

Kotihka okon-okon Majelis Agama ngonih auh orih, iro sangit samasino tutang iro hopahkat ahkan munu rasul-rasul rih.

1 KORINTUS 13:6

Ulun ijo pongasih umba ulun-ulun bohkon, eam sanang umba koja'at, io tihkas sanang umba kopios.

PONGORINAH 12:13

Aang ohkot naga rih borondong, ijo io jari ndian ahkan tana io nopara hodulu ulunbawi, ijo jari nganak anak bahkas rih.

PONGORINAH 13:14

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 16:10

Turus molehkat ijo kolimo nusuh suang kondarahoh nokuh pododusan ohcin rih. Mahka sohopus pododusan ohcin rih monjadi pindong, tutang ulun mongirut jola tului koporos.

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.