PONGORINAH 1:8 - BOWOT BOHUA

⁸ ‘‘Ahku rih ijo pahtuk tutang ijo kolaiu,’’ hion Tuhan Pohotala, ijo anai, ijo jari anai, tutang ijo anai toturusoh, Ijo Mahakowasa.

PONGORINAH 1:8 ပူးပေါင်းရင်းမြစ်များ

2 KORINTUS 6:18

Ahku ahkan monjadi Amai'mu, tutang ihkam ahkan monjadi anak-anak-Ku, kolouorih hion Tuhan Ijo Mahakowasa.’’

PONGORINAH 1:11

Auh rih nuhtui, ‘‘Surat, inon ijo ihko nohtooh, tutang ngirim surat tuh ahkan pihtu ukup ijo pongotuh: Epesus, Simirna, Pergamus, Tiatira, Sardis, Piladelpia, tutang Laodekia.’’

PONGORINAH 1:17

Ohkot ahku nohto-Oh, ahku toposuruk ang baui-Oh kolou ulun mahtoi. Tahpi Io ngina longoi kotaui-Oh aang ahku turus nuhtui, ‘‘Ara mihkoh! Ahku rih Io ijo pahtuk tutang ijo kolaiou.

PONGORINAH 1:4

Konduang-konduang, ijo anai ang kopihtu ukup ang daerah Asia! Ahku, Yohanes, bokoharap ihkam tonongaoh borehkat tutang kosanang tahkan Pohotala – yorih, Io ijo anai, tutang jari anai, tutang ijo anai toturusoh – tutang ka'a tahkan kopihtu roh ijo anai ang boun pododusan Pohotala,

PONGORINAH 11:17

Iro nuhtui, ‘‘Tuhan, Pohotala Mahakowasa, ijo anai, tutang ijo jari anai! Ihkai botorimakasih ahkan-Mu kotului Ihko jari hapa kowasan-Mu ijo hajo, tutang jari nopara moretah!

PONGORINAH 15:3

Tutang iro monyanyi, nyanyian Museh, jihpon Pohotala, tutang nyanyin Anak Tobiri. Koloutuh auhoh, ‘‘Tuhan, Pohotala Mahakowasa, eaminon kohajoi tutang kohelanoh gawin-gawin-Mu! Lahca kokaron uhtus, eaminonrih adil tutang morong tindakan-tindakan-Mu!

PONGORINAH 16:14

Iro anairih roh-roh ja'at, ijo napa tandahelan-tandahelan. Kototolu roh rih tulak nokuh paring lahca ang sohopus kolunon tutang mupung iro ahkan hokolahi ang Ondou Ijo Hajo, yorih, Ondou tahkan Pohotala Mahakowasa.

PONGORINAH 16:7

Turus ahku ngonih auh tahkan mesbeh, nuhtui, ‘‘Tuhan, Pohotala Mahakowasa, morong tutang adil hukum-hukumanoh ijo Ihko ngonyahtuoh!’’

PONGORINAH 19:15

Tahkan nyamai-Oh soluka 'cokobilap padang ijo bonyihi, tutang umba padang orih, Io ahkan pokalahoh uhtus-uhtus, tutang Io ahkan moretah iro, umba sukah bosi. Io ahkan mohapit anggur, ang luwang pokahkas pohapit anggur kosangit Pohotala Ijo Mahakowasa.

PONGORINAH 19:6

Uliorih ahku ngonih angihco kolou auh ihco ko pulou ulun ijo aro samasino; naingoh kolou golombang ijo holuhcak, tutang kolou auh duhung mongorutung. Ahku ngonih iro nuhtui, ‘‘Tara Pohotala! Tului Tuhan, Pohotalan ihto Ijo Mahakowasa rih huntuh moretah!

PONGORINAH 2:8

‘‘Ahkan molehkat ukup ang Simirna, nyurat koloutuh: Tuhrih pohtoh tahkan Io ijo pahtuk tutang ijo laiu ijo jari mahtoi tutang bolum hoduli.

PONGORINAH 21:22

Ahku eam nohto Lohpou Pohotala anai luwang lowu rih, tului Lohpou Pohotalaioh iorih Tuhan bongoi, Pohotala Ijo Mahakowasa, tutang Anak Tobiri rih.

PONGORINAH 21:6

Turus Io nuhtui, ‘‘Jari genep! Ahku rih ijo pahtukoh, tutang ijo laiu; Ahkurih Tuhan tahkan Kopahtuk nyiring Pongolaiu. Nyinong ulun ijo tohjahbolai, ahkan Ahku nonga korih honong cuma-cuma tahkan tohasak danum, ijo nonga pombolum.

PONGORINAH 22:13

Ahku tuh ijo pahtukoh tutang ijo kolaiuoh, ahku tuh Tuhan tahkan Pahtukoh nyiring Laiuoh.’’

PONGORINAH 4:8

Koohpat angbolum rih, nyinong-nyinong anai onom ilat, tutang hokodilingoh, tutang ang sila luwangoh tuwi umba mahta. Hondou homalom angbolum-angbolum rih, eam tondo-tondooh monyanyi, ‘‘Borasih, borasih, borasih Tuhan, Pohotala Mahakowasa; ijo anai, ijo jari anai, tutang ijo anai toturusoh.’’