PONGORINAH 1:7 - BOWOT BOHUA

⁷ Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!

PONGORINAH 1:7 ပူးပေါင်းရင်းမြစ်များ

MATEUS 16:27

Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

MATEUS 16:28

Kota'anrih! Tahkan louk ihkam ang ohtoi anai ijo eam mahtoi, hounumba nohto Anak Ulun lombut kolou Lahca.”

MATEUS 24:30

Ulimba rih tanda Anak Ulun ahkan gihtan ang langit. Aang ohkot rih paring uhtus ang tana ahkan nangih. Iro ahkan nohto Anak Ulun lombut ang ngosan baunondou hapan kowasa tutang kohajoi ijo hajo.

MATEUS 25:31

“Amatnoin Anak Ulun lombut kolou Lahca tongitot molehkat-molehkat-Oh. Io ahkan tuot ang ngosan pododusan aiou ijo hajo.

MATEUS 26:64

Yesus mutah, “Kolouorih hion'mu. Tahpi porocaya iou: nopara uhuntuh ihkam ahkan nohto Anak Ulun tuot ang sila koto'un Pohotala Ijo Mahakowasa, tutang lombut ang ngosan baunondou ang langit!”

MARKUS 13:26

Aang ohkot orih Anak Ulun ahkan gihtan lombut ang ngosan baunondou hapan kowasa hajo tutang kohajoi-Oh.

MARKUS 14:62

‘‘Ahku rih Io,’’ mutah Yesus, ‘‘tutang ihkam paring ahkan nopahjah Anak Ulun tuot ang sila kotoun Pohotala Ijo Pahamkowasa tutang lombut ang baunondou ang langit!’’

LUKAS 21:27

Aang ohkot orih Anak Ulun ahkan lombut ang baunondou homboh kowasa tutang kohajoi ijo hajo.

YOHANES 19:34

Tahpi kombuhang Yesus tonyadop hapan lunju bain ihcobehti tahkan sorodadu-sorodadu rih, tutang cohpat soluka daha tutang danum.

YOHANES 19:37

Ang Surat Borasih ka'a tonyurat, ‘‘Iro ahkan nopahjah Io ijo jari iro nyadopoh.’’

1 TESALONIKA 1:10

Iro mander ka'a, tohou koloukuwoh ihkam moharapoh polombut Anak Pohotala tahkan soruga, yorih Yesus, ijo jari tonombolum bain Pohotala tahkan popahtoi. Yesus orihrih ka'a ijo monyolamat ihto tahkan kosingin Pohotala ijo ahkan lombut.

1 TESALONIKA 4:17

Uliorih ihto ijo magun bolum ang ohkot rih ahkan hombo-homboh hogatang umba iro nohkuh luwang bounondou-bounondou ahkan hosombang umba Tuhan ang diang. Turus ihto ahkan mohcon umba Tuhan turus-jahamoh.

IBRANI 10:29

Eaminon labih bahat hukuman ijo harus tongonyahtu ngosan ulun ijo nihcak-ngihik Anak Pohotala. Ulun rih ngohu hina daha bowot Pohotala, jorih popahtoi Kristus ijo ngomuhi-Oh tahkan dusa. Io mohina Roh nonga pononganasi.

IBRANI 6:6

Tahpi uliorihrih iro murtad! Umah harapan niting iro buli ahkan hubah hino, tahkan dusa-dusan iro. Kotului iro rahat nyopolahki hino Anak Pohotala tutang nguan Io tonohina ang toharep ulunaro.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

YUDAS 1:14

Henoh, lihit ijo kopitu tahkan Adam, lomoi pu'u nujum tohou ulun-ulun rih. Henoh homouh, ‘‘Nohto, Tuhan ahkan lombut umba bokuhjan-kuhjan molehkat-molehkat-Oh ijo borasih,

PONGORINAH 22:20

Io ijo mborihtaoh paring borihta tuh homouh, ‘‘Morong, Ahku ahkan bojoin lombut!’’ Amen! Lombut iou o Tuhan Yesus!

PONGORINAH 22:4

tutang turus nopahjah baui-Oh. Arai-Oh ahkan tosurat ang likou iro.