PONGORINAH 1:5 - BOWOT BOHUA

⁵ tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 1:5 ပူးပေါင်းရင်းမြစ်များ

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

YOHANES 13:1

Ihcoondou sounumba tahkan Ondou Pesta Paska, Yesus jari ta'an ijo jari ohkotoh Io ahkan nohtah kolunon tuh ahkan buli nokuh Amai-Oh. Io ngasih umba ulun-ulun ijo monjadi aiu-Oh ang kolunon tuh, tutang Io tohtap ngasih iro nyiring ko-opahoh.

YOHANES 13:34

Poretah bohua Ahku nongaoh ahkan'kam: Hokasih ihco umba 'jobohkon sama kolou Ahku ngasih ihkam, kodorih ka'a ihkam harus saling hokasih.

YOHANES 15:9

Kolou Amai ngasihoh Ahku, kodorih ka Ahku ngasihoh ihkam. Hondakrih ihkam tohtap bolum kolou ulun ijo Ahku ngasihoh.

YOHANES 18:37

Mahka Pilatus ngisok umba Io, ‘‘Amat kodorih Ihko Lahca?’’ Yesus mutah, ‘‘Ihko bongom nuhtui ijo Ahku tuh Lahca. Ahku konanak tutang lombut nokuh kolunon ahkan ihco konohuang, iorih nonga kosaksian tohou komorong. Ulun ijo tahkan komorong rih ngonih Ahku.’’

YOHANES 3:11

Porocayarih: ihkai nuhtui tihkas tohou inon ijo ihkai kota'an, tutang ihkai nonga kosaksian tihkas tohou inon ijo jari ihkai nohtooh; tahpi ihkam eam kani monorima kosaksian ihkai.

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 3:32

Io pander tohou inon ijo ius tonohto tutang konahai-Oh, tahpi eam ihcobehti ka porocaya aang kosaksian-Oh.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 26:23

yorih ijo Lahca Ponyolamat, ijo tonobowot Pohotala rih harus ngarot, tutang monjadi ulun ijo pahtukoh bolum hoduli uliius mahtoi; mangat honong rih Io duon mborihtaoh koloang – iorih kosolamatan – pios ahkan ulun-ulun Yahudi oluka ahkan ulun-ulun bohkon Yahudi.’’

RUMA 3:25

Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro.

RUMA 8:37

Eam! Malah ang luwang paringoh rih, ihto dahpot komanang ijo sompurna tu'u bain Io ijo ngasi ihto!

1 KORINTUS 6:11

Pira-pira ang louk'kam, lomoi hadatoh kolourih. Tahpi huntuh ihkam, tongorinah borasih tahkan dusa. Ihkam jari nyolung ain Pohotala ijo khusus. Ihkam jari hokopios huli umba Pohotala, tului ihkam porocaya umba Tuhan Yesus Kristus, tutang kotului kowasan Roh tahkan Pohotalan ihto.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

EPESUS 2:4

Tahpi eaminon kohajoi kolomun ahtoi Pohotala! Io kodorih ngasi ihto,

EPESUS 5:2

Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

KOLOSE 1:18

Iorih kuhung tahkan behtiuoh, yorih ukupoh, kotului Io tohasak pombolum ukup rih. Iorih anak ijo poohkooh ijo pahtuk-pahtuk tonombolum hoduli tahkan popahtoi, mangat Io bongoi iou ijo monjadi boguna tahkan kokaro aang'co.

1 TIMOTEUS 6:13

Tutang huntuh, ang toharep Pohotala ijo nonga hasong ahkan karo ang'co, tutang ang toharep Kristus Yesus, ijo nonga kosaksian ijo morong ahkan Pontius Pilatus, ahku nyawot tuh tahkanaang ihko.

1 TIMOTEUS 6:15

Polombut-Oh ahkan tonuhkas ang ohkot ijo metuk bain Pohotala bongoi. Io rih Pongowasa ihco-ihcooh; Io hajo, Lahca karon lahca, tutang Tuhan karon tuan.

IBRANI 10:29

Eaminon labih bahat hukuman ijo harus tongonyahtu ngosan ulun ijo nihcak-ngihik Anak Pohotala. Ulun rih ngohu hina daha bowot Pohotala, jorih popahtoi Kristus ijo ngomuhi-Oh tahkan dusa. Io mohina Roh nonga pononganasi.

IBRANI 9:14

Orih, amat daha tutang awu rih, duon ngomuhi kopalin ulun-ulun rih, mahihino dahan Kristus! Nguha Roh ijo abadi, Kristus monyorah arop-Oh bongoi ahkan Pohotala, kolou porahpah ijo soporuna. Daha-Oh muhi ahtoi-bua ihto tahkan upacara agama ijo eam boguna, mangat ihto dahpot mohalu Pohotala ijo bolum.

1 PETRUS 1:19

molekan angihco, ijo paham borega; iorih behtin Kristus bongoi, ijo monjadi kolou tobiri ijo toporahpah ahkan Pohotala, eam aro cahcat ata'ai celaoh.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

PONGORINAH 11:15

Turus molehkat ijo kopihtu mohpos sorunaioh, mahka ang soruga konahan auh-auh muhing samasino ijo nuhtui, ‘‘Kokuwasa'an ahkan moretah kolunon, anai huntuh a'ang longon Tuhan ihto, tutang Lahca Ponyolamat, ijo tonobowot-Oh. Io ahkan moretah ahkan turus-jahamoh!’’

PONGORINAH 11:3

Ahku ahkan nyuhu duo behti saksiaik-Ku ijo hapa pokahjan bidak, tutang iro ahkan mborihta Kabar Hinut tahkan Pohotala, kotahin, sokuhjan duo rahtus onom pulu ondou.’’

PONGORINAH 17:14

Iro ahkan hokolahi molawan Anak Tobiri rih. Tahpi, Anak Tobiri rih umba murid-murid-Oh ijo bokehtep, ijo jari tona'ah-Oh tutang jari tonopili-Oh rih ahkan mongalah lahca-lahca rih, kotului Io Tuhan kokaro Tuan, tutang Lahca kokaro lahca.’’

PONGORINAH 19:11

Pongohuli ahku nohto soruga bokuap, turus gihtan ihcokungan kuda puhti. Ponunggang-Oh konohawot Ijo Bokehtep tutang Ijo Morong. Io adil a'ang mutusoh hukum, tutang a'ang kolahi ijo tonolalus-Oh.

PONGORINAH 19:16

Aang jubah-Oh, tutang aang sahpak-Oh tosurat aran rih, ‘‘Lahca kokaron lahca, tutang Tuhan kokaron tuan.’’

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 3:14

‘‘Ahkan molehkat ukup ang Laodekia, nyurat koloutuh: Tuhrih pohtoh tahkan Sang Amen, Saksi ijo bokehtep tutang morong tohasak kokaro aang'co, ijo tona'oi bain Pohotala.

PONGORINAH 7:14

‘‘Ahku eam kota'an, Tuan, Tuan bongon ijo ta'an,’’ mutah'ku. Mahka io nuhtui umba ahku, ‘‘Tuhrih ulun-ulun ijo jari hawui solamat nguha wayah konoporos ijo hebat. Iro jari muhi jubah iro tutang napaoh monjadi puhti umba dahan Anak Tobiri rih.