PONGORINAH 1:1 - BOWOT BOHUA

¹ Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.

PONGORINAH 1:1 ပူးပေါင်းရင်းမြစ်များ

YOHANES 12:49

Kotului Ahku eam bopander tahkan konohuang-Ku bongok; Amai ijo nyuhu Ahku, Io iou ijo moretah ahkak-Ku inon ijo harus Ahku nyiaroh tutang nuhtuioh.

YOHANES 15:15

Ihkam eam hino Ahku na'ah jihpon, tului jihpon eam ta'an inon ijo rahat tonguan tepuioh. Ihkam Ahku na'ahoh sobat kotului paring ijo Ahku ngonih tahkan Amai, jari Ahku nyorihtaoh ahkan'mu.

YOHANES 17:8

Jari Ahku nuhtuioh ahkan iro auh ijo Amai nongaoh ahkak-Ku; tutang iro jari norimaoh. Iro ta'an ijo Ahku moro-morong tahkan Amai tutang iro porocaya ijo Amairih ijo jari nyuhu Ahku.

YOHANES 3:32

Io pander tohou inon ijo ius tonohto tutang konahai-Oh, tahpi eam ihcobehti ka porocaya aang kosaksian-Oh.

YOHANES 8:26

Magun aro hal tohou ihkam ijo kani Ahku nuhtuioh tutang mosaraoh. Tahpi Io ijo nguhtus Ahku dahpot tomorocaya. Tutang Ahku momborihta ahkan kolunon, inon ijo Ahku ngonih tahkan Io.’’

RUMA 16:25

Tonotararih ahkan Pohotala! Io bokowasa ngomba'as koporocaya Konduang sorurui umba Kabar Hinut tahkan Pohotala, ijo ahku mborihtaoh tohou Yesus Kristus. Ahku mborihtaoh Kabar orih sorurui umba inon ijo tongorinah bain Pohotala; iorih tohou rancana Pohotala ijo jari boabad-abad kotahiuoh eam tongota'an ulun.

GALATIA 1:12

Ahku eam norima kabar rih tahkan kolunon, tutang eam ihcobehti ka ijo majaroh ahkak'ku. Yesus Kristus bongoi ijo nguaprihoh usin Kabar Hinut rih ahkak'ku.

EPESUS 3:3

Pohotala ngorinah rahasia rancana-Oh tutang mborihta orihrih ahkak'ku. (Tohou hal tuh jari ahku nyuratoh ang diang honong iwak,

TITUS 1:1

Anak'ku Titus! Ahku, Paulus, nyurat surat tuh kolou jihpon Pohotala tutang rasul Yesus Kristus. Ahku tonopili, tutang tonyuhu, ahkan dohop ulun-ulun ijo tonopili Pohotala, mangat monjadi ba'as a'ang koporocayan iro. Ahku ka'a harus ngagalan iro mangat kosono ajaran ijo morong ijo tongajarrih bain agaman ihto.

PONGORINAH 1:19

Tului rih nyurat hal-hal ijo ihko nohto, iorih hal-hal ijo anai huntuh, tutang hal-hal ijo ahkan nyolung noin.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 17:1

Uliorih rih anai ihcobehti, tahkan kopihtu molehkat ijo nambit pihtu kondarah rih, lombut nokuh ahku tutang nuhtui, ‘‘Olai, ahku ahkan ngorinah bagi'mu, koloukuwoh sundal ijo hajo rih ahkan tonohukum, iorih lowu hajo rih, ijo tonombok ang doni sungoi-sungoi.

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.

PONGORINAH 19:9

Turus molehkat rih nuhtui ahkak'ku, ‘‘Nyurat tuh: ‘Kosanang rih ulun ijo tonorawe nokuh pesta pongawin Anak Tobiri rih.’ ’’ Pongohuli molehkat rih monambah hino, ‘‘Tuhrih kabar hinut tahkan Pohotala.’’

PONGORINAH 21:2

Mahka ahku nohto lowu borasih rih, yorih Yerusalem ijo bohua, nosuluh tahkan soruga tahkan Pohotala. Lowu rih jari tonyodia kolou ihcobehti pongahten bawi ijo tomokahjan ahkan nyombang pongahten ijo bahkas.

PONGORINAH 21:9

Ihco tahkan louk kopihtu molehkat, ijo jari nambit kondarah-kondarah ijo tuwi, umba kopihtu kosusah ijo laiu rih, lombut ahkak'ku tutang nuhtui, ‘‘Olai! Ahku ahkan ngorinah ahkan'mu Pongahten, yorih oruh Anak Tobiri.’’

PONGORINAH 22:1

Molehkat rih ka'a ngorinah ahkak'ku, sungoi ijo danumoh nonga pombolum. Sungoi rih mongorinjap kolou kristal, tutang nohasak tahkan pododusan Pohotala, tutang Anak Tobiri rih.

PONGORINAH 22:16

‘‘Ahku, Yesus jari mongirim molehkat-Ku ahkan ihkam, mangat io momborihta hal-hal tuh ahkan kogunan ukup-ukup. Ahku tuh lihit Dawid; Ahku tuh potion tahkan timur ijo boloang rih.’’

PONGORINAH 22:6

Turus molehkat rih nuhtui umba ahkak'ku, ‘‘Tuhtui-tuhtui tuh tu'u tutang dahpot tomorocaya. Tuhan Pohotala ijo nonga Roh-Oh ahkan nabi-nabi, jari nyuhu molehkat-Oh mangat ngorinah ahkan jihpoi-jihpoi-Oh inon ijo bojoin harus nyolung.’’

PONGORINAH 22:8

Ahku Yohanes jari ngonih paringoh tuh. Uli ahku jadi ngonih tutang nohtooh, ahku suhkuntu'ut ang boun molehkat rih, ijo jari ngorinah paringoh rih ahkak'ku, tutang ahku hondak nyembah io,

PONGORINAH 22:9

tahpi io nuhtui umba ahku, ‘‘Ara! Ara nyembah ahku! Nyembah iou Pohotala! Kotului ahku ka'a sama kolou ihko, tutang kolou konduang-konduang'mu, nabi-nabi, tutang paring ulun ijo te'et umba pohtoh-pohtoh luwang surat tuh!’’

PONGORINAH 4:1

Uliorih rih ahku dahpot pongorinah hino. Ahku nohto ihco bauntukang bokuap ang soruga. Pongohino konahan huli auh, ijo aang pahtukoh ius bopander, umba ahku kolou auh sorunai. Auh rih nuhtui, ‘‘Has nuhkat ahkan ohtoi. Ahku ahkan ngorinah ahkan'kam inon ijo ahkan nyolung noin.’’

PONGORINAH 5:7

Pongohuli Anak Tobiri rih miar, tutang ngomin balun surat rih, tahkan longon kotoun ulun ijo tuot ang ngosan pododusan.