PILIPI 4:17 - BOWOT BOHUA

¹⁷ Orih eam rimai ahku baya jolik norima pononga. Ijo ahku jolikoh iorih, mangat ahku duon nohto bua-bua ijo mondahang koutung'kam.

PILIPI 4:17 ပူးပေါင်းရင်းမြစ်များ

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 15:8

Amat ihkam mua aro, Amai-Ku konohajo; tutang honong kodorih ihkam tu'u-tu'u monjadi murid-Ku.

RUMA 15:28

Amat ahku jari ngopah karon-gawik'ku tuh, tutang monyorah ahkan iro ijo ang Yerusalem rih, pononga ijo jari tonipunoh rih, mahka ahku ahkan tulak nokuh lowu Spanyol, nyihing lowun'kam.

2 KORINTUS 11:16

Ahku ngulangoh sino hino: A'ai nyiring anai ijo ngohu ahku uong. Tahpi amat ihkam rih ngohu ahku kodorih, nyuhuohrih ahku ijo uong tuh monamam ka'a honjiot.

2 KORINTUS 9:5

Orih kotuluioh ahku komo porulu nyuhu iro rih ahkan'kam labih soun mangat ngurus sumbangan ijo ihkam mbowotoh rih. Ahku nguan rih, mangat noin amat ahku lombut, ponongan ihkam orih rih jari sodia. Hawui kolourih, karinah ijo ponongan'kam rih tononga honong sanang ahtoi, tutang eam kotului toropaksa.

PILIPI 1:11

Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 4:11

Ahku nyorihta tuh eam tului ahku tahpas, tului ahku jari bolajar nanyam puas umba inon ijo anai.

1 TESALONIKA 2:5

Ihkam bongom ta'an, ijo eam pu'u ihkai honyama manih, ata'ai tihpu-tihpu umba ihkam, ahkan monyuhuk konohuang-konohuang ijo bokuhu. Pohotala saksioh!

1 TIMOTEUS 3:3

ara ulun ijo pombusou, ata'ai ijo rajin hokolahi. Sobalikoh, io harus bolemu lembai tutang jolik ahkan kobuah. Io eam tou mahta duitan.

1 TIMOTEUS 6:10

Kotului tahkan kasih umba duit, lombut karo mahcam koja'at. Anai 'cobagian ulun ijo hodulu duit nyiring jari eam numbun hino ajaran Kristen, turus iro tonopahas aro kokarot ijo molonyuh ahtoi'ndo.

TITUS 1:7

Okon ukup, anai ulun ijo hogoguan gawin Pohotala, io eam tou josala-sala. Io eam tou bojuhu, ata'ai ponyingi, ata'ai pobusou, ata'ai jolik hokolahi, ata'ai jolik mahta duitan.

TITUS 3:14

Ulun-ulun iro harus bolajar nguan hal-hal ijo pios, mangat duon nyukup koporoluan-koporoluan ijo paham baguna, a'ai nyiring iro bolum eam gunai.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

1 PETRUS 5:2

mangat ihkam nyokahtik kawan tobiri ijo tonosorah Pohotala ahkan'kam. Nyokahtikohrih iro hawui jorih ahtoi koloukuwoh ijo tonojolik bain Pohotala, tutang ara umba bahat ahtoi. Ararih hino nguanrih gawin'mu ahkan dahpot utung, molekan kotului ihkam tu'u-tu'u jolik mohalu.

2 PETRUS 2:15

Tului iro eam kani nitoi jalan ijo morong, mahka iro sosat. Iro ngomin jalan ijo tonitoi bain Bileam anak Beor lomoi. Bileam orih jolik samasino dahpot duit, tahkan gawiou ijo ja'at.

2 PETRUS 2:3

Tului iro bokuhu, mahka guru-guru polasu rih ahkan monyorihta ahkan'kam sorihta-sorihta ijo tonongarang bongoi ahkan ngomin utung tahkan ihkam. Tahpi bosara ahkan monopahas hukuman ahkan ngosan iro jari tahi tonyodia, tutang korusak jari tonahtap ahkan iro, rahat ngindoi iro.

YUDAS 1:11

Colahka iro! Iro jari nitoi jalan, ijo tonyuru bain Kain. Mangat dahpot duit, iro nombohos arop luwang dahtah kolahcat, sama kolou Bileam. Tutang iro ka tolonyuh, tului molawan kolou Korah.