PILIPI 3:6 - BOWOT BOHUA

⁶ Ahku malah kolourih bosomangat, nyiring ahku ngoporos ukup. Amat morehken tahkan hila hukum agama Yahudi, ahku anai ihcobehti ulun pios ijo eam bosala.

PILIPI 3:6 ပူးပေါင်းရင်းမြစ်များ

MATEUS 23:25

Colahka ihkam guru-guru agama tutang ulun-ulun Parisi! Ihkam tuhkang pura-pura! Pikan-pikan tutang piring-piring'kam, ihkam muhioh borasih-rasih hila luaroh, padahar luwangoh kojilok samasino umba hal-hal ijo ihkam dahpotoh hapan kokarasan tutang kokuhu'kam.

MATEUS 5:20

Jadi ingatrih: Ihkam eam touharapan, monjadi uhkup ain Pohotala, amat eam molowi umba guru-guru agama tutang ulun-ulun Parisi a'ang hal nguan konohuang Pohotala!”

LUKAS 1:6

Pombolum lohpouawu orih rih ngojorih ahtoi Pohotala. Koduooh bokehtep umba paring poretah tutang Hukum Tuhan umba ko opah ahtoi'ndo.

KESAH RASUL-RASUL 21:20

Kotihka kami ngonih sorihta Paulus rih, iro paringoh monara Pohotala. Pongohino iro nuhtui umba Paulus, ‘‘Konduang Paulus! Konduang harus ta'an, ijo jari bokuhjan-kuhjan ulun Yahudi ijo porocaya ahkan Yesus. Iro paring tohkorih ulun-ulun ijo bokehtep numbun hukum Museh.

KESAH RASUL-RASUL 22:5

Imam hajo bongoi, tutang soup Majelis Agama dahpot nonga kosaksian ijo ahku puna eam bobalik. Tului iro orihrih ijo jari nonga ahkak'ku surat kotorangan ijo tonitu ulun-ulun Yahudi ang Damaskus. Tului surat rih ahku dahpot nawan ang anan, ulun-ulun ijo porocaya umba ajar orih tutang ngomin iro nokuh Yerusalem ahkan'ndo tonohukum.’’

KESAH RASUL-RASUL 26:5

Jari tahi iro ngota'an tohou ahku. Tutang amat iro kani, iro duon nonga kosaksian ijo tahkan pahtukoh ahku jari bolum monjadi ulun Parisi, honong numbun paring poroturan'ndo ijo paling sihtong ang luwang agaman ihkai.

KESAH RASUL-RASUL 8:3

Tahpi Saulus toturus iou ngurah jalan polonyuh ukup. Io tulak tahkan lohpou nokuh lohpou tutang nguhut soluka ulun-ulun porocaya turus posolong iro nokuh luwang sipir.

RUMA 7:9

Ahku lomoi bolum eamhapa hukum agama. Tahpi kotihka hukum agama lombut, dusa nopara bolum,

1 KORINTUS 10:32

Bolumrih kolouorih kolou, nyiring Konduang eam kotuluioh ulun bohkon nguan dosa; inonkah iro ulun Yahudi ata'ai ulun bohkon Yahudi, ata'ai ka ukup Pohotala.

1 KORINTUS 15:9

Ahku anairih rasul Tuhan ijo paling randah. Ahku eam pahtut konohawot rasul, tului ahku jari nyiksa ukup ain Pohotala.

PILIPI 2:15

Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

1 TIMOTEUS 1:13

oluka soun ahku mopitnah tutang ngoporos hawui mohina Io. Tapi Pohotala mongasih ahku, kotului ang ohkot orih ahku jaha porocaya, jadi ahku eam kota'an inon ijo ahku nguai.