PILIPI 3:20 - BOWOT BOHUA

²⁰ Tahpi ihto anai rih waris kolahcan soruga. Tahkan anan ka'a Lahca Ponyolamat ihto, Tuhan Yesus Kristus, ahkan lombut. Iorih ijo ihto ngindo-ngindoi honong rindu.

PILIPI 3:20 ပူးပေါင်းရင်းမြစ်များ

MATEUS 19:21

Yesus nuhtui umba io, “Amat ihko kani monjadi soporuna, tulak modagang paring ain'mu. Tonga duitoh ahkan ulun porosbolum, tutang ihko ahkan norima ponahtou ang soruga. Ulirih rih, lombut rih ngahasu Ahku!”

LUKAS 12:21

Kolourih kojoriai umba nyinong ulun ijo bousaha monjadi tahtou ahkan arop, tahpi eam bousaha monjadi tahtou ang mahtan Pohotala.’’

LUKAS 14:14

Ihko ahkan tomorehkat, tului ulun-ulun rih tutang eam ahkan duon mbalasoh kopios'kam rih. Kopios'kam orih ahkan tomalos bain Pohotala aang ohkot ulun-ulun ijo morong monyun huli tahkan popahtoi.’’

KESAH RASUL-RASUL 1:11

‘‘O, ulun-ulun Galilea,’’ hion koduo behti rih, ‘‘ombai ihkam tombok iou ang anan nokara nokuh langit? Yesus ijo ihkam nohto hogahtang nokuh soruga rih ang toharep'kam, ahkan huli hino umba cara orih ka'a, kolou ijo ihkam nohtooh nanai.’’

1 KORINTUS 1:7

nyiring ihkam eam kurang ihco borehkat ka, pondehan ihkam ngindoi Tuhan ihto Yesus Kristus lombut, tutang gihtan kobain paring ulun.

1 KORINTUS 15:48

Ulun-ulun kolunon tuh uras kolou Adam ijo pahtukoh; ijo tonapa tahkan tana, tahpi ulun-ulun soruga uras kolou Io ijo lombut tahkan soruga.

2 KORINTUS 4:18

Tului ihkai eam nohtoani hal-hal ijo gihtan, molekan ijo eam gihtan. Ijo gihtan puna baya pondehan tahpi ijo eam gihtan rih bunggut nyiring turus-jahamoh.

2 KORINTUS 5:8

orih kotuluioh ahtoi ihkai tabah. Ihkai labih jolik bolohkak tahkan behtin ihkai tuh, mangat jeleng mohcon umba Tuhan.

GALATIA 4:26

Tahpi Yerusalem ijo ang soruga rih, anairih Yerusalem ijo morodehka, tutang, iorih inai ihto.

EPESUS 2:19

Kobain orih, ihkam eam hino barih ulun bohkonuhtus ata'ai ulun luar. Ihkam huntuh anairih sama-sama uhtus ukup ain Pohotala. Ihkam anairih anak-anak jolahan Pohotala.

EPESUS 2:6

Kotului ihto hihco umba Kristus Yesus, Pohotala ngomonyun ihto hoduli hombo-homboh Io, mangat ihto moretah ka'a hombo-homboh Io ang luwang soruga.

PILIPI 1:10

Honong kolourih ihkam ta'an mitih inon ijo kopiosoh, tutang pombolum'kam borasih tahkan cela'an, ata'ai dawa'an inon ka, ka'a ang ondou Kristus lombut hoduli.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

KOLOSE 1:5

Ihkam porocaya tutang ihkam pongasih, tului ihkam harap ahkan inon ijo tonyodia ang soruga bain Pohotala ahkan'kam. Ihkam ius ngonih tohou hal orih kotihka Kabar Hinut ijo morong tonyapai ahkan'kam.

1 TESALONIKA 1:10

Iro mander ka'a, tohou koloukuwoh ihkam moharapoh polombut Anak Pohotala tahkan soruga, yorih Yesus, ijo jari tonombolum bain Pohotala tahkan popahtoi. Yesus orihrih ka'a ijo monyolamat ihto tahkan kosingin Pohotala ijo ahkan lombut.

1 TESALONIKA 4:16

Noin molehkat hajo ahkan na'ah umba auh ijo muhing, tutang sorunai Pohotala tomohpos kolou tanda aba-aba. Turus Tuhan Yesus bongoi ahkan nosuluh tahkan soruga, tutang ulun-ulun Kristen ijo jari mahtoi ahkan tongomonyun labih soun.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

IBRANI 12:22

Tombalikoh ihkam jari lombut nokuh Puruk Sion tutang Lowun Pohotala ijo bolum, io rih Yerusalem ijo ang soruga umba bokuhjan-kuhjan molehkatoh.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!