PILIPI 3:18 - BOWOT BOHUA

¹⁸ Ahku ius kinjap tikat mborihta ahkan'kam, tutang huntuh ahku nokolulioh hino hawui nangih, ijo anai aro ulun ijo pombolumoh morusak riman popahtoi Kristus ijo nyopolahki.

PILIPI 3:18 ပူးပေါင်းရင်းမြစ်များ

LUKAS 19:41

Kotihka Yesus mahi nahpi lowu Yerusalem, tutang nohto lowu orih, Io nangihoh.

KESAH RASUL-RASUL 20:19

Honong randah ahtoi tutang aro nusuhdanum mahta, ahku bogawi ahkan Tuhan, ang tohun-tohun karot ijo ahku nginyamoh tului tiruk ja'at ulun-ulun Yahudi.

RUMA 9:2

Ahku paham sedih tutang ahtoi'ku paham ngarot,

1 KORINTUS 1:18

Kotului ahkan ulun-ulun ijo nihtu korusak, borihta tohou popahtoi Kristus aang sopolahki, monjadi panderkouong. Tahpi ahkan ihto ijo nitu solamat kobain Pohotala, borihta rih puna tu'u caraoh Pohotala ngorinah kowasai-Oh.

1 KORINTUS 6:9

Kota'ankah ihkam ijo ulun-ulun, ijo eam numbun konohuang Pohotala, eam ahkan monjadi anak ukup Pohotala? Ara kona alik! Ulun-ulun ijo nguan kokihal, ulun-ulun ijo nyembah songiang, ijo pohobandung, ijo nguan gawiou ijo momi'a toharep sama tapaioh,

2 KORINTUS 11:13

Ulun-ulun kolourih, anairih rasul-rasul alik. Iro ponggawi-ponggawi ijo nyoruwa ulun, umba nyamar kolou rasul-rasul Kristus.

2 KORINTUS 11:29

Amat anai ijo bolomu, ahku ka umba komo kolomu ka'a. Amat anai ijo botahak ang luwang dusa, ahtoi'ku umba lonyuh.

2 KORINTUS 2:4

Ahku nyurat ahkan'kam hawui ahtoi ijo poros tutang bahat tutang umba aro nusuh danum mahto. Konohuang'ku eam mangat ihkam monjadi poros ahtoi, tahpi mangat ihkam borondong ijo ahku paham ngasih ihkam.

GALATIA 1:7

Kotu'uioh eam anai ‘‘kabar pios ijo bohkon.’’ Tihkas anai ulun-ulun ijo mborihta ahkan ihkam ‘‘kabar pios’’ tohou Kristus ijo iro mbalik mokilaoh nyiring ngihcuh ihkam.

GALATIA 2:14

Kodorih ahku nohto ijo iro eam bosihkap sorurui umba komorong Kabar Hinut rih, ahku nuhtui umba Petrus ang husuk paring ulun ijo tuot ang anai, ‘‘Amat Konduang kolou ulun Yahudi jari bolum kolou ulun bohkon Yahudi, ombai Konduang uhuntuh hojojuan ulun-ulun bohkon bolum kolou ulun Yahudi?’’

GALATIA 2:21

Ahku eam nawah pononganasi Pohotala. Amat kohihcon ulun umba Pohotala monjadi pios hoduli, kotului molalus hukum agama rih, rimai popahtoi Kristus eam anai gunaioh!

GALATIA 5:21

hawui hiri ahtoi, bobusau, pesta borami-rami tutang ijo bohkonoh. Toharep paringoh orih, ahku mopingat ihkam, huntuh koloukuwoh ahku mopingat ihkam lomoi ka'a, ijo ulun-ulun ijo nguan hal-hal kolourih eam ahkan monjadi anak ukup Ain Pohotala.

GALATIA 6:12

Ulun-ulun ijo kani nyuhung aropoh umba hal-hal carakonanak, iro ijo bousaha, jojuan ihkam numbun poroturan sunat. Tahpi iro nguan rih baya mangat iro eam tonoporos ulun Yahudi bain kotului sopolahkin Kristus.

GALATIA 6:14

Tahpi ahku samasino eam kani monamam inon ka, bohkonumba Tuhan ihto Yesus Kristus ijo jari mahtoi tomahpak. Kobain orihrih, kotului Io jari mahtoi tomahpak mahka kolunon eam hino bororima ino-inon bagi'ku. Tutang toharep kolunon tuh, ahku ka'a kolo-kolou ius mahtoi.

EPESUS 4:17

Kotului rih demi aran Tuhan, tuhrih ijo ahkan ahku nuhtui tutang tegas; ara hino bolum kolou ulun-ulun ijo eam kosono Pohotala, tutang niruk ijo eam-eam.

PILIPI 1:4

Tutang nyinong tikat ahku bodo'a ahkan Konduang paringoh, ahku bodo'a honong sanang ahtoi.

1 TESALONIKA 4:6

A'ang hal kolouorih, a'ai ihcobehti ka nguan kosalan umba konduangoh ata'ai ka monihpuoh. Lomoi ihkai jari nonga tingak ijo paham ahkan'kam, ijo Tuhan ahkan mohukum ulun-ulun ijo nguan kosalan-kosalan kolouorih.

2 TESALONIKA 3:11

Ihkai mander tuh, kotului ihkai ngonih, ijo anai ulun-ulun ang louk'kam ijo bolum noka-nokas. Iro eam bogawi angihco ka, kocoali deroh nyampur, urusan ulun bohkon.

2 PETRUS 2:10

khususoh ulun-ulun ijo numbun kojolik-kojolik bolai iro ijo kojilok tutang ijo mohina kowasan Pohotala. Kolourih kohanyi tutang kojuhuoh guru-guru polasu rih nyiring iro eam teka-tekan mohina dolang aangbolum ijo tonohoromat ang soruga ka!

YUDAS 1:13

Sama kolou luhcak ijo nyawung ang tasik, polombut puhtak, kolourih ka'a iro hopohtak gawiu-gawiu ijo ngomia. Iro anairih kolou potion-potion ijo kindah-kondaha, tutang ijo jari tonyodia unukoh bain Pohotala, ang luwang kopindong, ijo paling paham ahkan turus-jahamoh.