14 Orih kobaiuoh ahku nokoru toturus nitu titui laiu, ahkan duon komanang, yorih pombolum ijo ang soruga; ahkan orihrih Pohotala na'ah ihto nguha Kristus Yesus.
Hukum ijo tononga bain Museh tutang ajaran nabi-nabi tahtap nyolung johcok aang uhun Yohanes Popondus. Tahkan ohkot orih Kabar Hinut tohou koloukuwoh Pohotala moretah kolou Lahca borihtaoh toturusoh. Tutang ulun maksa aropoh ahkan monjadi anak ukup ain Pohotala.
Tului amat Pohotala mitih ulun tutang mborehkat ulun rih, Pohotala eam pu'u nguhut huli inon ijo ius konuai-Oh.
Konduang puna ta'an, ijo ang a'ang hosolanja, koparing ulun umba nokoru, tahpi baya ihcobehti ulun norima hadiah. Bain tului orih, nokoru kodorih kolouoh, nyiring Konduang norima hodiahoh.
Tutang kosusah ijo eam sopiraoh tuh, ijo ihkai nyuruoh tihkas pondehan, ahkan momua bagin ihkai ihco kosanang, ijo luar biasa tutang abadi. Kosanang orih mahcu labih hajo amat tonindung umba kosusahan rih bongoi.
Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.
A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,
Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.
Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.
Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.
Kotului rih, olai ihto miar nokuh polajaran-polajaran ijo labih ombu tohou kookooh pombolum Kristen, tutang ara tihkas nuneng ajas-ajas pahtuk ajaran agaman ihto. Ara ihto nokoluli hino ajaran dasar, ijo ulun harus tondo nguan hal-hal ijo eam boguna, tutang harus porocaya ahkan Pohotala,
Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.
Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.
Pohotala jari hapan kowasa ko-Pohotalai-Oh, ahkan nunga ahkan ihto karo aang'co ijo porulu ahkan pombolum bosombayang. Io nguan tuh, nguha inon ijo ihto kota'aioh tohou Yesus Kristus, ijo ius na'ah ihto ahkan nginyam kohajoi tutang kopios-Oh.
Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.