PILIPI 2:17 - BOWOT BOHUA

¹⁷ Mihkohtou ahku ahkan tomunu, tutang dahak'ku monjadi kolou porahpah tusuh ang ngosan inon ijo ihkam monyorahoh ahkan Pohotala, kolou tanda ijo ihkam porocaya umba Io. Amat puna orih harus kolourih, ahku norimakasih ngosan hal rih tutang umba jorih homboh ihkam.

PILIPI 2:17 ပူးပေါင်းရင်းမြစ်များ

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

RUMA 12:1

Konduang-konduang! Pohotala ngarinah asioh umba ihto. Orih kotuluioh ahku nyawot honong paham mangat ihkam monyorah arop'kam, kolou ihco porahpah ijo bolum, ijo khusus ahkan Pohotala tutang ijo ngojorih ahtoi-Oh. Sombayang'kam ahkan Pohotala koharusoh kolouorih.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

2 KORINTUS 12:15

Tului orih, hawoi sanang ahtoi'ku rela moporahpah kokaro-karonoh ahkan'kam, malahan arop'ku bongok ka. Amat ahku kodorih ngasi ihkam, kuwohrih pahtut ihkam kurang ngasi ahku?

2 KORINTUS 4:12

Jituh rimai ijo ang luwang arop ihkai popahtoi rahat giat molalus porananoh, tahpi ihkai jorih, ijo pombolumrih ijo rahat giat ang luwang behtin'kam.

2 KORINTUS 6:10

Oluka ahtoi ihkai tongoporos ahtoi, tahpi ihkai hototurus jorih ka'a. Ihkai topahjahoh porosbolum, tahpi ihkai jari nguan aro ulun monjadi tahtou. Topahjahoh ihkai eam anai ngina ino-inon tahpi kotu'ui ihkai jari ngina paring-aangoh.

2 KORINTUS 7:4

Ahku ngina koporocaya tuwi ahkan'kam. Malah ahku namam samasino toharep'kam! Oluka ihkai nyuru aro kosusah, ahtoi'ku paham konapung tului ihkam. Ahtoi'ku tu'u-tu'u jorih!

PILIPI 1:20

Ijo ahku paham jolik tutang harapoh, iorih mangat ara sasino-sino ahku gagal a'ang tugas'ku. Sabalikoh ahku bokoharap mangat nyinong wayah, ijo mombahtang sino huntuh, ahku honong sikap bohanyi, nyiring hopus homboruak behtik'ku – pios ahku bolum ata'ai ahku mahtoi – Kristus tonohajo.

PILIPI 2:18

Kodorih ka'a hondakoh ihkam ka nginyam sanang tutang umba kojorih honong ahku.

PILIPI 2:30

Ahkan gunan gawin Kristus, io korenga iou mahtoi; io nyarah hasongoh, ahkan nonga pondohop ahkak'ku, ngosan aran ihkam.

PILIPI 4:18

Ahku jari norima paringoh – malah molowi tahkanmba sukup! Paring pononga ijo ihkam ngirim ahkak'ku, jari ahku torima tahkan Epafroditus. Huntuh ahku anai ngina paring ijo ahku poruluoh. Pononga-pononga tahkan ihkam rih, anairih kolou buanharum ijo tonyorah ahkan Pohotala tutang ijo tonorima bain Pohotala honong sanang ahtoi.

KOLOSE 1:24

Huntuh ahku sanang mongarot ahkan kogunan ihkam. Tului umba kongarot behtik'ku, ahku nyuhkup inon ijo magun harus tongarot bain Kristus ahkan ukup-Oh yorih behtiu-Oh.

1 TESALONIKA 2:8

Tului ngasi nyayang ihkai, ihkai bosodia nonga ahkan'kam, eam iou Kabar Hinut ijo tahkan Pohotala rih, tahpi pombolum ihkai ka'a. Tului ihkai paham ngasi ihkam paring!

2 TIMOTEUS 4:6

Tohou arop'ku, jari johcok ohkotoh, ahku ahkan mahtoi kolou porahpah ahkan Pohotala. Honjiot hino ahku ahkan nohtah kolunon tuh.

1 PETRUS 2:5

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.

1 YOHANES 3:16

Umba jalan tuhrih ihto mongota'an cara masi sama arop; Kristus jari monyorah pombolum-Oh bagi ihto. Kobain orih ihto ka'a harus monyorah pombolum ihto bagi konduang-konduang ihto!