PILIPI 2:15 - BOWOT BOHUA

^15-16 Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.

PILIPI 2:15 ပူးပေါင်းရင်းမြစ်များ

MATEUS 10:16

“Nohtoanirih auh'ku tuh: Ahku nyuhu ihkam kolou tobiri, ijo eam aro borodaya, nokuh tohun-tohun horomaung bosiak. Ihkam harus borondong kolou lohi, tutang morong ahtoi kolou bulung dala.

MATEUS 17:17

Yesus mutah, “Eam inon ihkam tuh! Ihkam tu'u-tu'u ulun-ulun ijo nyahpang tutang eam porocaya. Nyiring mira Ahku harus mohcon umba ihkam tutang sabar toharep ihkam? Ngomin anak orih 'kanohtoi!”

MATEUS 5:45

mangat ihkam monjadi anak-anak Amai'kam ijo ang soruga. Kotului Pohotala poloang mahtanondou-Oh, bagi ulun ijo nguan ijo pios, tutang bagi ulun ijo nguan koja'at ka'a. Io noposuluh uhjan bagi ulun ijo nguan komorong, tutang bagi ulun ijo nguan koja'at ka'a.

MATEUS 5:48

Amai'kam ijo ang soruga ngasih paring ulun hawoi soporuna. Ihkam harus kodorih ka'a.”

LUKAS 1:6

Pombolum lohpouawu orih rih ngojorih ahtoi Pohotala. Koduooh bokehtep umba paring poretah tutang Hukum Tuhan umba ko opah ahtoi'ndo.

LUKAS 6:35

Koharusoh eam kolourih! Ihkam sobalikoh harus ngasih musuh'kam, tutang nguan aang hinut ahkan iro. Ihkam harus nonga pohonjaman, tutang ara harapoh tou buli. Amat kolourih uhpah'kam ahkan hajo, tutang ihkam ahkan monjadi anak-anak Pohotala Ijo Maha Isung. Tului Pohotala hinut ahtoi nohimo ulun ijo eam ta'an torimakasih, tutang tohimo ulun ijo ja'at ka'a.

YOHANES 5:35

Yohanes rih sama umba sumbu ijo honjala tutang ngorolondang koloangoh. Bagi pondehan ohkot ihkam sanang norimaoh koboloang rih.

KESAH RASUL-RASUL 2:40

Kodorih Petrus monarang kotbah ahkan iro. Tutang umba aro tuhtui ijo bohkon ka'a io nyuhuoh ahkan iro, mangat iro moliwus arop'ndo tahkan uhtus ijo ja'at tuh, ijo ahkan tonohukum bain Pohotala.

KESAH RASUL-RASUL 20:30

Malah tahkan louk Konduang-konduang bongon ka, ahkan lombut ulun-ulun ijo ahkan monyiar borihta ijo eam morong. Iro nguan kodorih ahkan ulun-ulun ijo jari porocaya umba Tuhan Yesus Kristus monjadi lacat tutang nutut iro.

RUMA 16:19

Paring ulun jari ngota'an ijo ihkam bokehtep ahkan ajaran tohou Kabar Hinut ijo tahkan Pohotala. Tutang ahku sanang ngosan hal orih tohou ihkam. Ahku jolik mangat ihkam solembang tohou hal-hal ijo pios; tutang uong tohou hal-hal ijo ja'at.

1 KORINTUS 1:8

Kristus bongoi ahkan monjamin ihkam nyiring aang kolaiuoh; mangat aang ohkot Io lombut hoduli, ihkam tonyombang-Oh eam aro kosalan.

2 KORINTUS 6:17

Tului orih, Nohtahrih iou ulun-ulun ijo eam ngosono Pohotala rih, tutang pisah ohrih iou arop'mu tahkan iro. Ara hojelut samasino umba ijo pali, mahka Ahku ahkan norima ihko.

EPESUS 5:27

Honong kolourih Kristus nguan ukup rih tombok hawui ponohajo tutang borasih ang husuk-Oh, earo cahcat ata'ai sala inon ka.

PILIPI 1:10

Honong kolourih ihkam ta'an mitih inon ijo kopiosoh, tutang pombolum'kam borasih tahkan cela'an, ata'ai dawa'an inon ka, ka'a ang ondou Kristus lombut hoduli.

PILIPI 3:6

Ahku malah kolourih bosomangat, nyiring ahku ngoporos ukup. Amat morehken tahkan hila hukum agama Yahudi, ahku anai ihcobehti ulun pios ijo eam bosala.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

1 TIMOTEUS 3:10

Hondakoh iro ponoriksa houn, tutang amat korinah iro earo kosalai, punanrih iro duon jadi pondohop ang luwang ukup.

1 TIMOTEUS 3:2

Ihcobehti pohalu ukup harusrih ulun ijo earo kosalai, tutang tihkas ihco iou oruhoh, ngota'an nahan aropoh, pihtar, tutang tertib, io jolik norima ulun ang luwang lohpouoh, tutang tou majar ulun,

1 TIMOTEUS 5:14

Orihrih kotuluioh ahku kani, mangat balu-balu biou pios kawin hino, dahpot anak hino tutang hogoguan lohpou kosalahoh, mangat musuh-musuh ihto eam dahpot kosapetoh ahkan ngoja'at-ja'at aran ihto.

1 TIMOTEUS 5:20

Ulun ijo nguan dusa harusrih toningak ang toharep hopus ukup, mangat ijo bokon monjadi mihkoh.

1 TIMOTEUS 5:7

Nyapairih potunjuk-potunjuk tuh ahkan iro, mangat iro bolum earo kosalai.

TITUS 1:6

Ihcobehti ponotua ukup hondakrih ihcobehti ijo eamanai kosalaioh: Io tihkas ngina ihcobehti oruhoh, anak-anakoh harus jari porocaya umba Kristus tutang eam ijo bosewut kolou anak brandal tutang ijo eam dahpot tongahtur.

TITUS 2:10

ata'ai nahkou. Hondakrih iro pokarah ijo iro toturus honong sihkap pios tutang te'et, mangat umba sihkap iro rih, ulun monara ajaran tohou Pohotala, Ponyolamat ihto.

TITUS 2:15

Majarohrih iou paringoh tutang ningakoh hawui pingat dolang pongonih ajaran'mu, tutang tuwi pongaroh. A'ai mohonau ihcobehti ka, nopahjah ihko pinda.

IBRANI 7:26

Jadi, Yesus orihrih Imam Hajo ijo ihto poruluoh. Io Borasih; aang Io eam dahpot kosalan ata'ai dusa inonka. Io tongobohkon tahkan ulun-ulun ijo bodusa, tutang tongahtangrih nyiring nokuh unuk ijo labih diang tahkan kokaro langit.

1 PETRUS 2:12

Hadatdasar'mu, ang tohun ulun ijo eam kosono Tuhan harusrih labih pios, nyiring amat iro mopitnah ihkam, kolou ulun ja'at, iro ka'a harus ngahku angkonuan'mu ijo pios, nyiring iro ahkan monara Pohotala ang ondou polombut-Oh.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

2 PETRUS 3:14

Kotului orih, Konduang-konduang ijo tonosita, pondehan ihkam ngindoi Ondou rih, bousaha tu'u-tu'u ahkan bolum borasih tutang earo kosalai ang toharep Pohotala. Tutang mohaga kohihco ijo hinut umba Pohotala.

PONGORINAH 2:5

Tului rih, ingatrih, eam-inon komahcu ihkam jari ngonyahtu! Hubah iou tahkan dusa-dusan'kam rih tutang nguanohrih iou inon ijo ihkam nguaioh pahtuk. Amat eam mahka Ahku ahkan lombut nokuh'kam tutang nyohpit pa'an sumbun'kam rih tahkan unukoh.

PONGORINAH 3:9

Ingatrih tuh: Ulun-ulun ijo monjadi ukup Sehtan rih, pobalik-pobalik ijo ngohawot aropoh Yahudi podahal bohkon, ahkan Ahkunguan, nyiring iro lombut suhkuntu'ut ang toharep'mu. Tutang iro ahkan kota'an ijo Ahku ngasi ihkam.