PILIPI 2:14 - BOWOT BOHUA

¹⁴ Nguan iou rih kokaron aangihco hawui ara bokuhtu-kuhtuk ata'ai hojawab.

PILIPI 2:14 ပူးပေါင်းရင်းမြစ်များ

MATEUS 20:11

Kotihka norima duit orih iro bokuhtuk umba tepun pombulan rih:

MARKUS 14:5

Minyak rih duon tonodagang umba regai, molowi tahkan tolu lahtus duit perak, tutang duitoh nonga ahkan ulun porosbolum!’’ Mahka iro bosingi umba ulunbawi rih.

MARKUS 9:14

Kotihka Yesus tutang kotolu murid-Oh jari anai hoduli hihco murid-murid-Oh ijo bohkon, iro nohto aro ulun ang anan. Pira-pira guru agama rahat hojawab umba murid-murid Yesus rih.

LUKAS 5:30

Papira ulun Parisi tutang guru-guru agama, nanyam eam sanang turus nuhtui umba murid-murid Yesus, ‘‘Ombai ihkam paringoh kuman ngorih umba ponagih pajak tutang ulun-ulun ijo eam pios?’’

KESAH RASUL-RASUL 15:2

Paulus tutang Barnabas ngolawan paham umba tiruk ulun ijo kolourih. Kojoriaioh tonuhkas mangat Paulus doro Barnabas hawui pira-pira ulun bohkon, tahkan Antiokhia tulak nokuh Yerusalem ahkan hotohou masalah orih umba rasul-rasul tutang okon-okon ukup ijo ang anan.

KESAH RASUL-RASUL 15:39

Mahka Paulus tutang Barnabas hojawab paham, nyiring laiuoh doro hobomilang: Barnabas ngomin Markus ahkan jolahai nomuoi tutang turus bolayar homboh io nokuh Siprus.

KESAH RASUL-RASUL 15:7

Tahi sino iro pohihco tiruk. Kojoriai Petrus tombok hawui nuhtui, ‘‘Konduang-konduang! Ihkam bongon kota'an ang pira-pira ohkot ijo houn Pohotala ngopili ahku tahkan louk ihkam ahkan mborihta Kabar Hinut rih, ahkan ulun-ulun bohkon Yahudi, ahkan iro ka'a ngonih tutang porocaya.

KESAH RASUL-RASUL 6:1

Murid-murid Yesus sasar tahi sasar mondahang aro. Aang ohkot rih ulun-ulun Yahudi ijo hapa basa Yunani, monjadi eam sanang toharep ulun Yahudi asli. Ijo basa Yunani rih nuhtui, ‘‘Bawin-bawin ihkai ijo jari balu eam duonbagian pondohop ukus nyinong ondou ijo tomagi-magioh ahkan ulun-ulun.’’

RUMA 12:18

Tahkan sila ihko, ngurah jalan sodahpot-dahpotoh ahkan bolum hokobuah umba paring ulun.

RUMA 14:1

Ulun ijo eam yahkin ahkan inon ijo tomorocayaoh harus tonorima honong kopios ahtoi ang louk Konduang-konduang. Ara hojawab umba ulun tohou pihkir-pihkiroh.

RUMA 16:17

Konduang-konduang! Ahku nyawot umba'kam: Ati-atirih toharep ulun-ulun ijo polombut kopisah tutang monderoh koporocaya ulun ahkan Tuhan. Hal rih hokolawan umba inon ijo jari tongajar ahkan ihkam. Ngomahcurih iou, ulun-ulun kolou orih.

1 KORINTUS 10:10

Ihto eam tou ka'a bokuhtuk, kolou ijo tonguan bain 'cokobagi tahkan iro lomoi, nyiring iro ponunu bain Molehkat Pomunu.

2 KORINTUS 12:20

Ahku kowatir ijo aang ohkot ahku masap ihkam noin, ahku nyombang ihkam eam kolou inon ijo ahku harapoh, tutang ihkam ka ahkan nyombang ahku eam kolou ijo ihkam harapoh. Ara-ara noin anai ijo hokolahi, hiri ahtoi, bolasut ahtoi, gunan ahkai bongoi, pinah-mopitnah, hasut-mohasut, bojuhu tutang monderoh.

GALATIA 5:15

Tahpi amat ihkam saling hokoramak, awas noin ihkam hombo-homboh lonyuh.

GALATIA 5:26

Ihto eam tou monjadi bojuhu, tutang saling ngoporos ahtoi, honong hiri ahtoi ihco sama ijo-bohkon.

PILIPI 2:3

Ara nguan aang'co, tului kojuan kogunan arop bongon, ata'ai ahkan mopojuhu arop. Sobalikoh hondakrih ihkam nyino-nyinong honong randah ahtoi tutang ngohu ulun bohkon labih pios tahkan arop bongon.

1 TESALONIKA 5:13

Piosnguanrih iro honong sohoromat-horomatoh, tutang umba kasihsayang kotului ingat, inon ijo iro nguaioh. Bolum toturus hawui rukun.

1 TESALONIKA 5:15

Jagarih mangat ara anai ijo malos koja'at umba koja'at. Bousaharih toturus ahkan nguan ang pios, ihcobehti ahkan ijo bohkon tutang ahkan paring ulun.

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.

YAKOBUS 1:20

Ulun ijo bosingi, eam dahpot nguan ijo hinut, ijo ngojorih ahtoi Pohotala.

YAKOBUS 3:14

Tahpi amat ihkam ngobohu, poros ahtoi, tutang ngohu arop bongon, a'airih namam kopihtar arop rih, kotului umba orih ihkam mutarbalik borihta ijo morong tahkan Pohotala.

YAKOBUS 5:9

Ara bokuhtuk tutang saling hotosalan, mangat ihkam eam kona hukum bain Pohotala. Ingat! Hakim ius doni, tohtap ahkan lombut.

1 PETRUS 3:11

Io harus ngomahcuoh ijo ja'at tutang nguanohrih ijo pios; hondakrih io kolahi tu'u-tu'u ahkan mondahpot kobuah.

1 PETRUS 4:9

Hondakrih, ihkam norima ihco umba ijobohkon, ang lohpou nyinong-nyinong eam bokuhtuk.

YUDAS 1:16

Ulun-ulun rih toturus iou bokuhtuk tutang nosalan ulun bohkon. Iro bolum numbun kojolik-kojolik iro ijo bodusa. Iro panderalik tohou aropoh bongoi, tutang monjilat ulun mangat duon utung.